Հարգելի ընթերցողներ:
Դուք գտնվում եք տեղեկատվական էջում, որը նվիրված Հայաստանի բարեկամ Ղազախստանի պետությանը, որը վերջին տարիներին զգալի առաջընթացի է հասել է տնտեսական, սոցիալական, գիտության և մշակույթի զարգացման ոլորտներում: Մի երկիր, որ թե հեռու է, և թե մոտ: Հեռու է աշխարհագրորեն, իսկ մոտ է ոգով, մտածելակերպով, ընդհանուր պատմությամբ, ինչպես նաև այնպիսի հատկանիշներով, ինչպիսին են՝արևելյան իմաստությունը որոշումների կայացման ընթացքում և փոխադարձ օգնությունը: Այդ իսկ պատճառով, չնայած մեր երկու ժողովուրդներիտարածքային մեծ հեռավորությանը, մենք գտնվում են նույն միջորեականում և մնում են մտերիմ բարեկամներ:
Համատեղ ծրագիրը, որը նախաձեռվնել է Ղազախստանի Հանրապետության դեսպանության և «Արմինֆո» լրատվական գործակալության կողմից, նպատակ ունի հայ ընթերցողին ծանոթացնել
Ղազախստանում տեղի կունեցող հետաքրքիր և արդիական իրադարձություններին՝ քաղաքական, տնտեսական, մշակութային, հումանիտար և հասարակական կյանքում, որոնք հիմնված են
տարածաշրջանային գործընթացների վրա: Նախագծի կարևորագույն բաղադրիչն է միջպետական քաղաքական և տնտեսական կապերը, դրանց զարգացումը և ընդլայնումը: Ցավոք, մեր երկրներին դեռևս չի հաջողվել լիարժեք իրականացնել իրենց առևտրատնտեսական և ներդրումային ներուժը:
Բայց այսօր մեր երկրում դրա համար լավ հնարավորություն է ստեղծվում, փլվում են արհեստական արգելքները, սկվսել իրական պայքար կոռուպցիայի և մենաշնորհների դեմ: Եվ մենք հույս ունենք վերականգնել բացթողածը:
Եկեք ավելի մոտ լինել միմյանց:
ԱրմԻնֆո
Արմինֆո. "Մենք բոլորս շահագրգռված ենք Հայաստանի եւ Ադրբեջանի միջեւ հարաբերությունների կարգավորմամբ", - հայտարարել է Ղազախստանի նախագահ Կասիմ-Ժոմարտ Տոկաեւը՝ Երեւանում ՀԱՊԿ Հավաքական անվտանգության խորհրդի նիստում:
"Հուսով ենք, որ ռուսական կողմի խաղաղարար ջանքերը թույլ կտան կարգավորել հայ - ադրբեջանական հակամարտությունը բացառապես քաղաքական - դիվանագիտական ճանապարհով և կողմերին հասցնել խաղաղության պայմանագրի ստորագրման", - ընդգծել է Տոկաևը:
Նա փաստել է, որ Հավաքական անվտանգության պայմանագրի կազմակերպության (ՀԱՊԿ) տարածաշրջանի գործընկերների հետ համագործակցությունն ամրապնդելու Ղազախստանի ռազմավարական գիծը մնում է անփոփոխ: "Ցանկանում եմ ընդգծել, որ Ղազախստանի՝ բարեկամության, բարիդրացիության և տարածաշրջանում դաշնակիցների ու գործընկերների հետ փոխշահավետ համագործակցության համակողմանի ամրապնդմանն ուղղված ռազմավարական գիծը մնում է անփոփոխ։ Մենք հաստատակամորեն նպատակ ունենք այսուհետ ևս ջանքեր գործադրել ձեր պետությունների հետ հարաբերությունների բարձր մակարդակի պահպանման համար ՝ ինչպես երկկողմ, այնպես էլ բազմակողմ ձևաչափերով", - ընդգծել է Ղազախստանի ղեկավարը։
Տոկաեւը նշել է, որ ՀԱՊԿ առաջնորդների հանդիպումն ընթանում է աշխարհաքաղաքական բարդ հակասությունների եւ աննախադեպ մարտահրավերների պայմաններում: "Միջազգային գործերում տուրբուլենտության բարձրացումը չի շրջանցել նաև ՀԱՊԿ-ի տարածքը։ Մեր տարածաշրջանում շարունակում են տեղի ունենալ հակամարտություններ, որոնք խաթարում են կայունությունն ու անվտանգությունը ողջ եվրասիական տարածքում։ Այս պայմաններում կենսական նշանակություն ունի բաց և կառուցողական երկխոսության պահպանումն ու զարգացումը։ Դա բարդ ճգնաժամերից եւ տարաձայնություններից դուրս գալու արդյունավետ եւ ընդունելի ճանապարհ է", - պարզաբանել է նա։ Այս համատեքստում Ղազախստանի նախագահը սատարել է հայ-ադրբեջանական հակամարտության դիվանագիտական կարգավորմանն ուղղված քայլերը։
