Արմինֆո. Հայաստանում մեկնարկել են "Զանգվածային լրատվության միջոցների մասին" օրենքում փոփոխությունների նախագծի շուրջ քննարկումները, որոնց հիմքում դրված է ԶԼՄ-ների ինքնակարգավորման գաղափարը:

Արմինֆո. Մինչև տարեվերջ Երևանում կներդրվի հասարակական տրանսպորտով երթևեկելու միասնական տոմսային համակարգ: Այդ մասին մայիսի 6-ին քաղաքապետարանում կայացած աշխատանքային խորհրդակցության ժամանակ հայտարարել է Երեւանի քաղաքապետ Տիգրան Ավինյանը։

Արմինֆո.Հայաստանում մեդիադաշտը շարունակում է մնալ բևեռացված՝ չնայած "Լրագրողներ առանց սահմանների" կազմակերպության հրապարակած Մամուլի ազատության համաշխարհային ինդեքսում արձանագրված դրական միտումներին: Այդ մասին մայիսի 3-ին հայտարարել է Հայաստանում ԵՄ պատվիրակության ղեկավար Վասիլիս Մարագոսը՝ Երեւանում կայացած "ԶԼՄ-ները լսարանի վստահությունը շահելու ճանապարհին" քննարկման ժամանակ։

Արմինֆո.«Ազատազենի» համահիմնադիր, 44-օրյա պատերազմի և սահմանային այլ էսկալացիաների մասնակից Իշխան Գևորգյանը երեկվանից 72-ժամյա միայնակ պիկետ է անցկացնում կառավարության շենքի դիմաց: Այսպիսով, Գևորգյանն իր անհամաձայնությունն է հայտնում ՀՀ գործող իշխանությունների վարած քաղաքականությանը, այդ թվում՝ նաև Տավուշում:

Արմինֆո. ԱՄՆ-ը երկրորդային պատժամիջոցներ է սահմանել Ռուսաստանի նկատմամբ, այդ թվում ՝ երրորդ երկրների քաղաքացիների և ընկերությունների նկատմամբ, այդ թվում՝ Ադրբեջանի և Թուրքիայի:

Արմինֆո.Կոնգրեսի վաթսունհինգ անդամներ նամակ են հղել Ներկայացուցիչների պալատի հատկացումների կոմիտե՝ կոչ անելով 250 միլիոն դոլարի օգնության փաթեթ տրամադրել հայ ժողովրդին: Նամակում նաեւ կոչ է արվում Ադրբեջանի նախագահ Իլհամ Ալիեւին պատասխանատվության ենթարկել՝ Լեռնային Ղարաբաղում (Արցախում) հայերի էթնիկ զտման համար:

Արմինֆո.Լրագրողական մի շարք կազմակերպություններ հանդես են եկել հայտարարությամբ, որում իրենց վրդովմունքն են հայտնել հայ-ադրբեջանական շփման գոտում սահմանագծման գործընթացի դեմ բողոքի ակցիաները լուսաբանող ԶԼՄ-ների ներկայացուցիչների նկատմամբ Հայաստանի իրավապահ մարմինների աշխատակիցների անհիմն ագրեսիայի և դաժանության, ինչպես նաև չարդարացված բռնությունների առնչությամբ:

Արմինֆո. Հիմա այս ճանապարհին որոշվում է հայոց պետականության ճակատագիրը, և, ինչպես բազմիցս ընդգծել ենք, Հայաստանի կառավարության կողմից իր տարատեսակ գործընկերների հետ սկսված ապօրինի գործընթացը մեզ համար անընդունելի է: Այդ մասին, ապրիլի 27-ին Ոսկեպար-Կիրանց արգելափակված ճանապարհին լրագրողների հետ զրույցում նշել է Հայ Առաքելական Եկեղեցու Տավուշի թեմի առաջնորդ գերաշնորհ Բագրատ Գալստյանը ։

Արմինֆո.ԱՄՆ Կոնգրեսի Ներկայացուցիչների պալատի անդամներ Դինա Տիտուսը և Գաս Բիլիրակիսը ներկայացրել են երկկուսակցական օրինագիծ, որն ուղղված է պատերազմական հանցագործությունների և մարդու իրավունքների խախտումների համար պատասխանատու ադրբեջանցի պաշտոնյաների նկատմամբ պատժամիջոցների սահմանմանը, ներառյալ ՝ Արցախում էթնիկ զտումը, հայ ռազմագերիների և քաղաքացիական անձանց կամայական ձերբակալումը, ձերբակալվածների նկատմամբ խոշտանգումներն ու դաժան վերաբերմունքը, ինչպես նաև արտադատական մահապատիժները: Այդ մասին հաղորդում է Ամերիկայի Հայ դատի հանձնախումբը (ANCA)։

Արմինֆո.Տավուշի մարզի Կիրանց գյուղում իրավապահների կողմից լուսաձայնային հատուկ միջոցի կիրառման արդյունքում հոսպիտալացվել է 5 քաղաքացի ՝ 4 կին, 1 տղամարդ, և ոստիկանության երկու աշխատակից: Այդ մասին հաղորդում է "Ազգային ճակատը"։

Արմինֆո. Հնդկաստանը լավ հարաբերություններ ունի Հայաստանի և Ադրբեջանի հետ, սակայն Նյու Դելին մտածում է նաև իր պաշտպանական արդյունաբերության արտադրանքի արտահանման խթանման մասին:

Արմինֆո. Եվրախորհրդարանն ապրիլի 25-ին ընդունել է "Ադրբեջանում քաղաքացիական հասարակության դեմ բռնաճնշումները և Գուբադ Իբադօղլուի և Իլհամիզ Գուլիևի գործը" բանաձևը:

Արմինֆո. Մոսկվան ափսոսում է, որ Հայաստանի իշխանությունները շարունակում են հրապարակային քննադատություն թույլ տալ ՀԱՊԿ-ի հասցեին։ Այդ մասին ապրիլի 25-ին ամենշաբաթյա ճեպազրույցի ժամանակ հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան՝ ի պատասխան ադրբեջանցի լրագրողի մանիպուլյատիվ կերպով մատուցված հարցին։

Արմինֆո. Զորյան ինստիտուտը ոգեկոչում է ապրիլի 24-ը՝ վերահաստատելով ցեղասպանության կրթության կարեւորությունը

Արմինֆո. Խոսքի ազատության պաշտպանության կոմիտեն 2024թ․առաջին եռամսյակում արձանագրել է լրագրողների և լրատվամիջոցների նկատմամբ  տարատեսակ ճնշումների 17 և տեղեկություններ ստանալու և տարածելու իրավունքի խախտումների 41 դեպք։

Արմինֆո. Վարչապետի աշխատակազմի տեղեկատվության և հասարակայնության հետ կապերի վարչությունը տարածել է հաղորդագրութուն, ըստ որի՝ «ապրիլի 24-ին Հայոց ցեղասպանության 109-րդ տարելիցի կապակցությամբ ՀՀ բարձրագույն ղեկավարության կողմից հարգանքի տուրք մատուցելու արարողությունը լինելու է արարողակարգային» (Այն բաց կապուղիով ուղիղ եթերում հեռարձակելու է Հանրային հեռուստաընկերությունը)։

Արմինֆո.ՎՏԲ-Հայաստան Բանկը մեկնարկել է երեք նոր ավանդներ բանկի ֆիզիկական անձ հաճախորդների համար։ Յուրաքանչյուր պրոդուկտի համար գործում են անհատական ​​պայմաններ։ Դրամական միջոցների տեղաբաշխումը հասանելի է ՀՀ դրամով և ՌԴ ռուբլով:

Արմինֆո. Արդեն մեկ ամիս է, ինչ «Իմնեմնիմի» փոդքասթի համահեղինակներ՝ ընդդիմադիր հասարակական գործիչներ՝ Նարեկ Սամսոնյանն ու Վազգեն Սաղաթելյանն ապօրինաբար ազատազրկված են: Այդ մասին ասվում է "Պառլամենտարիզմի զարգացման միջազգային կենտրոնի" (International Center on Development of Parliamentarism) Facebook-ի էջում զետեղված հաղորդագրությունում:

Արմինֆո. ԱՄՆ Արդարադատության դեպարտամենտի Միջազգային կապերի գրասենյակի և ԱՄՆ Պետքարտուղարության իրավական խորհրդատվության գրասենյակի պատվիրակությունն այս շաբաթ այցելեց Հայաստան՝ ՀՀ կառավարության հետ քննարկելու իրավապահ ոլորտում համագործակցության շարունակական ամրապնդումը։ Այդ մասին հաղորդում է Երեւանում ԱՄՆ դեսպանության մամուլի ծառայությունը:

Արմինֆո.Ապօրինաբար կալանավորված բարերար Ռուբեն Վարդանյանի ընտանիքն այսօր հայտարարել է, որ Վարդանյանը հացադուլ է հայտարարել՝ պահանջելով անհապաղ և անվերապահորեն ազատ արձակել իրեն և Բաքվում ապօրինաբար պահվող մյուս հայ բանտարկյալներին։