Արմինֆո.Հայաստանի ԱԳՆ-ն արձագանքել է Ռուսաստանի ԱԳՆ պաշտոնական ներկայացուցիչ Մարիա Զախարովայի հայտարարությանը, թե՝ Լաչինի (Քաշաթաղի) միջանցքում ստեղծված իրավիճակը Հայաստանի կողմից Լեռնային Ղարաբաղն Ադրբեջանի տարածքի մաս ճանաչելու հետևանք է: Հայաստանի ԱԳՆ մամուլի խոսնակ Անի Բադալյանը, արձագանքելով Զախարովայի այդ հայտարարությանը, նշել է, ՌԴ ԱԳՆ պաշտոնական ներկայացուցչի հերթական նույնաբովանդակ մեկնաբանությունն այն մասին, թե Լաչինի միջանցքում ստեղծված իրավիճակը հետևանք է 2022թ. հոկտեմբերին Պրահայում Ալմա-Աթայի հռչակագրի վկայակոչմամբ Հայաստանի կողմից Լեռնային Ղարաբաղն Ադրբեջանի մաս ճանաչելուն, որից հետո ռուսական խաղաղապահների խնդիրը դարձել է ղարաբաղյան հայերի իրավունքների և անվտանգության հարցում հնարավոր ներգործությունը, տարակուսանք և հիասթափություն է առաջացնում։

Արմինֆո.Ստրասբուրգը միացել է Ֆրանսիայից Արցախ օգնություն ուղարկելու մարդասիրական առաքելությանը, որը նախաձեռնել էր Փարիզի քաղաքապետարանը՝ երկու պատճառով: Այդ մասին հայտարարել է Ստրասբուրգի քաղաքապետ Ժաննա Բարսեղյանը՝ օգոստոսի 30-ին Ֆրանսիայից Լեռնային Ղարաբաղ մարդասիրական շարասյուն ուղարկելու կապակցությամբ Գորիսում կայացած մամուլի ասուլիսի ժամանակ։

Արմինֆո. Երևան քաղաքի Մարշալ Բաղրամյան, Մեսրոպ Մաշտոց պողոտաների և Մոսկովյան փողոցի միջև ընկած պուրակի ստորգետնյա շինությունը 2017 թվականի մարտի 25-ին, օրենքի խախտմամբ, օտարվել է «Ֆոտոմաստեր» ՍՊ ընկերությանը: Այդ մասին հաղորդում է Գլխավոր դատախազության մամուլի ծառայությունը:

Արմինֆո.ՀՀ քննչական կոմիտեի զինվորական քննչական գլխավոր վարչության հատկապես կարևոր գործերի քննության վարչությունում քննվող քրեական վարույթի նախաքննությամբ պարզվել է, որ ՀՀ ՊՆ N բանակային կորպուսներից մեկի հրամանատարի տեղակալի պաշտոնը զբաղեցրած, կոչումով գնդապետ բարձրաստիճան սպան, ՀՀ ԶՈՒ ներքին ծառայության կանոնագրքի, այլ ղեկավար նորմատիվ ակտերի դրույթների համաձայն հանդիսանալով պետ ենթակա անձնակազմի համար, օժտված լինելով կազմակերպական-տնօրինչական գործառույթներով, ունենալով հրամաններ, կարգադրություններ տալու և դրանց կատարումն ապահովելու իրավասություն, 2020 թվականի սեպտեմբերի 27-ին ՀՀ Կառավարության N 1586-Ն որոշմամբ հայտարարված ռազմական դրության ժամանակ առանձնապես ծանր հանցանք կատարելու մասին նախնական համաձայնություն է ձեռք բերել ՀՀ ՊՆ N զորամասի հրամանատարի տեղակալի պաշտոնը զբաղեցրած, կոչումով փոխգնդապետ բարձրաստիճան սպայի հետ։ Այդ մասին հաղորդել է ՔԿ մամուլի ծառայությունը:

Արմինֆո.Լաչինի (Քաշաթաղի) միջանցքի ներկա իրավիճակը Հայաստանի կողմից Լեռնային Ղարաբաղն Ադրբեջանի տարածքի մաս ճանաչելու հետևանք էր: Այդ մասին օգոստոսի 30-ին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան ՝ անդրադառնալով միջանցքը հատելիս Ադրբեջանի կողմից Արցախի քաղաքացիների առևանգմանը ։

Արմինֆո. Պաշտոնական տվյալների համաձայն՝ Լեռնային Ղարաբաղի հակամարտության հետևանքով 1988-2005 թթ. անհայտ կորածների թիվը ՀՀ-ից կազմում է 437 անձ, որոնցից 224-ը՝ զինծառայող, 213-ը՝ խաղաղ բնակիչ: Արցախից/ԼՂ-ից անհայտ կորած է համարվում 723 անձ, որոնցից 250-ը՝ զինծառայող, 473-ը՝ խաղաղ բնակիչ: Այդ մասին ասված է Անհետ կորածների միջազգային օրվա կապակցությամբ ՀՔԱ Վանաձորի գրասենյակի տարածած հաղորդագրությունում:

Արմինֆո. Օգոստոսի 29-ին Բլեդի ռազմավարական համաժողովի շրջանակներում ՀՀ արտաքին գործերի նախարար Արարատ Միրզոյանը մասնակցել է «Անվտանգության նոր ճարտարապետներ. ովքե՞ր» պանելային քննարկմանը: Համաժողովի շրջանակներում նախարար Միրզոյանն ունեցել է նաև երկկողմ հանդիպումներ և քննարկումներ համաժողովին մասնակցող այլ գործընկերների հետ։

Արմինֆո.Օգոստոսի 29-ին ՀՀ արտաքին գործերի նախարար Արարատ Միրզոյանը հանդիպում է ունեցել Եվրոպայի խորհրդի մարդու իրավունքների հանձնակատար Դունյա Միյատովիչի հետ։ Հանդիպումը կայացել է Բլեդի համաժողովին նախարար Միրզոյանի մասնակցության նպատակով Սլովենիա այցի ընթացքում: 

Արմինֆո. Հայաստանը հայտնվել է ջրի դեֆիցիտ ունեցող Եվրոպայի պետությունների ռիսկի գոտում։ Այս մասին են վկայում Երաշտների եվրոպական աստղադիտարանի (ԵԵԱ) անցկացրած հետազոտությունները:

Արմինֆո.ՀՀ քննչական կոմիտեի զինվորական քննչական գլխավոր վարչության երրորդ կայազորային քննչական բաժնում քննություն է իրականացվում՝ պարզելու ՀՀ ՊՆ N զորամասի երկու զինծառայողների մահվան հանգամանքները: Այդ մասին հաղորդում է ՔԿ մամուլի ծառայությունը:
 

Արմինֆո. Երեւանում կներդրվեն հասարակական տրանսպորտով երթեւեկության առցանց քարտեր: Այդ մասին հաղորդվել է օգոստոսի 28-ին քաղաքապետարանում տեղի ունեցած աշխատանքային խորհրդակցության ժամանակ:

Արմինֆո.Արարատի մարզում ավտովթարի հետևանքով երեք անչափահասների մահվան դեպքի առթիվ քրեական վարույթ է նախաձեռնվել: Այդ մասին Facebook-ի իր էջում հաղորդել է ՔԿ մամուլի քարտուղար Գոռ Աբրահամյանը:

Արմինֆո. Աշխարհին այսօր շատ են պակասում այնպիսի մարդիկ, ինչպիսին Էլի Վիզելն էր (Հոլոքոստը վերապրած ամենահայտնի մարդկանցից մեկը, աշխարհահռչակ գրող և մարդու իրավունքների պաշտպան - խմբ.): Այդ մասին ֆեյսբուքյան իր էջում գրել է Հունաստանում ՀՀ դեսպան Տիգրան Մկրտչյանը։

Արմինֆո. ԵԱՀԿ գործող նախագահի անձնական ներկայացուցիչ Անջեյ Կասպրշիկն այցելել է Կոռնիձոր ՝ Քաշաթաղի (Լաչինի) միջանցքի մուտք, որտեղ արդեն մեկ ամսից ավելի Լեռնային Ղարաբաղ մուտքի են սպասում  շրջափակված Արցախի բնակիչների համար Հայաստանից մարդասիրական օգնություն տեղափոխող մեքենաները:

Արմինֆո. Դատախազը 2023 թվականի օգոստոսի 23-ին ՀՀ նախկին գլխավոր հարկադիր կատարող Միհրան Պողոսյանի նկատմամբ հարուցել է նոր հանրային քրեական հետապնդում: Այդ մասին հաղորդել է Գլխավոր դատախազության մամուլի ծառայությունը:

Արմինֆո.Ակբա բանկը և Գերմանիայի բնության պահպանության միությունն (NABU) ամփոփել են համատեղ իրականացվող «Օրգանական գյուղատնտեսության զարգացում 2023-2024» ծրագրի մրցույթի արդյունքները։

Արմինֆո. Օգոստոսի 21-ին՝ ժամը 15։30-ի սահմաններում, Ադրբեջանի ԶՈՒ ստորաբաժանումները կրակ են բացել Ախպրաձորի հատվածում տեղակայված հայկական դիրքի ուղղությամբ, որի հետևանքով հրազենային մահացու վիրավորում է ստացել զինծառայող Վանիկ Արամի Ղազարյանը: Այդ մասին հաղորդել է Հայաստանի ՊՆ մամուլի ծառայությունը:

Արմինֆո.Արցախի մարդու իրավունքների պաշտպանը սեփական նախաձեռնությամբ քննարկում է սկսել Դավիթ Մինասյանի հրապարակային հաղորդման վերաբերյալ:

Արմինֆո.ՀՀ ԱԳՆ մամուլի խոսնակ Անի Բադալյանը պատասխանել է լրատվամիջոցներից ստացված հարցերին: ԱԳՆ մամուլի ծառայությունը ներկայացրել է հարցերն ու պատասխանները.

Արմինֆո. Ի պատասխան բազմաթիվ լրատվամիջոցների հարցումների՝ Գագիկ Ծառուկյանի մամուլի քարտուղար Իվետա Տոնոյանը տեղեկացնում է, որ օրենքով սահմանված կարգով Ծառուկյան ընտանիքի շահերը ներկայացնող փաստաբանական խումբն այս փուլում ծանոթանում է Ապօրինի ծագում ունեցող գույքի բռնագանձման գործի վերաբերյալ նյութերին։