Արմինֆո. Չնայած միջազգային ահաբեկչության վերացմանն ուղղված ջանքերին՝ այդ գլոբալ աղետը շարունակում է լուրջ սպառնալիք ներկայացնել միջազգային խաղաղության և անվտանգության պահպանման, իրավունքի գերակայության, ժողովրդավարության և մարդու իրավունքների իրականացման համար: Այդ մասին հայտարարել է ՄԱԿ-ում ՀՀ մշտական ներկայացուցչության խորհրդական Վարդուհի Մելիքյանը՝ "Միջազգային ահաբեկչության վերացման միջոցառումներ" օրակարգի 110-րդ կետի վերաբերյալ ՄԱԿ-ի վեցերորդ կոմիտեում ունեցած ելույթի ժամանակ: