Հայաստանի
հաղորդակցությունների շուկայում ԱրմենՏել-ի, ՎիվաՍելի-ի, Ռոստելեկոմի, Յուկոմի և նման համեմատաբար խոշոր խաղացողներից
բացի տեղ է մնում նաև ՓՄՁ բիզնեսի ներկայացուցիչների համար: Հատկապես կարևոր է, որ
նրանցից շատերն աշխատում են մարզերում, իրենց գործունեությամբ փակելով այն
«բացերը», որոնք արդյունավետության տեսանկյունից այնքան էլ չեն հետաքրքրում
խոշորներին: Նման ընկերություններից է Արմավիրի մարզում գործող «Արփինետ» փրովայդերական
ընկերությունը, որը հանդիսանում է դեպի հաճախորդները կողմնորոշում ունեցող
ընկերությա վառ օրինակ, տրամադրում է ինտերնետ ծառայություններ և պատրաստվում է
դուրս գալ նաև IP-հեռուստատեսության հատված:
Այն մասին, թե ինչպես է
զարգանում մարզային փրովայդերական բիզնեսը, ինչ պպրոբլեմներ ունի և ինչպիսին են
ապագայի պլանները, ԱրմԻնֆո գործակալության թղթակցի հետ զրույցում պատմում է
«Արփինետ» ՍՊԸ տնօրեն Արմեն Մուրադյանը:
Խնդրեմ մի քանի խոսք Ձեր ընկերության մասին. Ե՞րբ
է այն ստեղծվել, ո՞ր ոլորտում եք աշխատում և ինչպիսի՞ ծառայություններ եք
առաջարկում քաղաքացիներին:
«Արփինետ» ընկերությունն
ստեղծվել է 2007 թվականին, գործում է հեռահաղորդակցության ոլորտում, ֆիզիկական և
իրավաբանական անձանց տրամադրելով սիմետրիկ ինտերնետ և IP-հեռուստատեսություն: 2007
թվականին մենք սկսեցինք ինտերնետ տրամնադրել Էջմիածինում արձագանքելով նաև մերձակա
գյուղերի բնակիչների պահանջարկին: 2008 թվականին փաստորեն սկսեցինք ինտերնետ
տրամադրել գյուղերին: 2011 թվականին մեր ընկերությունն ամբողջովին վերահագեցրեց իր
ենթակառուցվածքները, ինչի արդյունքում, մեր ծառայություններից սկսեցին օգտվել նաև
Մեծամոր և Արմավիր քաղաքների և մերձակա գյուղերի բնակիչները: Զարգանալով, մենք
կարողացանք մասնաճյուղեր բացել որոշ գյուղերում և քաղաքատիպ ավաններում:
Հե՞շտ է արդյոք գոյատևելը շուկայում, որտեղ
հեռահաղորդակցությունների ոլորտը բավականին լավ է զարգացած, անգամ եվրոպական որոշ
երկրների համեմատ: Եվ չե՞ք վախենում, որ կարող եք «կուլ գնալ» որևէ ավելի ուժեղ
գլոբալ մրցակցի:
Մեր ընկերությունն
աշխատում է շուկայի այն նիշաներում, որոնց գիգանտներն ուշադրություն չեն դարձնում,
իսկ եթե անգամ դարձնում են, ապա այդ հատվածներում առանձնապես ներդրումներ չեն
անում, քանի որ`«խաղը ծախսին չարժե»: Սակայն, կցանկանայի ընդգծել, որ, օրինակ,
Մեծամոր և Արմավիր քաղաքներում մենք միակը չենք, այնտեղ իր ծառայություններն է
առաջարկում նաև Ռոստելեկոմ ընկերությունը, իսկ Էջմիածին քաղաքում մեզնից բացի
իրենց ինտերնետային գործունեությունն են զարգացնումԲիլայնը, Օրանժը, ՎիվաՍելը:
Բայց մենք ինտերնետը, հիմնականում, տրամադրում ենք օպտիկա-մանրաթելային մալուխով,
1 Գբիտ/վրկ թողունակությամբ, իսկ նրանք տրամադրում են 3G և ADSL ինտերնետ ծառայություններ:
Կցանկանայի Ձեր
ուշադրությունը հրավիրել մի շատ կարևոր հանգամանքի վրա, որ «Արփինետը» Հայաստանի միակ
ընկերությունն է, որը օպտիկա-մանրաթելային ինտերնետ է տրամադրում գյուղերում: Մեր
ցանցն ընդգրկում է Արգավանդից մինչև Քարակերտ տարածքի հաճախորդներին: Ծաղկունք,
Սահամար, Արշալույս, Ծաղկալանջ բնակավայրերը վերջերս ապահովվեցին
օպտիկա-մանրաթելային ինտերնետով, իսկ մինչ այդ ապահովվել էին Փարաթար, Մուսալեռ,
Պտղունք, Լուսագյուղ և մի շարք այլ բնակավայրեր:
Բայց նման մասշտաբային գործունեություն
ծավալելու և ոլորտը զարգացնելու համար մեծ ներդրումներ են պահանջվում:
Այո, Դուք իրավացի եք, ինչպես
ցանկացած բիզնես, մենք նույնպես ներդրումների կարիք ունեինք: Իսկ ադ ներդրողը, կամ
մեր բիզնեսի զարգացման լծակը, հանդիսացավ Աամերիաբանկը, որը շատ ճկուն գտնվեց այդ
առումով, իր ծառայույթունները տրամադրելով շատ ավելի հարմարավետ պայմաններով: Այդ
աջակցության շնորհիվ մենք հնարավորություն ենք ստանում արդեն փոքր բիզնեսից
վերածվելու միջին բիզնեսի: Բազմաթիվ անգամներ վարկավորելով մեզ, բանկը
հնարավորություն տվեց աճել, զարգացնել և կատարելագործել մեր գործունեությունը, իսկ
արդյունքում, մենք հասանք ներկայիս վիճակին` ստեղծեցինք ու զարգացրեցինք ցանցը,
ձեռնամուխ եղանք IP-հեռուստատեսության գործարկմանը, որն իր նմանը չունի
տարածաշրջանում: Վերջին պրոդուկտի յուրահատկոթյունը կայանում է նրանում, որ
ունենալով BOX (սարք), հաճախորդը կարող է անգամ հին հեռուստացույցով միանալ
ինտերնետին: Շփումներ սոցիալական ցանցերում, արտարժույթների փոխարժեքներ, եղանակ,
ինֆորմացիոն և տեսապորտալներ, Skype, խաղեր և գրքեր, ինչպես նաև ինտերնետի
ցանկացած այլ հնարավորություններ արդեն ինտեգրված են մեր Arpinet IPTV box-ում: Այդ սարքն աշխատում է Android համակարգով, որին
միանում է նաև տեսախցիկը, ստեղնաշարն ու մկնիկը, ինչպես նաև ներդրված են
IP-հեռուստատեսության բոլոր ալիքները: BOX-ը գործարկված է «ամեն բան միացված է»
ձևաչափով: Մեզ հետ մեկ տարով պայմանագիր կնքելու դեպքում այդ սարքը հաճախորդին
տրամադրվում է անվճար: Ներկայումս այդ տեխնոլոգիան Մեծամոր քաղաքում գործում է
թեստային ռեժիմով: Մենք արդեն կապվել ենք մեր գործընկերների հետ և մինչև Նոր տարի
կստանանք մեծ քանակով սարքավորումներ, ինչի շնորհիվ կկարողանանք այդ
ծառայությունով ապահովել բոլոր ցանկացողներին:
Հաջողակ և զարգացող ընկերույթուն լինելու համար
անհրաժեշտ է ունենալ մրցակցային առավելություններ: Ինչոմն է կայաում Ձեր
ընկերության «հրապույրը»:
Եթե արտահայտվենք ըստ
բանաձևի, ապա դա կունենա հետևյալ տեսքը` «արագություն-որակ-գին»: Մենք տրամադրում
ենք ոչ միայն գերարագ ինտերնետ, որն իր որակով չի զիջում մյուս ընկերություններին:
Մենք նաև մշտական կապի մեջ ենք մեր հաճախորդների հետ, որն ապահովում է Call
Center-ը, աշխատելով 24/7 ռեժիմով: Իսկ մեր ընկերության ամենագլխավոր
առավելություններից մեկն էլ բացարձակապես անվճար սպասարկումն է: Բիզնեսի վարման
մեր տեսլականն ամբողջովին հաճախորդակողմնորոշված է: Մենք ունենք բազմաթիվ
մարկետինգյին ակցիաներ, որոնք արդեն մեկ տարուց ավելի է, ինչ կիրառում ենք մեր ընկերության հաճախորդների
համար: Այսինքն, դրանով մենք ոչ միայն պահում ենք հաճախորդներին, այլ փորձում ենք
նրանց դարձնել առավելագույնս լոյալ: Մշտական հաճախորդների համար մենք ունենք
բոնուսային համակարգ, ինտերնետի արագության ավելացման տեսքով, ինչպես նաև նրանց
նոր ծառայություններ ենք տրամադրում ավելի ցածր սակագներով և այլն:
Ինչպես հայտնի, բիզնեսը չի կարող «տեղում
դոփել», և Դուք պետք է ընդլայնեք տրամադրվող ծառայությունների ծածկույթը,
ավելացնելով նաև հաճախորդների բազան, որպեսզի ի վիճակի լինեք դիմանալ մրցակցությանը:
Ունե՞ք արդյոք այս առումով ինչ-որ հստակ պլաններ:
Հասկանում եք, գյուղերում
նյութական վիճակը ամենալավագույնը չէ, հետևաբար, ոչ բոլոր գյուղացիներն են ի
վիճակի ռուսալեզու թվային հեռուստաալիքներին միանալու համար վճարել էական
գումարներ: Եվ վերլուծելով այդ ամենը, մեր պլաներում նախատեսվում է Արմավիրի մարզի
բոլոր գյուղերին ապահովել ոչ միայն գերարագ ինտերնետով (մինչև 1 ԳԲիտ/վրկ.), այլ
նաև IP-հեռուստատեսությունով, որի տրմադրման լիցենզիան մենք ստացել ենք 2013
թվականին: Այս նախագիծը մենք կարող են իրականացնել, ի դեպ, Ամերիաբանկի վարկի
շնորհիվ, որի ստացումը նախատեսվում է 2014 թվականի գարնանը:
Քիչ չեն դեպքերը, երբ որևէ ուղղությամբ
մասնագիտացող ընկերոթյունը զբաղվել է նաև հարակից գործունեությամբ: Դուք ունե՞ք
նման գործունեության փորձ:
Այո, և այդ հարակից
ուղղությունը համակարգչային տեխնիկայի խանութներն են: Եվ եթե հաճախորդը գնում է
համակարգիչ, նոթբուք կամ պլանշետ, կամ մեզ հետ կնքում է մեկ տարվա
ինտերնետ-պայմանագիր, ապա մենք նրան տրամադրում ենք 3 ամիս անվճար ինտերնետ, իսկ
ամսկան պայմանագրի դեպքում տրամադրվումն է մեկ ամսով անվճար ինտերնետ:
Առայժմ օն-լայն խանութը չի
աշխատում, բայց բացումը նախատեսվում է հաջորդ տարի: Մենք ունենք 6 գրասենյակ,
որոնց միջոցով տրամադրում ենք ոչ միայն ինտերնետ-ծառայություններ, այլ նաև
վաճառում ենք համակարգիչներ: Երբ օն-լայն խանութն աշխատի, ապա հաճախորդն ընտրելով
իրեն համար ապրանքը, այն անիմաջապես ստանում է, ընդ որում, առաքումով, որը,
ամենայն հաանականությամբ, կլինի անվճար:
Այժմ մենք զարգացնում ենք
մեր մեկ այլ պրոդուկտը, օն-լան կինոթատրոնը` www.arm-tube.am: Ի դեպ, դա հավանաբար միակ տեսահոստինգն է Հայաստանում, այսինքն, այն
միացված է am գոտուն, և եթե ինչ-ինչ պատճառներով ինտերնետ կապը Հայաստանում
խախտվել է, ապա օգտատերը կարող է շարունակել ֆիլմերի դիտումը: Մենք նախատեսում ենք
մեր քեշ-սերվերները տեղաբաշխել տարբեր փրովայդերների մոտ, ինչն ավելի կարագացնի մեր
տեսահոստինգի գործունեությունը, ապահովելով կայունություն: Ի դեպ, դա աշխատող միակ
պրոդուկտն է, որի շրջանակներում փորձում ենք հմագործակցել բոլոր հեղինակների հետ,
այսինքն, ֆիլմեր արտադրող ընկերությունների հետ: Սառույցը ճաքեց, օրինակներն արդեն
առկա են, և դրանք Poker.am-ի և Հոբելյանական գովազդի ֆիլմերն են: Ֆիլմերի դիտումը
կարող է իրականացվել անվճար հիմքերով, գովազդի առկայության դեպքում, ինչպես նաև
վճարով` առանց գովազդի: Վճարներն իրականացվում են տեղական Idram և ArCa և միջազգային MasterCard,
Visa, PayPal, WebMoney և այլ վճարային համակարգերի միջոցով:
Երկրի տնտեսական դժվարին իրավիճակի պատճառով շատերն են վաստակելու նպատակով
մեկնում արտասահման: Ազգականների միջև կապի մեթոդներից մեկը, որը կարող են
ապահովել ժամանակակից տեղեկատվական տեխնոլոգիաները, դա վիդեո և աուդիո զանգերի
ծրագրերն են (օրինակ, Skype): Իսկ դա բերում է նրան, որ գոյանում է մարդկանց մի
այնպիսի կատեգորիա, որոնց ինտերնետն անհրաժեշտ է բացառապես այդ նպատակով:
Դուք լիովին ճիշտ եք: Վերջերս մենք մոնիտորինգ
անցկացրինք, ինչի արդյունքում բացահայտվեցին այնպիսի անձինք, որոնք ինտերնետն
օգտագործում են միայն այդ նպատակով: Եվ այժմ աշխատում ենք նման ոչ թանկարժեք
պրոդուկտ ստեղծելու ուղղությամբ:
Որքանով ինձ հայտնի է, ֆիզիկական և իրավաբանական անձանց Դուք տրամադրում եք
սիմետրիկ ինտերնետ և IP-հեռուստատեսություն: Որքա՞ն է դրանցից յուրաքանչյուրի
մասնաբաժինը հաճախորդների ընդհանուր բազայում:
Սպառողների մեծամասնությունը ֆիզիկական անձինքն են:
Բոլորին է հատնի, որ աշխատավարձերը և ապրանքների գները տարբերվում են
քաղաքներում և գյուղերում:
Ներկայումս ակտիվ աշխատանքներ են տարվում գյուղական
շրջաններին օպտիկա-մանրաթելային ինտերնետով ապահովելու ուղղությամբ, ինչի
կապակցությամբ էլ գները գյուղերում, որտես ինտերնետին միացումն պահովված է
օպտիկա-մանրաթելային մալուխով, նույնն են, ինչ քաղաքներում: Սակայն, կան շրջաններ,
որտեղ կապը տրամադրվում է միայն ռադիոմոդեմներով և այդ վայրերում միացման սակագինը
զգալիորեն ցածր է, բայց մենք գնային նույն քաղաքականությունն ենք իրականացնում,
ինչ քաղաքում:
Կան մրցակցության բազմաթիվ մեթոդներ, սկսած սովորոկան դեմպինգից և
վերջացրած զանազան հնարքներով: Ինչպիսի՞ գործիքներ եք կիրառում ձեր
ծառայությունների մրցունակությունն ապահովելու համար:
Մրցակցության առումով ասեմ, որ մենք կատեգորիկ դեմ ենք
դեմպինգին: Դրա համար էլ մեր նվազագույն սակագինը կազմում է 6 հազ.դրամ: Մենք
մրցակցում ենք միայն ինտերնետ-կապի և սպասարկման որակը բարձրացնելու միջոցով:
Դուք ունե՞ք գներն իջեցնելու հնարավորություն:
Ինտերնետ-կապի գները ձևավորվում են ոչ մեր կողմից, այլ
կախված են Հայաստան ներմուծվող ինտերնետի գներից: Եվ եթե այն նվազի, ապա մենք էլ
կնվազեցնենք մեր սակագները:
Իսկ առայժմ մենք փորձում ենք գները պահպանել նախկին
մակարդակին, ինչի արդյունքում էլ մեր բիզնեսի եկամտաբերությունը կազմում է 10-15%:
Չե՞ն լինում արդյոք ինտերնետ-կապի խափանումներ, և ի՞նչ միջոցներ է
ձեռնարկում ընկերությունը նման բաներից խուսաելու համար:
2011 թվականին առաջին անգամ Էջմիածնում տեղադրվեց
օպտիկա-մանրաթելային կապ, երկաթգծի երկայնքով: Դրանում մեզ օգնեց «ՋԻԷՆՍԻ-ԱԼՖԱ»
ընկերությունը: Հետագա 2012-ին մենք օգտագործեցինք նաև երկրորդ գիծը, որը
տեղադրվել էր Երևան - Էջմիածին ավտոմայրուղու երկայնքով: Արդյունքում, մենք ունեցանք
խափանումների ռիսկերը նվազեցնելու հնարավորություն: Սակայն, անհնար է երբեք
չունենալ խափանումներ և անսարքություններ, քանի որ գործ ունենք տեխնիկայի հետ: Հատկապես
նման դեպքերի համար էլ մեր պայմանագիրը նախատեսում է մի կետ, որի համաձայն`ինտերնետ-կապի
բացակայությունն ամսվա 2 և ավելի օրերի ընթացքում մեր ընկերոթյան կողմից
փոխհատուցվում է անվճար ինտերնետ օրերի տրամադրումով, որպես «տուժանք»: