Հարգելի ընթերցողներ:
Դուք գտնվում եք տեղեկատվական էջում, որը նվիրված Հայաստանի բարեկամ Ղազախստանի պետությանը, որը վերջին տարիներին զգալի առաջընթացի է հասել է տնտեսական, սոցիալական, գիտության և մշակույթի զարգացման ոլորտներում: Մի երկիր, որ թե հեռու է, և թե մոտ: Հեռու է աշխարհագրորեն, իսկ մոտ է ոգով, մտածելակերպով, ընդհանուր պատմությամբ, ինչպես նաև այնպիսի հատկանիշներով, ինչպիսին են՝արևելյան իմաստությունը որոշումների կայացման ընթացքում և փոխադարձ օգնությունը: Այդ իսկ պատճառով, չնայած մեր երկու ժողովուրդներիտարածքային մեծ հեռավորությանը, մենք գտնվում են նույն միջորեականում և մնում են մտերիմ բարեկամներ:
Համատեղ ծրագիրը, որը նախաձեռվնել է Ղազախստանի Հանրապետության դեսպանության և «Արմինֆո» լրատվական գործակալության կողմից, նպատակ ունի հայ ընթերցողին ծանոթացնել
Ղազախստանում տեղի կունեցող հետաքրքիր և արդիական իրադարձություններին՝ քաղաքական, տնտեսական, մշակութային, հումանիտար և հասարակական կյանքում, որոնք հիմնված են
տարածաշրջանային գործընթացների վրա: Նախագծի կարևորագույն բաղադրիչն է միջպետական քաղաքական և տնտեսական կապերը, դրանց զարգացումը և ընդլայնումը: Ցավոք, մեր երկրներին դեռևս չի հաջողվել լիարժեք իրականացնել իրենց առևտրատնտեսական և ներդրումային ներուժը:
Բայց այսօր մեր երկրում դրա համար լավ հնարավորություն է ստեղծվում, փլվում են արհեստական արգելքները, սկվսել իրական պայքար կոռուպցիայի և մենաշնորհների դեմ: Եվ մենք հույս ունենք վերականգնել բացթողածը:
Եկեք ավելի մոտ լինել միմյանց:
ԱրմԻնֆո
Արմինֆո. ՀԱՊԿ-ի գլխավոր խնդիրը խաղաղության, միջազգային եւ տարածաշրջանային անվտանգության ամրապնդումն է, կազմակերպության անդամ պետությունների ինքնիշխանության եւ տարածքային ամբողջականության հավաքական հիմունքով պաշտպանությունը:
Այդ մասին հայտարարել է Հայաստանում Ղազախստանի դեսպան Բոլատ Իմանբաեւը՝ մայիսի 26-ին "ՀԱՊԿ ներկան եւ ապագան. Հավաքական անվտանգության պայմանագրի 30-ամյակին եւ ՀԱՊԿ-ի ստեղծման 20-ամյակին" նվիրված միջազգային խորհրդաժողովում իր ելույթի ժամանակ:
Այս առումով նա փաստել է, որ արդի պայմաններում մեծ նշանակություն է տրվում միջազգային անվտանգության և կայունության ապահովման պայմաններին։ "Դա արդիական խնդիր է թե Ղազախստանի, թե Կենտրոնական Ասիայի համար։ Այս իմաստով ՀԱՊԿ - ը մեր տարածաշրջանում հավաքական անվտանգության ապահովման ուղղությամբ փոխգործակցության և աշխատանքի համակարգման կարևոր գործիքն է", - ասել է դիվանագետը։
Այս առումով ՂՀ դեսպանը հիշեցրել Է Ղազախստանի նախագահ Կասիմ-Ժոմարտ Տոկաեւի խոսքերը, որը նշել է, որ անցած 30 տարիների ընթացքում ՀԱՊԿ-ը հաստատվել է որպես բազմակողմ համագործակցության գործուն մեխանիզմ ՝ հետագա զարգացման լուրջ ներուժով: Դեսպանը նշել է ՀԱՊԿ տարբեր մարմինների արդյունավետ համագործակցությունը, պաշտպանական, իրավապահ եւ խաղաղապահ ներուժի ամրապնդումը:
Իմանբաեւը հիշեցրել է, որ Ղազախստանը հատուկ ուշադրություն է դարձնում միջազգային ահաբեկչությանը եւ ծայրահեղականությանը, թմրանյութերի եւ զենքի անօրինական շրջանառությանը, անօրինական միգրացիային հակազդեցությանը, այդ թվում ՝ Աֆղանստանի իրադրության զարգացման համատեքստում: Նրա խոսքով՝ այդ պետությունում անկայունությունը նախկինի պես սպառնում է ՀԱՊԿ անդամ երկրների կայունությանն ու անվտանգությանը:
"Այդ առնչությամբ մենք համոզված ենք, որ ՀԱՊԿ անդամ երկրներին անհրաժեշտ է հաշվի առնել բոլոր հնարավոր սպառնալիքները և ավելի շատ ուշադրություն դարձնել Կենտրոնական Ասիայի հարավային սահմանների անվտանգության ապահովման անհրաժեշտությանը", - ասել է Հայաստանում Ղազախստանի դիվանագիտական ներկայացուցչության ղեկավարը:
Դեսպանը մեկ այլ արդիական ուղղություն է համարել ՀԱՊԿ խաղաղապահ ներուժի ամրապնդումը և համոզմունք հայտնել, որ հասունացել է ՄԱԿ խաղաղապահ գործունեությանը միանալու ժամանակը: "Այդ քայլը կամրապնդի ՀԱՊԿ-ի իրավասուբյեկտությունը, կապահովի միջազգային խաղաղապահ գործողություններին կազմակերպության մասնակցության պրակտիկան ", - ասել է դիվանագետը, հավելելով, որ այդ հարցը ՀԱՊԿ-ում Հայաստանի ընթացիկ նախագահության առաջնահերթությունների թվում է:
Այս համատեքստում նա հիշեցրել է, որ Ղազախստանի նախաձեռնությամբ ստեղծվել է ՀԱՊԿ գլխավոր քարտուղարի ՝ խաղաղապահության զարգացման գծով հատուկ ներկայացուցչի ինստիտուտ։ Իմանբաեւը նաեւ նշել է, որ ՀԱՊԿ-ում ՀՀ նախագահության շրջանակներում Երեւանում տեղի կունենան մի շարք միջոցառումներ, եւ առաջիկա հունիսին՝ ՀԱՊԿ ԽՎ նիստ, ինչպես նաև ՀԱՊԿ ԱԳՆԽ եւ անվտանգության խորհուրդների քարտուղարների նիստեր:
"Ընդհանուր առմամբ, Ղազախստանը հետեւողականորեն հանդես է գալիս այնպիսի պայմանների ստեղծման օգտին, որոնք թույլ կտան հակազդել նոր մարտահրավերներին ու սպառնալիքներին՝ միջազգային իրավունքի հիման վրա, եւ լուծել առաջացող սպառնալիքների վաղ կանխարգելման եւ կանխման, դրանց հիմքում ընկած հիմնարար պատճառների վերացման խնդիրները", - ասել է Իմանբաեւը, հավելելով, որ անցկացվող միջոցառումների համալիրը թույլ է տալիս զգալի ներդրում ունենալ Ղազախստանի եւ ողջ տարածաշրջանի անվտանգության ապահովման գործում:
Դիվանագետը նաեւ պատմել է Ղազախստանի հիմնական օրենքում փոփոխություններ մտցնելու շուրջ հունիսի 5-ին կայանալիք հանրաքվեի եւ երկրի կյանքում այդ կարեւոր քայլի նպատակների մասին:
Նշենք, որ միջոցառումը կազմակերպել էր ԵՊՀ Միջազգային հարաբերությունների ֆակուլտետի ռուսական հետազոտությունների կենտրոնը՝ "Ինտեգրացիա և զարգացում" ՀԿ-ի և Եվրասիական փորձագիտական ակումբի հետ համատեղ:
