Արմինֆո. Այսօր ՌԴ խաղաղապահների կողմից տեղի է ունեցել Ռուսաստանի և Արցախի 41 քաղաքացիների տեղափոխություն Արցախից Հայաստան, որն առաջին դեպքն է հունիսի 14-ից ի վեր:

Արմինֆո.Ադրբեջանի ՊՆ-ն օգոստոսի 21-ին տարածել է հերթական ստահոդ հաղորդագրությունն այն մասին, թե իբրև ՊԲ համապատասխան ստորաբաժանումները օգոստոսի 21-ին ժամը 10։15֊ից ժամը 10։23֊ն ընկած ժամանակահատվածում ճնշել են Ֆիզուլի֊Բաքու երթուղով թռիչք կատարող քաղաքացիական օդանավի GPS տեղորոշման համակարգը։ Այդ մասին հաղորդում է Արցախի Հանրապետության ՊՆ մամուլի ծառայությունը։

Արմինֆո. ՀՀ հակակոռուպցիոն կոմիտեում քաղաքացու կողմից տրված հաղորդման հիման վրա իրականացված օպերատիվ-հետախուզական միջոցառումների, ինչպես նաև քննչական և այլ վարութային գործողությունների արդյունքում բացահայտվել են ՀՀ պաշտպանության նախարարության պաշտոնատար անձի կողմից քաղաքացիներից պարբերաբար 150-170 հազար ՀՀ դրամի չափով կաշառք պահանջելու դեպքեր: Այդ մասին հաղորդել է Հակակոռուպցիոն կոմիտեի մամուլի ծառայությունը:

Արմինֆո. Սոցիալիստական ինտերնացիոնալը խորապես մտահոգված է Լեռնային Ղարաբաղում խորացող հումանիտար ճգնաժամով, որը պայմանավորված է Ադրբեջանի կողմից Լաչինի միջանցքի շարունակական արգելափակմամբ, ինչը հանգեցրել է անտանելի իրավիճակի և հումանիտար ճգնաժամի։ Ըստ ՀՅԴ բյուրոյի՝ այդ մասին ասվում է  «Սոցիալիստական Ինտերնացիոնալ» միջազգային կազմակերպությունը հայտարարությունում:

Արմինֆո. Արցախը քաոսի նախաշեմին...Պետք է զարթնել լեթարգիական քնից, հանել վարդագույն ակնոցները, տեսնել իրականությունը և համապատասխան քայլեր ձեռնարկել... Այդպես է մեկնաբանել երկրում տիրող իրավիճակը Արցախի հերոս, Արցախի Հանրապետության Ազգային անվտանգության ծառայության (ԱԱԾ) նախկին տնօրեն, գեներալ-լեյտենանտ Արշավիր Ղարամյանը:

Արմինֆո.ՀՀ քննչական կոմիտեի զինվորական քննչական գլխավոր վարչության ութերորդ կայազորային քննչական բաժնում ՀՀ քրեական օրենսգրքի 523-րդ հոդվածի 1-ին մասի հատկանիշներով նախաձեռնված քրեական վարույթի նախաքննությամբ ձեռնարկված մեծածավալ քննչական և վարութային այլ գործողությունների արդյունքում փաստական տվյալներ են ձեռք բերվել այն մասին, որ ՀՀ ՊՆ N զորամասի հրաձգային գումարտակի հրամանատարի տեղակալ-շտաբի պետ, կոչումով մայոր Ա.Թ.-ն առերևույթ կատարել է հրապարակավ զինծառայողի պատիվն ու արժանապատվությունը նվաստացնելուն ուղղված գործողություններ՝ համածառայակիցների ներկայությամբ բռնություն գործադրելով նրա նկատմամբ: Այդ մասին հաղորդե է Քննչական կոմիտեի մամուլի ծառայությունը:

«Ինչպես ավելի վաղ տեղեկացվել էր` 2023թ․ օգոստոսի 11-ին ՀՀ ՊՆ N զորամասի ավտոհավաքակայանի շվաքարանի հետնամասում հայտնաբերվել էր պարտադիր ժամկետային զինծառայող, շարքային Գրանիկ Խնկոյանի դին՝ գլխի շրջանում ստացած հրազենային վնասվածքով:

Նախաքննության ընթացքում պարզվել է, որ գտնվելով ընկճված հոգեվիճակում՝ Գրանիկ Խնկոյանը 2023թ․ օգոստոսի 11-ին՝ ժամը 08:40-ի սահմաններում, ՀՀ ՊՆ N զորամասի ավտոհավաքակայանի շվաքարանի հետնամասում իրեն ամրակցված ինքնաձիգով արձակել է կրակահերթ և ինքն իրեն պատճառել հրազենային մահացու վնասվածքներ, ինչի հետևանքով տեղում մահացել է:

Օգոստոսի 15-ին միջնորդություն է ներկայացվել հսկող դատախազին՝ Ա.Թ․-ի նկատմամբ ՀՀ քրեական օրենսգրքի 522-րդ հոդվածի 2-րդ մասի 2-րդ կետով հանրային քրեական հետապնդում հարուցելու մասին, որը բավարարվել է, և նրան ներկայացվել է մեղադրանք:Ա․Թ․-ն ձերբակալվել է՝ դատարան ներկայացնելու համար։

Միջնորդություն է ներկայավել Արարատի և Վայոց ձորի մարզերի ընդհանուր իրավասության առաջին ատյանի դատարան՝ մեղադրյալի նկատմամբ որպես խափանման միջոց կալանքը կիրառելու մասին, որը դատարանի կողմից բավարարվել է մասնակի և Ա.Թ․-ի նկատմամբ որպես խափանման միջոց է կիրառվել տնային կալանքը», - ասվում է հաղորդագրությունում:

Արմինֆո. Միջազգային քրեական դատարանի առաջին գլխավոր դատախազ, Հարվարդի և Յեյլի համալսարանների նախկին պրոֆեսոր Լուիս Մորենո Օկամպոն կարծում է, որ Լաչինի միջանցքի ճգնաժամի ամենապարզ լուծումը կարող է լինել ԱՄՆ-ի և Ֆրանսիայի աջակցությունը Ռուսաստանին՝ նրա խաղաղապահ առաքելությունը ողջ ծավալով իրականացնելու համար:

Արմինֆո. Օգոտսոսի 16-ին ՀՀ արտաքին գործերի նախարար Արարատ Միրզոյանը մասնակցել է  ՄԱԿ Անվտանգության խորհրդի հրատապ նիստին, որը հրավիրվել էր Հայաստանի պահանջով՝ Ադրբեջանի կողմից Լաչինի միջանցքի արգելափակման և Լեռնային Ղարաբաղի լիակատար շրջափակման հետևանքով ԼՂ-ում հումանիտար իրավիճակի վատթարացման առնչությամբ։ 

Արմինֆո.Կոնվերս Բանկը հայտարարում է խրախուսման ACT2WIN արշավը հաճախորդների համար: Մրցույթի պայմանները պարզ են, ինչի շնորհիվ դրան կարող է մասնակցել և հինգ iPhone 15-ի խաղարկությանը մասնակցել Բանկի հաճախորդների հնարավորինս լայն շրջանակ: Մասնավորապես, արշավին մասնակցելու համար ընդամենը հարկավոր է.

Արմինֆո."Պոլիտէկոնոմիա" հետազոտական ինստիտուտի քաղաքական մեկնաբան, քաղաքագետ Բենիամին Մաթևոսյանը կարծում է, որ Հայաստանում եվրոպական դիտորդների առաքելության ձախողումը "խլացվեց" ԼՂՀ-ում խաղաղապահների բազայի մուտքի արգելափակմամբ և "գաղտնի նյութերի" հրապարակմամբ:

Արմինֆո.Ֆրանսիայի ԱԳՆ - ում ներկայացրել են Եվրոպայի և արտաքին գործերի նախարար Կատրին Կոլոննայի և ՀՀ ԱԳ նախարար Արարատ Միրզոյանի հեռախոսազրույցի մանրամասները՝ օգոստոսի 16-ին կայանալիք ՄԱԿ Անվտանգության խորհրդի նիստին ընդառաջ ՝ կապված Ադրբեջանի կողմից Քաշաթաղի (Լաչինի) միջանցքի շրջափակման հետևանքով Լեռնային Ղարաբաղում շատ լուրջ հումանիտար ճգնաժամի հետ։

Արմինֆո.Օգոստոսի 15-ին ոստիկանության Մարտունու շրջանային բաժնում հաղորդում է ստացվել, որ ժամը 19:30-ի սահմաններում, Ավդուռ գյուղի վարչական տարածքի «Գոմեր» կոչվող տեղամասում հարակից ադրբեջանական մարտական դիրքերից հրաձգային զենքերով կրակել են հացահատիկահավաք կոմբայնի ուղղությամբ, որը վարում էր Մյուրիշեն գյուղի բնակիչ Մ.Ա.-ն: Բարեբախտաբար, քաղաքացուն հաջողվել է փրկվել, վնասվել է միայն կոմբայնը։ Այդ մասին հաղորդել է Արցախի ներքին գործերի նախարարության ոստիկանությունը:

Արմինֆո. ԱՄՆ օրենսդիրները ՄԱԿ-ին առընթեր ԱՄՆ մշտական ներկայացուցիչ Լինդա Թոմաս Գրինֆիլդին կոչ են արել ճնշում գործադրել Ադրբեջանի կառավարության նկատմամբ՝ Քաշաթաղի (Լաչինի) միջանցքի ապաշրջափակման համար։ Այդ մասին Twitter-ի իր միկրոբլոգում հաղորդել է ԱՄՆ Սենատի արտաքին հարաբերությունների հանձնաժողովի նախագահ Ռոբերտ Մենենդեսը։

Արմինֆո.ՀՀ քննչական կոմիտեի ՀԿԳ քննության գլխավոր վարչության սեփականության դեմ ուղղված հանցա­գործությունների քննության վարչությունում «Երևանի Մխիթար Հերացու անվան պետական բժշկական համալսարան» հիմնադրամի պաշտոնատար անձանց կողմից կատարված պաշտոնեական դիրքի չարաշահման, վստահված գույքի հափշտակությունների, փողերի լվացման և այլ դեպքերի առթիվ քննվող քրեական վարույթով շարունակվող նախաքննության ընթացքում ձեռք բերված փաստական տվյալների հիման վրա քրեական հետապնդում է հարուցվել 2015-2016թթ.

Արմինֆո. Լեռնային Ղարաբաղում հումանիտար աղետը օր օրի ավելի է խորանում. Մարդու իրավունքների պաշտպանը խստորեն դատապարտում է Ադրբեջանի կողմից Լեռնային Ղարաբաղում բնակվող հայերի հիմնարար իրավունքների կոպիտ խախտումները: Այդ մասին ասվում է ՀՀ մարդու իրավունքների պաշտպան Անահիտ Մանասյանի հայտարարությունում:

Արմինֆո. «Մազ» մակնիշի աղբատար 4 նոր մեքենաները համալրել են «Երևանի աղբահանություն և սանիտարական մաքրում» համայնքային հիմնարկի ավտոպարկը։ Այդ մասին հաղորդում է Երեւանի քաղաքապետարանի մամուլի ծառայությունը:

Արմինֆո. ԵՄ Արեւելյան գործընկերության Քաղաքացիական հասարակության ֆորումի Հայաստանի ազգային պլատֆորմը ՄԱԿ Անվտանգության խորհրդին կոչ է անում կանխել հայերի նոր ցեղասպանությունն Արցախում ՝ այն ճանաչելով ՄԱԿ մանդատի ներքո գտնվող տարածք և միջազգային խաղաղապահ ուժեր մտցնելով Լեռնային Ղարաբաղ:

Արմինֆո. ԱՄՆ-ը նախկինի պես խորապես մտահոգված է Քաշաթաղի (Լաչինի) միջանցքի շարունակական փակմամբ, հատկապես, առեւտրային, հումանիտար եւ մասնավոր տրանսպորտային միջոցների համար: Այդ մասին ճեպազրույցի ժամանակ հայտարարել է ԱՄՆ Պետդեպարտամենտի մամուլի քարտուղարի տեղակալ Վեդանտ Պատելը՝ անդրադառնալով տարածաշրջանում տիրող իրավիճակին։

Արմինֆո. Օգոստոսի 15-ին Հայաստանի արտաքին գործերի նախարար Արարատ Միրզոյանը հեռախոսազրույց է ունեցել Ֆրանսիայի Հանրապետության Եվրոպայի և արտաքին գործերի նախարար Կատրին Կոլոննայի հետ։

Արմինֆո.Հայաստանում ԵՄ քաղաքացիական առաքելության (EUMA) Twitter-ի միկրոբլոգում հրապարակումները մեմերի առիթ են դարձել սոցիալական ցանցերի հայկական հատվածում: