Հարգելի ընթերցողներ:


Դուք գտնվում եք տեղեկատվական էջում, որը նվիրված Հայաստանի բարեկամ Ղազախստանի պետությանը, որը վերջին տարիներին զգալի առաջընթացի է հասել է տնտեսական, սոցիալական,  գիտության և մշակույթի զարգացման ոլորտներում: Մի երկիր, որ թե հեռու է, և թե մոտ: Հեռու է աշխարհագրորեն, իսկ մոտ է ոգով, մտածելակերպով, ընդհանուր պատմությամբ, ինչպես նաև այնպիսի հատկանիշներով, ինչպիսին են՝արևելյան իմաստությունը որոշումների կայացման ընթացքում և փոխադարձ օգնությունը: Այդ իսկ պատճառով, չնայած մեր երկու ժողովուրդներիտարածքային մեծ հեռավորությանը, մենք գտնվում են նույն միջորեականում և մնում են մտերիմ բարեկամներ:


Համատեղ ծրագիրը, որը նախաձեռվնել է Ղազախստանի Հանրապետության դեսպանության և «Արմինֆո» լրատվական գործակալության կողմից, նպատակ ունի հայ ընթերցողին ծանոթացնել

Ղազախստանում տեղի կունեցող հետաքրքիր և արդիական իրադարձություններին՝ քաղաքական, տնտեսական, մշակութային, հումանիտար և հասարակական կյանքում, որոնք հիմնված են

տարածաշրջանային գործընթացների վրա: Նախագծի կարևորագույն բաղադրիչն է միջպետական ​​քաղաքական և տնտեսական կապերը, դրանց զարգացումը և ընդլայնումը: Ցավոք, մեր երկրներին դեռևս չի հաջողվել լիարժեք իրականացնել իրենց առևտրատնտեսական և ներդրումային ներուժը:


Բայց այսօր մեր երկրում դրա համար լավ հնարավորություն է ստեղծվում, փլվում են արհեստական ​​արգելքները, սկվսել իրական պայքար կոռուպցիայի և մենաշնորհների դեմ: Եվ մենք հույս ունենք վերականգնել բացթողածը:


Եկեք ավելի մոտ լինել միմյանց:

ԱրմԻնֆո






 Հինգշաբթի, 24 Հոկտեմբերի 2024 15:53

Ղազախստանի ձեռքբերումները ողջ ժողովրդի ընդհանուր հաջողությունն են

Ղազախստանի ձեռքբերումները ողջ ժողովրդի ընդհանուր հաջողությունն են

Արմինֆո.Հոկտեմբերի 25-ին Ղազախստանը նշում է երկրի գլխավոր տոնը՝ Հանրապետության օրը։ Սա երկրի նորագույն պատմության ամենակարևոր օրն է՝ Ղազախստանի պետական ինքնիշխանության ձեռք բերման խորհրդանիշը։ Տոնը նշանավորում է ոչ միայն քաղաքական անկախությունը, այլև Ղազախստանի ժողովրդի ձգտումը՝ կառուցելու ուժեղ և բարգավաճ պետություն։

 

Նշենք, որ Հանրապետության օրվա՝ որպես գլխավոր ազգային տոնի կարգավիճակը վերականգնվել է 2022 թվականին։ Այս անհրաժեշտությունը թելադրված էր պատմական արդարությունն ու հիշողությունը վերականգնելու մտադրությամբ՝ հաստատելով Ղազախստանի հավատարմությունն ինքնիշխանության, անկախության և առաջադեմ ապագայի նկատմամբ։ Ղազախստանը նաև նշում է Անկախության օրը՝ դեկտեմբերի 16-ը, որպես պետական ​​տոն, սակայն այս տարեթիվը ձեռք է բերել հատուկ նշանակություն և դարձել ազգային հերոսների հիշատակի օր, ովքեր իրենց կյանքը նվիրաբերել են ժողովրդի ազատության, անկախ Ղազախստանի վերականգնման համար մղվող պայքարին։

 

Վերջին տարիները բեկումնային են դարձել Ղազախստանի համար, երկիրը զգալի առաջընթաց է գրանցել ժողովրդավարացման ճանապարհին։ Իրականացված լայնածավալ քաղաքական վերափոխումները պետության զարգացման նոր վեկտոր են սահմանել։ Սահմանադրական բարեփոխումները հնարավորություն են տվել վերափոխել իշխանության ինստիտուտները և ստեղծել կայուն քաղաքական համակարգ, որի հիմքը թափանցիկությունն ու արդարությունն են։ Ամրապնդվում են ժողովրդավարական ինստիտուտները, խթանվում է բազմակուսակցական համակարգը, բարձրանում է ընտրությունների թափանցիկությունը, ընդլայնվում են տեղական իշխանությունների իրավունքներն ու հնարավորությունները՝ Արդար Ղազախստան կառուցելու համար։  Ընթացիկ տարում ատոմակայանի կառուցման վերաբերյալ համազգային հանրաքվեի անցկացումը ժողովրդավարական մոտեցմանը երկրի ղեկավարության հանձնառության վառ օրինակներից մեկն է, որտեղ հաշվի են առնվել հասարակության կարծիքները ազգային մակարդակի կարևոր որոշումներ կայացնելու հարցում:

 

Այս բոլոր ջանքերը հանգեցնում են հանրային գիտակցության, սոցիալական արժեքների և մշակութային նորմերի վերափոխմանը՝ ժամանակակից ժողովրդավարական սկզբունքներին համապատասխան, ինչը նշանակում է ակտիվ քաղաքացիական հասարակության ձևավորում, որը մասնակցում է քաղաքական գործընթացներին և սոցիալական հարցերի լուծմանը, ինչպես նաև նպաստում է սոցիալական համերաշխությանը։

 

Ղազախստանի առաջընթացի ձգտումն արտահայտվում է նաև նրա տնտեսական զարգացման մեջ, որը միջազգային ճանաչում է ստացել։ Սոցիալ-տնտեսական վերափոխումները, որպես պետության ղեկավարի՝ Արդար Ղազախստանի կառուցման ընթացքի մաս, ուղղված են հավասարակշռված, կայուն և գլոբալ ինտեգրված տնտեսության ստեղծմանը:

 

Գլոբալ անորոշության պայմաններում կայուն աճ ցուցաբերելով՝ հանրապետությունը դարձել է տարածաշրջանի առաջատար ներդրումային ուղղությունը և հիմնական ֆինանսական կենտրոնը: Այսպես, 1993 թվականից ի վեր 441 մլրդ դոլարի չափով օտարերկրյա ուղղակի ներդրումներ են ներգրավվել, ինչը վկայում է Ղազախստանի նկատմամբ ներդրողների աճող վստահության մասին։ «Աստանա» միջազգային ֆինանսական կենտրոնը ներգրավել է ավելի քան 3 հազար միջազգային ընկերությունների՝ 82 երկրներից, և ավելի քան 12 միլիարդ դոլարի ներդրումներ: Նշենք, որ «Աստանա» միջազգային ֆինանսական կենտրոնի մասնակից են նաև հայկական ընկերությունները։

 

Կառավարությունը շարունակում է բարելավել ներդրումային միջավայրը։ Երկրի տնտեսական աճին, անկասկած, նպաստում է նաև բնական ռեսուրսների առկայությունը, նավթի ու գազի, մետաղների ու օգտակար հանածոների մեծ պաշարները։ Հարկ է ընդգծել, որ Ղազախստանն արտադրում է այն 34 տեսակի հումքերից 18-ը, որոնք ԵՄ-ն սահմանել է որպես «կրիտիկական նշանակություն ունեցող հումքեր»:

 

Բայց միայն բնական ռեսուրսները չեն, որ որոշում են Ղազախստանի տնտեսության հաջողությունը։ Կառավարությունը քայլեր է ձեռնարկում տնտեսությունը դիվերսիֆիկացնելու համար՝ նվազեցնելով կախվածությունը ավանդական արդյունաբերություններից, ինչպիսիք են նավթն ու գազը։

 

Առանձնահատուկ ուշադրություն է դարձվում այնպիսի ոլորտների զարգացմանը, ինչպիսիք են տեղեկատվական տեխնոլոգիաները, արհեստական ​​բանականությունը, վերականգնվող էներգիայի աղբյուրները, ֆինանսները և այլն։ Միայն ս.թ. 8 ամիսների արդյունքներով մշակող արդյունաբերության արտադրանքի արտահանումը գերազանցել է 17,8 մլրդ դոլարը, ընդ որում, այդ ծավալի ավելի քան մեկ երրորդը կազմում են բարձր ավելացված արժեքով ապրանքները։ Իր հերթին՝ երկրում երիտասարդ հմուտ աշխատուժի ավելացումը, որը բարձր կրթություն ունի և տիրապետում է թվային տեխնոլոգիաներին, երկրի տնտեսական և սոցիալական առաջընթացի հիմնական գործոնն է: Ինչպես ընդգծում է մեր պետության ղեկավարը, «Ղազախստանի ձեռքբերումները ողջ ժողովրդի ընդհանուր հաջողությունն են»։

 

Միջազգային ասպարեզում Ղազախստանը, հաստատվելով որպես վստահելի գործընկեր, ձևավորել է իր ուրույն ինքնությունը։ Երկիրն իրականացնում է հավասարակշռված, կառուցողական արտաքին քաղաքականություն՝ հիմնված ազգային շահերի վրա։ Հանդես գալով միջուկային զինաթափման օգտին, ինչի մասին վկայում է անկախացումից հետո միջուկային զինանոցից հրաժարվելը, Ղազախստանն իրեն խաղաղության գլոբալ կողմնակից է համարում: Մենք հանդես ենք գալիս որպես հարթակ համաշխարհային և ավանդական կրոնների առաջնորդների համագումարի շրջանակներում միջկրոնական երկխոսության հաստատման համար։ Հակամարտությունների լուծման համար չեզոք հարթակ տրամադրելով՝ Ղազախստանը լիովին աջակցում է տարածաշրջանային և միջազգային վեճերի կարգավորմանը՝ օգտագործելով իր աշխարհառազմավարական դիրքը և խաղաղ ու հավասարակշռված արտաքին քաղաքականությունը։

 

Ցանկանում եմ նշել, որ Ղազախստանը հավասար և փոխշահավետ հարաբերություններ է կառուցում աշխարհի բոլոր երկրների հետ։ Այս համատեքստում անհրաժեշտ է ընդգծել, որ երկկողմ հարաբերությունների զարգացման տարիներին Աստանան ու Երևանը ոչ միայն պահպանել են իրենց ընդհանուր պատմական հիշարժան էջերը, այլև սովորել են նորովի կառուցել փոխհարաբերությունները՝ հիմնվելով իրավահավասարության, փոխադարձ շահերը հաշվի առնելու և համակողմանի գործընկերության սկզբունքների վրա: Հայաստանը Ղազախստանի համար մերձավոր պետություն է և հուսալի գործընկեր Հարավային Կովկասում։ Մեր փոխգործակցությունը բնութագրվում է ընդհանուր տեսլականով և միմյանց շահերը հարգելու պատրաստակամությամբ: Մեր երկրների փոխգործակցությունը միջազգային հարթակներում նույնպես երկկողմ սերտ հարաբերությունների լավ օրինակ է։

 

Համագործակցության տարիների ընթացքում ձևավորվել է ամուր իրավական դաշտ, և ստեղծվել են անհրաժեշտ գործիքներ հարաբերությունների զարգացման և խորացման համար։ Երկու երկրների փոխվարչապետերի նախագահությամբ Ղազախստանի և Հայաստանի միջև առևտրատնտեսական համագործակցության միջկառավարական հանձնաժողովի նիստերի պարբերականությունը հարաբերությունների աճող դինամիկայի և երկկողմ ու բազմակողմ օրակարգի հետևանք է։

 

Այս տարին շատ արդյունավետ է ընթանում երկկողմ հարաբերությունների համար՝ ինչպես բարձր մակարդակի այցերի, այնպես էլ միջպետական ​​փոխգործակցության այլ մակարդակներում։ Մասնավորապես, ս.թ. ապրիլին կայացել է Ղազախստանի նախագահի պաշտոնական այցը Հայաստան։ Այցի շրջանակներում Ղազախստանի Հանրապետության նախագահ Կ. Տոկաևի և Հայաստանի Հանրապետության վարչապետ Ն. Փաշինյանի ստորագրած համատեղ հայտարարությունը ցույց տվեց ղազախ-հայկական հարաբերությունների և երկարաժամկետ գործընկերային կապերի անսասանությունը: Հայաստանի Հանրապետության նախագահ Վ. Խաչատուրյանի պաշտոնական այցն Աստանա, որը տեղի ունեցավ ս.թ. հոկտեմբերին, մեր երկրների միջև սերտ քաղաքական կապերի հաստատումն էր և ղազախ-հայկական հարաբերություններն էլ ավելի խթանելու և ամրապնդելու Երևանի հաստատակամության կարևոր վկայությունը։ Բացի այդ, տեղի են ունեցել երկու երկրների վարչապետների աշխատանքային փոխայցեր: Բարձր և բարձրագույն մակարդակներում ակտիվ շփումները, անշուշտ, ամրապնդում են երկկողմ հարաբերությունները և խթանում համագործակցությունը։

 

Միջխորհրդարանական համագործակցությունը կարևոր դեր է խաղում քաղաքական երկխոսության զարգացման գործում։ Այս համատեքստում անհրաժեշտ է նշել միջխորհրդարանական հարաբերությունների, մասնավորապես, խորհրդարանական խմբերի գործունեության առանձնահատուկ նշանակությունը։ Խորհրդարանականների փոխայցելությունները և միջխորհրդարանական համագործակցության աշխատանքային խմբերի հանդիպումները փոխգործակցության կայացած ձևաչափեր են և, անկասկած, շատ կարևոր։

 

Ուրախալի է, որ մեր երկրների միջև առևտրատնտեսական համագործակցությունը շարունակում է համակարգված զարգանալ։ Համատեղ ջանքերի շնորհիվ վերջին հինգ տարիների ընթացքում արձանագրվել է ապրանքաշրջանառության եռակի աճ։ 2023 թվականի արդյունքներով փոխադարձ առևտուրը նախորդ ժամանակահատվածի համեմատ աճել է 23 տոկոսով։ Ընթացիկ տարում անցկացվել են 3 գործարար համաժողովներ և առևտրային առաքելություններ, որոնք լավ հնարավորություն են ընձեռել մեր գործարար շրջանակներին կապեր հաստատելու համար:

 

Առանձնահատուկ նշանակություն է տրվում միջմշակութային երկխոսության ամրապնդմանը։ Ս.թ. հոկտեմբերին Ղազախստանում անցկացվեցին Հայաստանի մշակույթի օրեր, ինչը ղազախստանցիներին թույլ տվեց ավելի լավ ծանոթանալ հայ ժողովրդի հնագույն ու ինքնատիպ մշակույթին ու արվեստին։ Իր հերթին՝ գալիք տարում նախատեսվում է Հայաստանում կազմակերպել Ղազախստանի մշակույթի օրեր։

 

Ընթացիկ տարին նշանավորվում է նաև մեր երկկողմ հարաբերությունների հիմնարար փաստաթղթի` Ղազախստանի Հանրապետության և Հայաստանի Հանրապետության միջև բարեկամության և համագործակցության պայմանագրի ստորագրման 25-ամյակով (2 սեպտեմբերի, 1999թ.): Օգտվելով առիթից՝ շնորհավորում եմ մեր հայ բարեկամներին այս նշանակալի օրվա կապակցությամբ։

 

Ամփոփելով՝ կցանկանայի նշել, որ իր զարգացման ներկա փուլում Ղազախստանը շարժվում է դեպի կայուն, բարգավաճ և արդար պետության կառուցում, և Աստանան հաստատակամորեն հանձնառու է խորացնել փոխգործակցությունը Երևանի հետ։

 

 

 

Բոլատ Իմանբաև

Հայաստանի Հանրապետությունում Ղազախստանի Հանրապետության դեսպան

 

Հայաստանի և Ղազախստանի զբոսաշրջության կոմիտեների ղեկավարները հանդիպում են ունեցել
 Երեթշաբթի, 29 Ապրիլի 2025 15:47
Հայաստանի և Ղազախստանի զբոսաշրջության կոմիտեների ղեկավարները հանդիպում են ունեցել

Արմինֆո. Անցյալ շաբաթ Ղազախստան կատարած աշխատանքային այցի շրջանակներում ՀՀ ԷՆ զբոսաշրջության կոմիտեի նախագահ Լուսինե Գևորգյանը հանդիպում է ունեցել Ղազախստանի Հանրապետության զբոսաշրջության և սպորտի նախարարության զբոսաշրջային արդյունաբերության կոմիտեի նախագահ Նուրտաս Կարիպբայեվի հետ։

>>>
Հայաստանն ու Ղազախստանը քննարկել են զբոսաշրջության ոլորտում համագործակցության հարցեր
 Ուրբաթ, 25 Ապրիլի 2025 16:11
Հայաստանն ու Ղազախստանը քննարկել են զբոսաշրջության ոլորտում համագործակցության հարցեր

Արմինֆո.ՀՀ ԷՆ Զբոսաշրջության կոմիտեի նախագահ Լուսինե Գևորգյանը Ալմաթիում անցկացվող «Զբոսաշրջություն և ճանապարհորդություն» 23-րդ միջազգային ցուցահանդեսի շրջանակներում հանդիպել է Ղազախստանի Զբոսաշրջության և սպորտի փոխնախարար Երժան Երկինբաևի հետ։

>>>
Երևանում բացվել է Աբայ Կունանբաևի անվան զբոսայգի
 Շաբաթ, 19 Ապրիլի 2025 15:17
Երևանում բացվել է Աբայ Կունանբաևի անվան զբոսայգի

Արմինֆո  ՀՀ կրթության, գիտության, մշակույթի և սպորտի նախարար Ժաննա Անդրեասյանի և Ղազախստանի մշակույթի և տեղեկատվության նախարար Աիդա Բալաևայի մասնակցությամբ կայացել է Երևանի Ավան վարչական շրջանի Ալմա-Աթայի փողոցի հարակից տարածքում գտնվող զբոսայգու անվանակոչման արարողությունը։ Ի պատիվ ղազախ բանաստեղծ, լուսավորական շարժման ներկայացուցիչ, գրականության ու փիլիսոփայության անվանի գործիչ, ղազախական գրականության հիմնադիր Աբայ Կունանբաևի՝ զբոսայգում հանդիսավորությամբ բացվել է նրա հուշատախտակը։

>>>
Մշակութային համագործակցության նոր հեռանկարներ. Հայաստան-Ղազախստան
 Շաբաթ, 19 Ապրիլի 2025 12:49
Մշակութային համագործակցության նոր հեռանկարներ. Հայաստան-Ղազախստան

Արմինֆո Հայաստանում Ղազախստանի մշակույթի օրերի շրջանակում ՀՀ կրթության, գիտության, մշակույթի և սպորտի նախարար Ժաննա Անդրեասյանը ընդունել է Ղազախստանի Հանրապետության մշակույթի և տեղեկատվության նախարար Աիդա Բալաևայի գլխավորած պատվիրակությանը։ Պաշտոնական հանդիպմանը ներկա են եղել ԿԳՄՍ նախարարի տեղակալներ Արթուր Մարտիրոսյանը և Դանիել Դանիելյանը:

>>>
Հայաստանում առաջին անգամ կանցկացվեն Ղազախստանի մշակույթի օրեր
 Երեթշաբթի, 15 Ապրիլի 2025 15:29
Հայաստանում առաջին անգամ կանցկացվեն Ղազախստանի մշակույթի օրեր

Արմինֆո.Հայաստանի և Ղազախստանի միջև մշակութային համագործակցության շրջանակում ապրիլի 18-19-ը Հայաստանում առաջին անգամ կանցկացվեն Ղազախստանի մշակույթի օրեր։

>>>
ՂՀ նախագահ. Ղազախստանը, Ուզբեկստանն ու Ադրբեջանը ձեռնամուխ են լինում Կասպից ծովով դեպի Եվրոպա "կանաչ" էներգիայի էլեկտրահաղորդման գծի կառուցման նախագծի մշակմանը
 Ուրբաթ, 4 Ապրիլի 2025 12:22
ՂՀ նախագահ. Ղազախստանը, Ուզբեկստանն ու Ադրբեջանը ձեռնամուխ են լինում Կասպից ծովով դեպի Եվրոպա

Արմինֆո. Ղազախստանը Ուզբեկստանի և Ադրբեջանի հետ համատեղ սկսում է Կասպից ծովով "կանաչ" էներգիայի հաղորդման գծի կառուցման լայնածավալ նախագծի վրա աշխատանքը՝ եվրոպական շուկաներ հետագա մուտքով: Այդ մասին Սամարղանդում "Կենտրոնական Ասիա - Եվրամիություն" գագաթնաժողովում հայտարարել է Ղազախստանի նախագահ Կասիմ  Ժոմարտ Տոկաևը, ում խոսքը մեջբերում է Ղազախստանի ղեկավարի պաշտոնական կայքը։

>>>
Հայաստանն ու Ղազախստանը ճյուղային համագործակցությունը դիտարկում են որպես երկրների միջև հարաբերությունների խորացման հնարավորություն
 Հինգշաբթի, 3 Ապրիլի 2025 12:28
Հայաստանն ու Ղազախստանը ճյուղային համագործակցությունը դիտարկում են որպես երկրների միջև հարաբերությունների խորացման հնարավորություն

Արմինֆո. Աշխատանքի և սոցիալական հարցերի նախարար Նարեկ Մկրտչյանն այսօր ընդունել է ՀՀ-ում Ղազախստանի Հանրապետության արտակարգ և լիազոր դեսպան Բոլատ Իմանբաևին։    

>>>
ԱԳՆ-ում ամփոփել են Ղազախստան այցի արդյունքները. Մենք միասնական ենք ինքնիշխանությունն ու անկախությունն ամրապնդելու, տարանցիկ ներուժն ավելացնելու եւ ազգային տնտեսությունները արդիականացնելու ձգտման հարցում
 Շաբաթ, 29 Մարտի 2025 12:26
ԱԳՆ-ում ամփոփել են Ղազախստան այցի արդյունքները. Մենք միասնական ենք ինքնիշխանությունն ու անկախությունն ամրապնդելու, տարանցիկ ներուժն ավելացնելու եւ ազգային տնտեսությունները արդիականացնելու ձգտման հարցում

Արմինֆո. Ղազախստանի հետ մեր ընդհանուր հավատարմությունը ինքնիշխանության, անկախության և տարածքային ամբողջականության սկզբունքներին, ինչպես նաև տարածաշրջանային տնտեսական և տրանսպորտային հաղորդակցությունների զարգացմամբ և դիվերսիֆիկացմամբ փոխադարձ շահագրգռվածությունն էլ ավելի է ընդլայնում մեր համագործակցության հորիզոնները: Այդ մասին «Ֆեյսբուքի» իր էջում գրել է Հայաստանի ԱԳՆ խոսնակ Անի Բադալյանը ՝ անդրադառնալով Ղազախստան կատարած այցի արդյունքների վերաբերյալ ՀՀ ԱԳ նախարար Արարատ Միրզոյանի հայտարարությանը:

>>>
Հայաստանի ԱԳ նախարարը Ղազախստանում այցելել է «Աստանա հաբ» միջազգային կենտրոն եւ «ԱԼԺԻՐ» հուշահամալիր
 Ուրբաթ, 28 Մարտի 2025 15:12
Հայաստանի ԱԳ նախարարը Ղազախստանում այցելել է «Աստանա հաբ» միջազգային կենտրոն եւ «ԱԼԺԻՐ» հուշահամալիր

Արմինֆո. ՀՀ ԱԳ նախարար Արարատ Միրզոյանն այցելել է Ղազախստանի «Աստանա հաբ» միջազգային կենտրոն, որը հանդիսանում է Կենտրոնական Ասիայում ամենամեծ տեխնոլոգիական կենտրոնը։

>>>
Հայաստանի ԱԳՆ ղեկավարը ծանոթացել է "Աստանա" միջազգային ֆինանսական կենտրոնի գործունեության պայմաններին
 Ուրբաթ, 28 Մարտի 2025 11:34
Հայաստանի ԱԳՆ ղեկավարը ծանոթացել է

Արմինֆո. Ղազախստան պաշտոնական այցի շրջանակներում ՀՀ ԱԳ նախարար Արարատ Միրզոյանն այցելել է «Աստանա» միջազգային ֆինանսական կենտրոն:

>>>
Տոկաև. Ղազախստանը ողջունում է Երևանի և Բաքվի միջև խաղաղության համաձայնագրի տեքստի շուրջ բանակցությունների ավարտը
 Հինգշաբթի, 27 Մարտի 2025 15:49
Տոկաև. Ղազախստանը ողջունում է Երևանի և Բաքվի միջև խաղաղության համաձայնագրի տեքստի շուրջ բանակցությունների ավարտը

Արմինֆո. Ղազախստանը ողջունում է Երևանի ու Բաքվի միջև խաղաղության համաձայնագրի տեքստի և միջպետական հարաբերությունների հաստատման շուրջ բանակցությունների ավարտը: Այդ մասին Ղազախստանի նախագահ Կասիմ-Ժոմարտ Տոկաևը հայտարարել է ՀՀ ԱԳ նախարար Արարատ Միրզոյանի հետ հանդիպման ժամանակ:

>>>
Հայաստանի ԱԳ նախարարը Ղազախստանի գործընկերոջը հրավիրել է Երևան
 Հինգշաբթի, 27 Մարտի 2025 11:40
Հայաստանի ԱԳ նախարարը Ղազախստանի գործընկերոջը հրավիրել է Երևան

Արմինֆո. ՀՀ ԱԳ նախարար Արարատ Միրզոյանը Ղազախստանի փոխվարչապետ-արտաքին գործերի նախարար Մուրատ Նուրտլեուին հրավիրել է Երևան ՝ իրեն հարմար ժամկետներում: Հրավերը Միրզոյանը հնչեցրել Է Աստանայում Ղազախստանի իր պաշտոնակցի հետ բանակցությունների ամփոփիչ համատեղ մամուլի ասուլիսի ժամանակ։

>>>
Հայաստանի ԱԳ նախարարը Ղազախստանի գործընկերոջը պատմել է Երևանի և Բաքվի միջև հարաբերությունների կարգավորման գործընթացի վերջին զարգացումների մասին
 Հինգշաբթի, 27 Մարտի 2025 11:38
Հայաստանի ԱԳ նախարարը Ղազախստանի գործընկերոջը պատմել է Երևանի և Բաքվի միջև հարաբերությունների կարգավորման գործընթացի վերջին զարգացումների մասին

Արմինֆո. Հայաստանի ԱԳ նախարար Արարատ Միրզոյանը Ղազախստանի փոխվարչապետ-արտաքին գործերի նախարար Մուրատ Նուրտլեուին պատմել է Երևանի և Բաքվի միջև հարաբերությունների կարգավորման գործընթացում վերջին զարգացումների, այդ թվում ՝ խաղաղության համաձայնագրի նախագծի համաձայնեցման փաստի մասին։ Այս մասին Միրզոյանը լրագրողներին հաղորդել է Ղազախստանի իր գործընկերոջ հետ բանակցությունների ամփոփիչ մամուլի ասուլիսի ժամանակ։

>>>
Հայաստանի արտգործնախարարը պաշտոնական այցով կմեկնի Ղազախստան
 Չորեքշաբթի, 26 Մարտի 2025 16:08
Հայաստանի արտգործնախարարը պաշտոնական այցով կմեկնի Ղազախստան

Արմինֆո. ՀՀ ԱԳ նախարար Արարատ Միրզոյանը մարտի 27-ին պաշտոնական այցով կմեկնի Ղազախստան:

>>>
Ղազախստանի դեսպանը դասախոսություն է կարդացել ԵՊՀ արևելագիտության ֆակուլտետին առընթեր ղազախերեն լեզվի կենտրոնում՝ Նաուրիզ մեյրամիի առիթով
 Չորեքշաբթի, 19 Մարտի 2025 14:53
Ղազախստանի դեսպանը դասախոսություն է կարդացել ԵՊՀ արևելագիտության ֆակուլտետին առընթեր ղազախերեն լեզվի կենտրոնում՝ Նաուրիզ մեյրամիի առիթով

Արմինֆո. Ղազախստանում գարնանային տոնի՝ Նաուրիզ մեյրամիի  կապակցությամբ Հայաստանում ՂՀ դեսպան Բոլատ Իմանբաևը դասախոսությամբ հանդես է եկել Երևանի պետական համալսարանի արևելագիտության ֆակուլտետին կից ղազախերենի, պատմության և մշակույթի կենտրոնում:

>>>
Ղազախստանցի գործարարները ժամանել են Երևան՝ ուսումնասիրելու հայկական շուկայի ներուժը
 Չորեքշաբթի, 19 Մարտի 2025 11:19
Ղազախստանցի գործարարները ժամանել են Երևան՝ ուսումնասիրելու հայկական շուկայի ներուժը

Արմինֆո. Հայկական շուկան ուսումնասիրելու նպատակով Երեւան են այցելել Ղազախստանում օպտիկական և LAN մալուխի խոշոր արտադրող ղազախական KCEP ընկերության ներկայացուցիչները: Այդ մասին հաղորդում է Հայաստանում Ղազախստանի դեսպանատան մամուլի ծառայությունը։

>>>
Ղազախստանի դեսպանն ու Հայաստանի ԱԳՆ եվրասիական տարածաշրջանի վարչության պետը հստակեցրել են դիրքորոշումները երկկողմ համագործակցության օրակարգի նկատմամբ
 Շաբաթ, 15 Մարտի 2025 14:06
Ղազախստանի դեսպանն ու Հայաստանի ԱԳՆ եվրասիական տարածաշրջանի վարչության պետը հստակեցրել են դիրքորոշումները երկկողմ համագործակցության օրակարգի նկատմամբ

Արմինֆո. Հայաստանում Ղազախստանի դեսպան Բոլատ Իմանբաևը հանդիպել է  հանրապետության ԱԳՆ եվրասիական տարածաշրջանի վարչության նորանշանակ պետ Գեորգի Քոչարյանի հետ:

>>>
EU Reaffirms Commitment to Deepen Engagement with Kazakhstan
 Ուրբաթ, 14 Մարտի 2025 12:03
EU Reaffirms Commitment to Deepen Engagement with Kazakhstan

Արմինֆո. ASTANA — The EU intends to ensure deeper and more sustainable engagement with Kazakhstan and other Central Asian states, EU Commissioner for International Partnerships Jozef Síkela said at a March 13 meeting with President Kassym-Jomart Tokayev, who is visiting all five countries in the region.

>>>
UN Adopts Resolution to Establish SDG Regional Hub in Almaty
 Չորեքշաբթի, 5 Մարտի 2025 12:30
UN Adopts Resolution to Establish SDG Regional Hub in Almaty

Արմինֆո. ASTANA – The UN General Assembly unanimously adopted a resolution on the establishment of the UN Regional Center for Sustainable Development Goals (SDGs) for Central Asia and Afghanistan in Almaty during a March 4 session in New York.

>>>
Ղազախստանի դեսպանն այցելել է ԵՊՀ-ին առընթեր Աբայի անվան ղազախական լեզվի, պատմության և մշակույթի կենտրոն
 Չորեքշաբթի, 5 Մարտի 2025 11:10
Ղազախստանի դեսպանն այցելել է ԵՊՀ-ին առընթեր Աբայի անվան ղազախական լեզվի, պատմության և մշակույթի կենտրոն

Արմինֆո. Հայաստանում Ղազախստանի դեսպան Բոլատ Իմանբաեւն այցելել է Երեւանի պետական համալսարանին առընթեր Աբայի անվան ղազախերենի, պատմության եւ մշակույթի կենտրոն:

>>>

Նորություններ