ՙԲարգավաճ Հայաստանը՚ կհետևի ՙՕրինաց երկիր՚ կուսակցության հետագա գործողություններին, հետո միայն իր գնահատականը կտա ընդունվող որոշումների առնչությամբ:

 ՙՕրինաց երկիր՚ կուսակցությունը պետք է բացատրի, թե ինչ է ենթադրում` պնդելով քաղաքական նոր իրադրության առաջացման մասին, պետք է հստակություն մտցնի կոալիցիայից դուրս գալու հարցում:

Ապրիլի 18-ին, ժամը 19:30-ին «Դեմ եմ» քաղաքացիական նախաձեռնությունը բողոքի ակցիա կանցկացնի Հայաստանի նախագահի նստավայրի դիմաց:

 Կիպրոսի Ներկայացուցիչների պալատի խոսնակ Յանակիս Օմիրուն նամակ է հղել Եվրախորհրդարանի, Միջխորհրդարանական միության, Միջերկրածովյան խորհրդարանական վեհաժողովի, Եվրամիջերկրածովյան վեհաժողովի նախագահներին և Ուղղափառների միջխորհրդարանական վեհաժողովի գլխավոր քարտուղարին` կոչ անելով հոգ տանել Քեսաբի հայերի ճակատագրի մասին:

Եթե իշխանություններն ընդունեն ՀՅԴ առաջարկած 7 կետերը, կուսակցությունը կոալիցիա կկազմի Հայաստանի հանրապետական կուսակցության հետ, հայտարարել է ՀՅԴ խմբակցության ղեկավար Արմեն Ռուստամյանը:

 ՙԱռէկսիմբանկ-Գազպրոմբանկի խումբ՚ ՓԲԸ-ն 2014 թվականին մտադիր է ՓՄՁ վարկային պորտֆելը հասցնել մինչև 31 մլն ԱՄՆ դոլար: Այդ մասին ԱրմԻնֆո-ին հաղորդել են բանկի մամուլի ծառայությունում:  

 Առաջիկա օրերին ԱրմենՏել ընկերությունն իր հաճախորդներին կուրախացնի IP-հեռուստատեսությունով: Այս մասին ԱրմԻնֆո գործակալության թղթակցի հետ զրույցում հայտարարել է ԱրմենՏել ընկերության (BeeLine ապրանքանիշ) գլխավոր տնօրեն Անդրեյ Պյատախինը:

Ոչ իշխանական խորհրդարանական չորս ուժերի /Հայ ազգային կոնգրես, ՙԺառանգություն՚, ՀՅԴ, ՙԲարգավաճ Հայաստան՚/ ներկայացուցիչներն այսօր կայացած նիստում պայմանավորվածություն են ձեռք բերել, որ Ազգային ժողովի առաջիկա քառօրյայի շրջանակներում նախաձեռնելու են ԱԺ արտահերթ նիստ, որի ժամանակ պարտադիր կուտակային կենսաթոշակային համակարգի վերաբերյալ օրենքում փոփոխություններ կատարելու վերաբերյալ օրինագիծ կներկայացնեն:

 Իրանի հայերը բողոքի ակցիաներ են անցկացնում Սիրիայում իսլամիստների գործողությունների դեմ: Ինչպես հայտնում են իրանական ԶԼՄ-ները, ապրիլի 16-ին ակցիա է տեղի ունեցել Թեհրանում`ՄԱԿ-ի ներկայացուցչության մոտ:

Թբիլիսիի կենտրոնական դատարանը բավարարել է օֆշորային սկանդալում ներգրավված  գործարար Աշոտ Սուքիասյանին Հայաստան արտահանձնելու միջնորդությունը, հաղորդում է Hetq.am-ը: Դատական նիստի ընթացքում ելույթում իր շուրափույթ արտահանձնման մասին խնդրել է ինքը` Սուքիասյանը, հայտարարելով, որ Հայաստանում մահացել են իր ծնողները, իսկ իր կինը պարբերաբար ահաբեկող ու սպառնալիքներով լի հաղորդագրություններ է ստանում: Մինչդեռ արտահանձնման օրը դեռեւս հայտնի չէ:

  Իրավիճակն ադրբեջանական և հայկական զորքերի շփման գծում լարված է, կարծում է ԵԱՀԿ գործող նախագահի հատուկ ներկայացուցիչ Անջեյ Կասպրշիկը: Այդ են վկայում Ադրբեջանի եւ Հայաստանի պաշտպանության նախարարությունների եւ ռազմական կառույցների հաղորդագրությունները, ասել է Կասպրշիկը «Թրենդին»: Նրա ասելով, այդ հաղորդագրություններում խոսք է գնում բազմաթիվ փոխհրաձգությունների եւ զոհեր պատճառող առավել լուրջ խախտումների մասին, որոնցից յուրաքանչյուրը ողբերգություն է այդ զոհերի ընտանիքների համար:

Հովիկ Աբրահամյանին  վարչապետի պաշտոնում նշանակելը վկայում է այն մասին, որ Հայաստանի հանրապետական կուսակցությունը մտադիր չէ փոխել կառավարման ձևը, այսօր մամուլի ասուլիսի ժամանակ հայտարարել է ՙՂարաբաղ՚ կոմիտեի անդամ Աշոտ Մանուչարյանը:

ՎՏԲ-Հայաստան Բանկի MasterCard քարտապանները կարող են կանխիկացնել իրենց դրամական միջոցները ՎՏԲ խմբի բանկոմատներում Բանկում գործող սակագներով ՎՏԲ-Հայաստան Բանկը այս տարվա ապրիլից իր MasterCard քարտապաններին տրամադրում է բացառիկ հնարավորություն գումար կանխիկացնելու ԱՊՀ երկրներում (Հայաստան, Ռուսաստան, Ուկրաինա, Բելառուս և Ղազախստան) ու Վրաստանում ՎՏԲ խմբի դուստր բանկերի ավելի քան 11 500 բանկոմատներում նույն սակագներով ինչ ՎՏԲ-Հայաստան Բանկի բանկոմատներում:

«Առէկսիմբանկ-Գազպրոմբանկի խումբ» ՓԲԸ-ն անցկացնում է հատուկ ակցիա ավտոմոբիլավարների համար: Ակցիայի շրջանակներում ավտոտրանսպորտային միջոցի ապահովագրական փաթեթ գնող հաճախորդներին Բանկն առաջարկում է անվճար ոչ չիպային MasterCard Standard տեսակի վճարային քարտեր: Այս մասին ԱրմԻնֆո գործակալությանը տեղեկացվել է Բանկի մամուլի ծառայությունից:

Ապրիլի 15-ից  մինչև հուլիսի 15-ը ներառյալ, Ասիական զարգացման բանկի աջակցությամբ, գործարար կանայք իրենց բիզնեսի զարգացման համար ԱՐԱՐԱՏԲԱՆԿՈՒՄ դրամային վարկեր կստանան արտոնյալ պայմաններով:

«ԱրմենՏել»  ընկերությունը հայտարարում է  «All in 1» (Բոլորը 1–ում) սակագնային փաթեթների շարքի գործարկման մասին։ Ներկայացված շարքը ընդգրկում է «All in 2500» (Բոլորը 2500-ում), «All in 3500» (Բոլորը 3500-ում), «All in 5500» (Բոլորը 5500-ում), «All in 7500» (Բոլորը 7500-ում) նոր սակագնային փաթեթներն, որոնք նախատեսված են հետվճարային համակարգի ֆիզիկական անձ հանդիսացող բաժանորդների համար։ 

Այսօր Orange-ը մեկնարկեց  նորարարական միանգամայն նոր լուծում, որը մեկ սարքում համատեղում է քաղաքային հեռախոսակապի և շարժական լայնաշերտ ինտերնետի ծառայություններ: Orange MyBox-ի 3 նոր սակագնային պլանները բաժանորդներին հնարավորություն կընձեռեն ձեռք բերել Orange-ի 06065 կոդով հեռախոսահամար, ինչպես նաև նոր MyBox սարքի միջոցով օգտվել քաղաքային հեռախոսակապի և գերարագ ինտերնետի ծառայություններից: Միանալով MyBox սակագնային պլաններից որևէ մեկին՝ բաժանորդները կստանան գերարագ ինտերնետի ծավալ, Orange-ի քաղաքային և շարժական հեռախոսակապի համարներին անսահամանափակ թվով զանգեր կատարելու հնարավորություն, ինչպես նաև ներառված րոպեների փաթեթներ ֆիքսված հեռախոսակապի 010, 011 և 060 համարներին զանգահարելու համար: Առաջարկին 12 ամսով բաժանորդագրվելու դեպքում՝ MyBox սարքը կարելի է ձեռք բերել ընդամենը 1 դրամով:   

ՙԲարգավաճ Հայաստան՚ կուսակցությունը մտադիր չէ իմփիչմենթ հայտնել երկրի նախագահ Սերժ Սարգսյանին, այսօր լրագրողներին հայտարարել է ԲՀԿ անդամ Լյովա Խաչատրյանը:

Ապրիլի 25-29-ը Երևանում կընթանա 12-րդ «Արմմոնո» փառատոնը: Այդ մասին ԱրմԻնֆոյի թղթակցի հետ զրույցում հաղորդել է փառատոնի մամուլի քարտուղար Վլադ Մուրադյանը:

Վարչապետի պաշտոնից Տիգրան Սարգսյանի հեռանալը պայմանավորված չէր որևէ արտաքին գործոնով: Ապրիլի 15-ին մամուլի ասուլիսում այդ մասին հայտարարել է քաղաքագետ, Կովկասի ինստիտուտի փոխտնօրեն Սերգեյ Մինասյանը: «Աշխուժորեն շրջանառվող լուրերը` միշտ չէ, որ համապատասխանում են իրականությանը: Ինձ թվում է, որ Տիգրան Սարգսյանը չէր կարող խնդիրներ ունենալ միջազգային գործընկերների հետ հարաբերություններում», - նշել է Մինասյանը: