Հարգելի ընթերցողներ:
Դուք գտնվում եք տեղեկատվական էջում, որը նվիրված Հայաստանի բարեկամ Ղազախստանի պետությանը, որը վերջին տարիներին զգալի առաջընթացի է հասել է տնտեսական, սոցիալական, գիտության և մշակույթի զարգացման ոլորտներում: Մի երկիր, որ թե հեռու է, և թե մոտ: Հեռու է աշխարհագրորեն, իսկ մոտ է ոգով, մտածելակերպով, ընդհանուր պատմությամբ, ինչպես նաև այնպիսի հատկանիշներով, ինչպիսին են՝արևելյան իմաստությունը որոշումների կայացման ընթացքում և փոխադարձ օգնությունը: Այդ իսկ պատճառով, չնայած մեր երկու ժողովուրդներիտարածքային մեծ հեռավորությանը, մենք գտնվում են նույն միջորեականում և մնում են մտերիմ բարեկամներ:
Համատեղ ծրագիրը, որը նախաձեռվնել է Ղազախստանի Հանրապետության դեսպանության և «Արմինֆո» լրատվական գործակալության կողմից, նպատակ ունի հայ ընթերցողին ծանոթացնել
Ղազախստանում տեղի կունեցող հետաքրքիր և արդիական իրադարձություններին՝ քաղաքական, տնտեսական, մշակութային, հումանիտար և հասարակական կյանքում, որոնք հիմնված են
տարածաշրջանային գործընթացների վրա: Նախագծի կարևորագույն բաղադրիչն է միջպետական քաղաքական և տնտեսական կապերը, դրանց զարգացումը և ընդլայնումը: Ցավոք, մեր երկրներին դեռևս չի հաջողվել լիարժեք իրականացնել իրենց առևտրատնտեսական և ներդրումային ներուժը:
Բայց այսօր մեր երկրում դրա համար լավ հնարավորություն է ստեղծվում, փլվում են արհեստական արգելքները, սկվսել իրական պայքար կոռուպցիայի և մենաշնորհների դեմ: Եվ մենք հույս ունենք վերականգնել բացթողածը:
Եկեք ավելի մոտ լինել միմյանց:
ԱրմԻնֆո
Արմինֆո. Վարչապետ Նիկոլ Փաշինյանը շնորհավորական ուղերձներ է հղել Ղազախստանի Հանրապետության նախագահ Կասիմ-Ժոմարտ Տոկաևին և Ղազախստանի Հանրապետության առաջին նախագահ Նուրսուլթան Նազարբաևին՝ Անկախության տոնի կապակցությամբ։
Վարչապետի մամուլի ծառայության հաղորդման համաձայն, Կասիմ-Ժոմարտ Տոկաևին ուղղված շնորհավորական ուղերձում նշված է.
«Հարգելի Կասիմ-Ժոմարտ Քեմելի, Ընդունեք անկեղծ շնորհավորանքներս և լավագույն բարեմաղթանքներս Ղազախստանի Հանրապետության Անկախության 30-ամյակի առիթով։ Վերջին երեք տասնամյակի ընթացքում Ղազախստանը նշանակալի հաջողությունների է հասել քաղաքական և սոցիալ-տնտեսական բնագավառներում, իր արժանի տեղն է զբաղեցրել միջազգային ասպարեզում։ Վստահ եմ, որ մեր համատեղ ջանքերը միտված կլինեն Հայաստանի և Ղազախստանի միջև արգասաբեր համագործակցության հետագա զարգացմանը ինչպես երկկողմ ձևաչափով, այնպես էլ ինտեգրացիոն միավորումների և բազմակողմ կազմակերպությունների շրջանակում, ինչը լիովին բխում է մեր երկրների ժողովուրդների շահերից։
Հարգելի Կասիմ-Ժոմարտ Քեմելի, Մաղթում եմ Ձեզ քաջառողջություն, բարօրություն և հաջողություններ, իսկ Ղազախստանի բարեկամ ժողովրդին՝ խաղաղություն և բարգավաճում»։
Նուրսուլթան Նազարբաևին ուղղված ուղերձում ասված է. «Հարգելի Նուրսուլթան Աբիշի,
Ջերմորեն և սրտանց շնորհավորում եմ Ձեզ Ղազախստանի Հանրապետության Անկախության 30-ամյակի կապակցությամբ։ Պետական անկախության հռչակումից ի վեր ընկած ժամանակաշրջանում Ղազախստանը համընդհանուր ճանաչելի հաջողություններ է արձանագրել երկրի քաղաքական, սոցիալ-տնտեսական զարգացման և միջազգային ասպարեզում լայն ներկայացվածության ապահովման ուղղությամբ։ Եվ անվիճելի է Ձեր անձնական ներդրումն այս գործում։ Վստահ եմ, որ Հայաստանի և Ղազախստանի ժողովուրդների բարեկամության և փոխադարձ հարգանքի լավ ավանդույթները մշտապես ուղենիշ են լինելու միջպետական հարաբերությունների առաջընթացի համար թե՛ երկկողմ ձևաչափով, թե՛ ինտեգրացիոն միավորումների և միջազգային կազմակերպությունների շրջանակում։
Հարգելի Նուրսուլթան Աբիշի, Մաղթում եմ Ձեզ քաջառողջություն և բարեկեցություն, իսկ Ղազախստանի բոլոր քաղաքացիներին՝ խաղաղություն և բարգավաճում»:
