Լեռնային Ղարաբաղի ԶՈՒ հետ շփման գծում Ադրբեջանի ակտվությունը պայմանավորված է այն հանգամանքով, որ միջազգային հանրությունն զբաղված է ուկրաինական հարցով: Հունվարի 30-ին մամուլի ասուլիսում այդպիսի կարծիք է հայտնել Ռազմավարական եւ ազգային հետազոտությունների հայկական կենտրոնի տնօրեն Մանվել Սարգսյանը:

ԼՂՀ-ում մարտական գործողությունների վերսկսման հավանականությունը նվազել է, քանի որ հակամարտության խաղաղ կարգավորման շուրջ բանակցությունները դարձյալ վերսկսվել են: Հունվարի 30-ին մամուլի ասուլիսում այդպիսի կարծիք է հայտնել «Նորավանքե գիտակրթական հիմնադրամի ղեկավար Գագիկ Հարությունյանը:

Լոս Անջելեսում Ադրբեջանի գլխավոր հյուպատոսությունը պաշտոնական բողոք կներկայացնի Լոս Անջելեսի քաղաքային խորհրուդ` Լեռնային Ղարաբաղն անկախ պետություն ճանաչելու առնչությամբ: Ըստ ԱՊԱ-ի, այդ մասին հայտարարել է Ադրբեջանի ԱԳՆ մամուլի քարտուղար Էլման Աբդուլաևը:

«ԱրմենՏելե  ընկերությունը (ապրանքանիշը Beeline) պարգևատրել է Odnoklassniki սոցիալական ցանցում Beeline Armenia պաշտոնական էջում անցկացված «Լավագույն լուսանկարե մրցույթի հաղթողներին:

Հայկական «Ինստիգեյթե ՓԲԸ-ն մոտ 1 մլն.դոլար կներդնի անօդաչու բազմաֆունկցիոնալ սարքերի ու դրանց ավտոմատ կառավարման համակարգերի արտադրությանը: Այս մասին ՀՀ կառավարության հունվարի 30-ի նիստում հայտարարել է էկոնոմիկայի փոխնախարար Կարինե Մինասյանը:

Իր այսօր կայացած նիստում  կառավարությունը 569.7 մլն.դրամ (1.4 մլն.դոլար) է հատկացրել ՀՀ արտահանմանն ուղղված արդյունաբերական քաղաքականության ռազմավարությամբ նախատեսված միջոցառումների իրականացմանն աջակցելուն, հաստատելով դրանց իրականացման 2014թ. ծրագիրը:

2014 թ. հունվարի 1-ից Ուկրաինան նախագահում է ԱՊՀ-ում: Համապատասխան որոշում ընդունվել է պետությունների ղեկավարների կողմից 2013 թ. հոկտեմբերի 25-ին Մինսկում ԱՊՀ գագաթնաժողովի ժամանակ, որի ընթացքում Ուկրաինայի նախագահ Վ. Յանուկովիչը հրապարակել է ուկրաինական նախագահության հիմնական սկզբունքները և գերակայությունները, որոնք ուղղված են ԱՊՀ շրջանակներում փոխշահավետ համագործակցության ամրապնդմանը և հետագա զարգացմանը: Այդ մասին ասվում է Հայաստանում Ուկրաինայի դեսպանատնից ԱրմԻնֆո ստացված հաղորդագրության մեջ:

«Հայաստանի էլեկտրական ցանցերե ընկերությունը որոշել է խոշոր սպառողների հետ աշխատանքի դեպարտամենտի վերակառուցման հարցը հետաձգել մինչև 2014 թվականի մարտ ամիսը: Այս մասին ԱրմԻնֆո գործակալության թղթակցի հետ զրույցում հայտարարել է ընկերության հասարակայնության և ԶԼՄ-ների հետ կապերի դեպարտամենտի ղեկավար Նատալյա Սարաջյանը:

 Հունվարի 29-ին ՀՀ կառավարության, «Որոտան hիդրոէլեկտրակայանների hամալիր» փակ բաժնետիրական ընկերության, ամերիկյան «Քոնթուր գլոբալ հիդրոկասկադ» և «Սի-Ջի սոլյուշնս գլոբալ hոլդինգ քամփնի» ընկերությունների միջև ստորագրվել է գույքի առուվաճառքի պայմանագիր: Ինչպես ԱրմԻնֆո գործակալությանը տեղեկացվել է ՀՀ կառավարության մամուլի ծառայությունից, վարչապետ Տիգրան Սարգսյանի ներկայությամբ ՀՀ կառավարությունում պայմանագիրը ստորագրել են՝ Հայաստանի Հանրապետության անունից՝ ՀՀ էներգետիկայի և բնական պաշարների նախարար Արմեն Մովսիսյանը, «Քոնթուր գլոբալ հիդրոկասկադ» և «Սի-Ջի սոլյուշնս գլոբալ հոլդինգ քամփնի» ընկերությունների անունից՝ «Քոնթուր գլոբալ հիդրոկասկադ» ընկերության փոխնախագահ Գարի Լիվսլին, «Որոտան հիդրոէլեկտրակայանների համալիր» ՓԲԸ-ի անունից՝ ընկերության գլխավոր տնօրեն Սասուն Խաչատրյանը:

 ՀՀ ֆինանսների նախարարը կենսաթոշակային հիմնադրամում ընտրել է պահպանողական ռազմավարությունը: Այս մասին այսօր կայացած մամուլի ասուլիսում հայտարարել է ՀՀ ֆինանսների նախարար  Դավիթ Սարգսյանը:

Հայաստանում Ռուսաստանի դեսպանատան և Հայաստանում Ռուսհամագործակցության ներկայացուցչության աջակցությամբ հունվարի 27-ին ՀՀ վետերանների միավորման խորհրդում հանդիսավոր միջոցառում է տեղի ունեցել`նվիրված Լենինգրադի շրջափակման վերացման 70-ամյակին:

 Առողջապահության ոլորտում ՙատկատների՚ վերաբերյալ Հայ ազգային կոնգրեսից պատգամավոր Լյուդմիլա Սարգսյանի հայտարարությունները կստուգի Գլխավոր դատախազությունը, այսօր մամուլի ասուլիսի ժամանակ հայտնել է ՀՀ առողջապահության նախարար Դերենիկ Դումանյանը: 

Հունվարի 28-ին հյուսիսային ուղղությամբ տեղակայված զորամասերից մեկի պահպանության տեղամասի մարտական դիրքում հակառակորդի դիպուկահարի կողմից արձակված գնդակից գլխի հատվածում մահացու հրազենային վիրավորում է ստացել զինծառայող, 1994թ. ծնված Կարեն Գագիկի Գալստյանը: Ինչպես ԱրմԻնֆո գործակալությանը հաղորդեցին ԼՂՀ ՊՆ մամուլի ծառայությունից, միջադեպի հետ կապված մանրամասները պարզելու համար տարվում է քննություն: ԼՂՀ պաշտպանության նախարարությունը կիսում է կորստյան ծանր վիշտը և իր զորակցությունը հայտնում Կարեն Գալստյանի ընտանիքի անդամներին, հարազատներին և ծառայակիցներին: 

 ՀՀ քաղաքաշինության նախարար Սամվել Թադեւոսյանը գործակարգավարական խորհրդակցության ժամանակ ամփոփել է համակարգի 2013 թվականի գործունեությունը եւ անդրադարձավ այս տարվա գերակա ուղղություններին եւ առաջնահերթ միջոցառումներին:

2013 թ. Հայաստանում արձանագրվել է մանկական մահացության կրճատման միտում:

 Ադրբեջանի պաշտոնական իշխանությունները հաստատել են Ադրբեջանի տարածքում Հայաստանի քաղաքացու ձերբակալման մասին տեղեկատվությունը, ԱրմԻնֆո-ի հետ զրույցում հաղորդել է ԿԽՄԿ հայաստանյան պատվիրակության հաղորդակցման ծրագրերի պատասխանատու Զառա Ամատունին:

Հայոց ցեղասպանության հարցն արևմտյան տերությունների ձեռքին գործիք է դարձել ինչպես այլ երկրների նկատմամբ ճնշում գործադրելու, այնպես էլ հայկական սփյուռքն իրենց կողմը գրավելու համար: Հունվարի 29-ին մամուլի ասուլիսում այդպիսի կարծիք է հայտնել քաղաքագետ Ռուբեն Մեհրաբյանը:

 Երևանի թատրոնի և կինոյի պետական ինստիտուտի ուսանողների երկու ֆիլմեր պարգևների են արժանացել Սոֆիայի New Wave միջազգային ուսանողական կինոփառատոնում: «Լավագույն մոնտաժ» անվանակարգում հաղթող է դարձել Արեն Մալաքյանի «Սիրո բացատրություն ճապոնական ոճով» ժապավենը, իսկ «Լավագույն հնչյունային մոնտաժ» անվանակարգում` Անդրանիկ Հարությունյանի «Հեքիաթը»:

 Հայաստանն իր եվրոպական ընտրությունը պետք է ապացուցի, ՙԱզատություն՚ ռադիոկայանին հարցազրույցում հայտարարել է Հանուն ժողովրդավարության եվրոպական հիմնադրամի նախագահ Եժի Պոմյանովսկին:
'

 ՙԱրմենՏել՚ ընկերությունը (ապրանքանիշը Beeline) հայտարարում է բջջային ինտերնետի Infinity սակագնային փաթեթների շարքի գործարկման մասին իրավաբանական և  ֆիզիկական անձ հանդիսացող բաժանորդների համար։ Շարքի մեջ մտնում են  Infinity 512 և Infinity 1024 սակագնային փաթեթները համապատասխանաբար  512 Կբ/վ և 1 Մբ/վ տվյալների փոխանցման արագությամբ։ Infinity սակագնային փաթեթներին միանալիս  Alcatel X300D 3G-մոդեմի գինը կազմում է ընդամենը 100 դրամ։ Infinity 1024 ամսական բաժանորդային վարձը կազմում է 150 դրամ օրական, իսկ Infinity 512 դեպքում` 83.33 դրամ օրական։