ԱԻՆ-ը նախազգուշացնում է ուլտրամանուշակագույն ճառագայթման մակարդակի բարձրացման մասին

Արմինֆո.  ԱԻՆ-ը նախազգուշացնում է, որ առաջիկա օրերին ուլտրամանուշակագույն ճառագայթման ինտենսիվությունը սպասվում է նորմայից բարձր: Խորհուրդ է տրվում ժամը 11:00-ից 17:00-ն ընկած ժամանակահատվածում խուսափել արևի ճառագայթներից:

ԱԻՆ մամուլի ծառայությունը հաղորդում է, որ Հայաստանի տարածքում հուլիսի 1-ի ցերեկը, 4-5-ն առանձին շրջաններում սպասվում է կարճատև անձրև և ամպրոպ, ամպրոպի ժամանակ` քամու ուժգնացում՝ 20-25 մ/վ: Առանձին վայրերում հնարավոր է նաև կարկուտ: Հուլիսի 2-3-ը, 6-ին  սպասվում է առանց տեղումների եղանակ: Քամին՝ հյուսիս-արևելյան՝ 3-8 մ/վ:  Օդի ջերմաստիճանը  հուլիսի 1-ին կնվազի 5-6 աստիճանով,  հուլիսի 2-4-ը նույնքան կբարձրանա:

Երևանում հուլիսի 1-ի ցերեկը քաղաքի առանձին հատվածներում սպասվում է կարճատև անձրև և ամպրոպ, ամպրոպի ժամանակ սպասվում է քամու ուժգնացում՝ 18-20 մ/վ: Հուլիսի  2-6-ը սպասվում է առանց տեղումների եղանակ: