Մարդու իրավունքները Հայաստանում շարունակում են սիստեմատիկորեն խախտվել, ասվում է ամենամյա Իրավունքի երթի` Հայաստանում ԵԽ ներկայացուցչությանը հանձնվածուղերձում:
ՙՀամաձայն 2008 թվականից ձեւավորված ավանդույթի` Մարդու իրավունքների պաշտպանության միջազգային օրը՝ դեկտեմբերի 10-ին, Երեւանում կայանում է Իրավունքի երթ, որի մասնակիցները Հայաստանի հանրությանը եւ Եվրոպայի Խորհրդին են ներկայացնում ամենամյա հաշվետվություն` երկրում մարդու իրավունքների եւ ժողովրդավարական ազատությունների վիճակի մասին: Այդ մասին ասվում է այսօր՝ դեկտեմբերի 10-ին Ազատության հրապարակում Հայ ազգային կոնգրեսի նախաձեռնած երթի մանսակիցների ուղերձում, որի տեքստը հանձնվելու է Հայաստանում ԵԽ ներկայացուցչությանը:
«Բազմահազար երթի մասնակիցների անունից, որն արդեն ամենամյա վեցերորդ երթն է, ցանկանում ենք արձանագրել, որ մարդու իրավունքները շարունակում են սիստեմատիկորեն խախտվել:
Այսօրվա Հայաստանում ժողովուրդը չունի սեփական իշխանություն ընտրելու իրավունք: Հայաստանում շարունակում է գործել ընտրությունների կեղծման հսկայական մեքենա: Պետականորեն կազմակերպված ընտրաշառքի, ահաբեկման եւ բազմակի քվեարկողների շնորհիվ իշխանությունները ապահովում են ընտրակեղծիքի այնպիսի մի ծավալ, որ անհնար է դարձրել իշխանւթյան փոփոխությունը ընտրությունների միջոցով: 2013 թվականին կեղծվեցին նախագահական, Երեւանի ավագանու եւ ՏԻՄ ընտրությունները: Արդյունքում՝ երկրում ձեւավորվել է իշխանություն, որն ընտրված չէ ժողովրդի կողմից եւ հաշվետու չէ նրա առջեւ:
2008 թվականի մարտի 1-ին իշխանությունները արյան մեջ ճնշեցին ընտրակեղծիքների դեմ ժողովրդի ցասումը,կոպտորեն խախտեցին մարդու կյանքի իրավունքը, եւ առ այսօր նախադեպը չունեցող այդ հանցագործությունը բացահայտված չէ, ոչ ոք չի պատժվել սպանությունների կազմակերպման եւ իրագործման համար:
Յուրացնելով իշխանությունը ժողովրդից եւ ոտնահարելով մարդկանց հիմնարար սոցիալական իրավունքները՝ երկրի չընտրված պաշտոնյաները այն օգտագործում են ժողովրդի ունեզրկման եւ սեփական հարստացման նպատակով: Հանրային գերակա շահի պատրվակով շարունակվում են հարձակումները մասնավոր եւ հանրային սեփականության վրա՝ օտարված տարածքներում մերձավորներին ապօրինաբար արտոնելով շինարարություն: Օրեցօր հաստատվում են նորանոր հարկատեսակներ, տուգանքներ եւ պարտադիր վճարներ, որոնց առյուծի բաժինը հասնում է այդ իշխանությունների հովանավորած մասնավոր ընկերություններին:
Կոպտորեն խախտվում է ազատ մրցակցության սկզբունքը, եւ ճնշվում է ազատ տնտեսական նախաձեռնությունը, ինչի հետեւանքով Հայաստանը, համաձայն Համաշխարհայն Բանկի վերջին զեկույցի, դարձել է Արեւելյան Եվրոպայի եւ նախկին ԽՍՀՄ երկրների մեջ ամենամոնոպոլիզացված երկիրը: Մոնոպոլիզացիայի եւ կոռուպցիոն գործարքների պատճառով ձեւավորվել են տնտեսապես չհիմնավորված բարձր գներ հանրային տրանսպորտի, գազի եւ սպառման այլ ապրանքների համար:
Սերժ Սարգսյանի ռեժիմը շարունակում է վերահսկել եւ գրաքննության ենթարկել երկրի հեռուստատեսությունները՝ ոտնահարելով ազատ խոսքի եւ ազատորեն տեղեկություններ ստանալու` քաղաքացիների հիմնարար իրավունքը:
2013 թվականին քաղաքական եւ քաղաքացիական ակտիվիստները մի քանի տասնյակ անգամ ենթարկվել են հավաքների ազատության իրավունքի դեմ ուղղված ոստիկանական բռնությունների եւ իշխանության ավազակախմբերի հարձակումներին:
Կոչ ենք անում Հայաստանի քաղաքացիներին հետեւողականորեն պայքարել հիմնարար ժողովրդավարական իրավունքների համար եւ ժողովրդի հավաքական ուժով ազատվել բռնապետներից եւ հաստատել Հայաստանի ժողովրդի ազտությունը եւ ինքնիշխանությունը:
Կոչ ենք անում միջազգային հանրությանը, Եվրոպայի Խորհրդին եւ նրա Խորհրդարանական Վեհաժողովին`համերաշխություն ցույց տալ ազատության համար պայքարող հայ ժողովրդին եւ համարժեք միջոցներ կիրառել, որպեսզի Հայաստանի իշխանությունները կատարեն իրենց միջազգային պարտավորությունները ժողովրդավարության եւ մարդու իրավունքների պաշտպանության բնագավառում: Հանուն մարդու իրավունքների, հանուն ազատության եւ ժողովրդավարության՚,- ասվում է ուղերձում:
Political analyst: only way to change situation in Armenia is extraordinary parliamentary elections
Armenian general rules out any provocations on Armenian-Turkish border as long as Russian flag hoisted there 
Crossroads of Peace project divorced from reality 
Armenia could hardly join EU of recent years - Boris Navasardyan
Armenian authorities` actions evidence of country`s movement to elimination of statehood - expert 
May One procession to take place in Yerevan 
Tehran: foreign troops` presence in South Caucasus does not contribute to establishment of security, stability
Lavrov: Unilateral concessions by Armenian authorities make Armenia`s borders undefined
Armenia`s premier meets with residents of Berkaber
Rally in name of Armenian statehood starts in Voskepar 
No return to historical Armenia idea! Pashinyan calls on
Stark and unpleasant as it might be to the Washington establishment, that the best guarantors of Armenian security are Russia and Iran - The American Conservative
Armenian authorities` policy could affect country`s regional, international prospects - Russian MP
Armenia needs teams work of all active people - expert
Moscow "testing" its relations with Yerevan
Pashinyan: External forces also provoked main force organizing ethnic cleansing in Karabakh
Our political force will follow path of institutional solutions - ex-mayor of Yerevan 
Large-scale events planned in April - Pashinyan
Armenian people has to choose between war or premier`s resignation
EU increases humanitarian aid to displaced Karabakh Armenians with EUR 5.5 million
