Ուրբաթ, 25 Մայիսի 2018 14:13

Արմինֆո.«Հայաստանում տեղի ունեցած իրադարձությունները, որոնք հանգեցրեցին կառավարության փոփոխության, չափազանց կարևոր են հայ ժողովրդի համար, քանի որ միանգամայն նոր էջ են բացում ձեր երկրի ժողովրդավարական զարգացման տեսանկյունից՚, - Ալմաթիում 15-րդ Եվրասիական մեդիաֆորումի հարթակներում ԱրմԻնֆո-ի թղթակցի հետ զրույցում հայտարարել է Վրաստանում և Ուկրաինայում հայտնի քաղաքական գործիչ, Վրաստանի ՆԳՆ ոստիկանական ակադեմիայի ղեկավար (2007-2012), Ուկրաինայի ազգային ոստիկանության պետ (2015-2016) Խաթիա Դեկանոձեն:

 

Նա բարձր է գնահատել Հայաստանի համաժողովրդական շարժման մակարդակը: «Ես մշտապես հետևում էի իրադարձությունների զարգացմանը և հաճելիորեն զարմացա, թե որքան շատ մարդ էր փողոց դուրս եկել բողոքի խաղաղ գործողությունների, և` թե մարդիկ որքան անկեղծորեն և կազմակերպված էին փոփոխություններ ցանկանում երկրում՚: Քաղաքական գործիչը նշել է Նիկոլ Փաշինյանի չափազանց կարևոր դերը` որպես շարժման առաջնորդ, «որը ցույց տվեց, թե ինչ է արդի աշխարհը, թե ինչպես հասարակ մահկանացուն ի զորու է իր շուրջ համախմբել մարդկանց, ցույց տվեց, թե ինչպես է պետք խոսել մարդկանց հետ, լսել նրանց, շփվել նրանց հետ՚: «Փաշինյանն ու իր թիմը մարմնավորում են ժամանակակից քաղաքական գործչի նոր մոդել: Եվ ես մեծ ակնկալիք ունեմ, որ հայ ժողովրդի բոլոր իղձերն անպայման կիրականանան, քանի որ ձեր ժողովուրդն իրոք դրան արժանի է՚, - նշել է Դեկանոձեն:

 

Որպես Վրաստանի և Ուկրաինայի ոստիկանական կառույցների նախկին ղեկավար` Դեկանոիձեն, խոսելով քրեականությունց և կոռուպցիայից «ավգյան ախոռները՚ մաքրելու անհրաժեշտությնա մասին, նոր կառավարությանը խորհուրդ է տվել  մշտապես լսել ժողովրդի ձայնը, որը ցանկանում է արմատախիլ անել կոռուպցիան: «Անհրաժեշտ է ակտիվորեն ոստիկանությունում ներգրավել երիտասարդ սերնդին, որը զերծ է կոռումպացված անցյալից: Եթե շարքային ոստիկանը տեսնում է, որ պետը կոռումպացված չէ, կաշառք չի վերցնում, բոլորովին մաքուր է, ապա հավատացեք,  ոչ մի ոստիկան դրան չի գնա՚, - ասել է Դեկանոձեն, նշելով, որ ուժային կառույցներում կոռուպցիայի դեմ պայքարը լիովին կարելի է համատեղել նոր ոստիկանական սերնդի մասնագիտական պատրաստությանը նպատակաուղղված աշխատանքի հետ:

 

Զրուցակիցը պաշտպանել է  իրավապահ կառույցների գլխավոր պետերի փոխարինմանն ուղղված Նիկոլ Փաշինյանի միջոցառումները, խորհորդ տալով նաև ուսումնասիրել Ոստիկանության աշխատակիցների դրամական վարձատրությունը բարձրանելու հնարավորությունը: Սակայն` ամենակարևորն է, նրա ասելով, անել այնպես, որպեսզի իրավապահ համակարգը մարդկանց կողմից ընկալվի որպես սպասարկման կառույց, որպես կառույց, որը որևէ մեկի տանիքը չէ, այլ պաշտպանում և սպասարկում է մարդկանց: Եվ հրաշալի է, որ Հայաստանի նոր կառավարությունը հենց այդպիսի դիրքորոում է դրսևորում Ոստիկաննության հասարակական առաքելության հանդեպ՚, - նշել է քաղաքական գործիչը:

 

Ինչպես նշել է Դեկանոիձեն, Փաշինյանն ու իր թիմը նոր կերտվածքի մարդիկ են, «նրանք անկեղծորեն ցանկանում են ինչ-որ բան փոխել, նրանք ուզում են լինել  ազնիվ և թափանցիկ, ուստի նրանց ամեն բան կհաջողվի՚:

 

Հիշեցնենք, որ Խաթիա Դեկանոձեն Միխայիլ Սահակաշվիլիի թիմում ընդգրկվել է ընդամենը 24 տարեկանում: Այն ժամանակ աղջիկը գլխավորում էր Վրաստանի անվտանգության խորհրդի աշխատակազմը, այնուհետև հասցրել է աշխատել կրթության նախարար, ղեկավարել ոստիկանական ակադեմիան: Խաթիան նոր բարեփոխում է ներդրել Վրաստանի ՆԳՆ-ում, վերացնելով, առաջին հերթին, բազմամյա ուսումնառությունը ոստիկանական ակադեմիայում, այն փոխարինել է իրավունքի, մարտավարության և հրաձգության վարժանքներով: «Պարկետային՚ գեներալների փոխարեն Դեկանոիձեն դասախոսական կազմում ներգրավել է օտարերկրյա մասնագետների: Դրանից հետո, ինչպես խոստովանել է քաղաքական գործիչը, Վրաստանում դպրոցականներն սկսել են երազել ոստիկանությունում աշխատելու, այլ ոչ թե` «օրենքով գողի՚ կարգավիճակի մասին:

 

Նշենք, որ 15-րդ Եվրասիական մեդիաֆորումի նիստերից մեկի ընթացքում, որը նվիրված էր հանրության շրջանում վստահության էվոլյուցիային, Եվրոպայի հեռանկարների և անվտանգության ինստիտուտի (Ֆրանսիա) նախագահ Էմանուել Դյուպոնը հատուկ ուշադրություն է դարձրել «թավշյա հեղափոխության՚ ծագմանը Հայաստանում` այն համարելով երկրում իրական ժողովրդավարական գործընթացների հիանալի դրսևրում: Նա հայ ժողովրդին մաղթել է բարօրություն և վստահություն իշխանության նոր ինստիտուտների հանդեպ: