Արմինֆո.Օպերային թատրոնի մոտ ոստիկանական ուժերի կուտակումը պայմանավորված է Վերակառուցման և զարգացման եվրոպական բանկի միջոցառմանը ժամանած շուրջ 2 հազար հյուրերի անվտանգությունն ապահովելու անհրաժեշտությամբ: Այդ մասին մայիսի 15-ին լրագրողներին հաղորդել է ՀՀ ոստիկանապետ, ներքին գործերի փոխնախարար Արամ Հովհաննիսյանը։

Արմինֆո. Շատ շուտով մենք նույն սեղանի շուրջ կնստենք Հայաստանի բոլոր քաղաքական ուժերի հետ ՝ անկախ նրանց դիրքորոշումից, գաղափարախոսությունից ։ Այդ մասին, այսօր ՝ մայիսի 15-ին, բողոքի ակցիայի ժամանակ հայտարարել է ՀԱԵ Տավուշի թեմի առաջնորդ, "Տավուշը հանուն հայրենիքի" շարժման առաջնորդ Բագրատ Սրբազանը։

Արմինֆո. Ս.թ. մայիսի 15-ին կայացել է Ղազախստանում Հայաստանի դեսպան Արմեն Ղևոնդյանի հանդիպումը «Հայաստան-Ղազախստան» պատգամավորական բարեկամական խմբի՝ Ղազախստանի Խորհրդարանի Սենատի մասով ղեկավար, Սենատի սոցիալ-տնտեսական զարգացման և գիտության հանձնաժողովի նախագահ Նուրտորե Ժուսիպի հետ։

Արմինֆո.Երևանում ինչ-որ անսովոր բան է կատարվում. ոստիկանությունը բողոքի շարժման մասնակիցների փոխարեն ինքն է փակում փողոցները: Այդ մասին "Տավուշը հանուն հայրենիքի" շարժման հանրահավաքում հայտարարել է շարժման առաջնորդ, ՀԱԵ Տավուշի թեմի առաջնորդ Բագրատ արքեպիսկոպոս Գալստանյանը։

Արմինֆո. Երևանի պետական համալսարանը հերքել է տելեգրամյան ալիքներում և մի շարք ընդդիմադիր ԶԼՄ - ներում տարածված վարչապետ Նիկոլ Փաշինյանի հրաժարականի պահանջով հայտարարությունը, որը ստորագրել են ԵՊՀ  50-ից ավելի դասախոսներ:

Արմինֆո.Օպերայի և բալետի ազգային թատրոնի շենքի մոտ, որտեղ մայիսի 15-ին մեկնարկելու է Վերակառուցման և զարգացման եվրոպական բանկի միջազգային համաժողովը, ոստիկանական ուժեղացված ջոկատներ են բերվել: Իրավապահ մարմինների կուտակումներից կարելի է եզրակացնել, որ Ազատության հրապարակի տարածքում հասարակական կարգի պահպանության գործում ներգրավված են, գործնականում, իրավակարգի  բոլոր ուժերը, այդ թվում ՝ Երևանի հարակից շրջաններից:

Արմինֆո. Հայաստանում հարցվածների 30.6%-ը վարչապետի պաշտոնից Նիկոլ Փաշինյանի հրաժարականը համարում է իշխանությունից նրան հեռացնելու միակ ճանապարհը: Այդ մասին են վկայում MPG խորհրդատվական ընկերության "Առաջնորդում" խորագրով հարցման արդյունքները։

Արմինֆո.Վերակառուցման և զարգացման եվրոպական բանկի (ՎԶԵԲ) 33-րդ գործարար համաժողովի շրջանակներում Արդշինբանկ ՓԲԸ-ն և FMO ձեռներեցության զարգացման հոլանդական բանկը կնքել են 20 մլն․ ԱՄՆ դոլարի վարկային պորտֆելի երաշխիքի պայմանագիր 7 տարի ժամկետով։

Արմինֆո. Հայաստանում հարցվածների կեսից ավելին դրական է գնահատում ՀԱԵ Տավուշի թեմի առաջնորդ Գերաշնորհ Տ. Բագրատ արքեպիսկոպոս Գալստանյանի նախաձեռնած "Տավուշը հանուն հայրենիքի" շարժումը: Այդ մասին են վկայում MPG խորհրդատվական ընկերության "Առաջնորդում" խորագրով հարցման արդյունքները։

Արմինֆո. Մայիսի 14-15-ը ՀՀ պաշտպանության նախարարության պատվիրակությունը՝ պաշտպանության նախարարի տեղակալ Կարեն Բրուտյանի գլխավորությամբ, Սլովակիայի պաշտպանության նախարարության հրավերով Բրատիսլավայում մասնակցել է IDEB-2024 պաշտպանական ցուցահանդեսին։

Արմինֆո.Հայրենական մեծ պատերազմի հուշարձանների պղծումն անթույլատրելի է, որտեղ էլ որ դրանք լինեն։ Այդ մասին մայիսի 15-ին ամենշաբաթյա ճեպազրույցի ժամանակ հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան՝ մեկնաբանելով Ադրբեջանի կողմից օկուպացված Արցախում օրերս Երկրորդ համաշխարհային պատերազմի հերթական հուշարձանի ոչնչացման մասին լուրերը։

Արմինֆո. Մոսկվայում շատ շահարկումներ են տեսնում մայիսի 8-ին Մոսկվայում Հայաստանի և Ռուսաստանի ղեկավարների հանդիպման առնչությամբ։ Այդ մասին մայիսի 15-ին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան ՝ ի պատասխան ճշտման, թե արդյոք կարելի է ենթադրել, որ Մոսկվան Փաշինյանին առաջարկել է ամբողջությամբ դուրս բերել ռուսական զորքերը ՀՀ-ից ։

Արմինֆո. ՀՀ նախագահ Վահագն Խաչատրյանի հրամանագրով Սամվել Մինասյանը նշանակվել է տարածքային պաշտպանության զորքերի հրամանատար: Այդ մասին տեղեկանում ենք հանրապետության նախագահի կայքից։

Արմինֆո.2021 թվականի նոյեմբեր և դեկտեմբեր ամիսների ընթացքում IDBank-ի և Իդրամ ընկերության համատեղ «Մի դրամի ուժը» նախաձեռնության շրջանակում կուտակված ողջ գումարը՝ 9․328․753 ՀՀ դրամ, փոխանցվել էր «Դասավանդի՛ր, Հայաստան» կրթական հիմնադրամին՝ ուղղվելով Nation Builder ծրագրին։ Արդյունքում Արագածոտնի մարզի երկու դպրոցում երկու տարի շարունակ անցկացվել է փոփոխությունների վրա հիմնված կրթություն։ Բանկի և Իդրամի աշխատակիցներն այցելել էին Արագածոտնի մարզի Մելիքգյուղի դպրոց՝ տեղում ամփոփելու համագործակցության արդյունքները։

Արմինֆո. Ռ. Յոլյանի անվան արյունաբանական կենտրոնի տնօրեն Սամվել Դանիելյանն ազատվել է զբաղեցրած պաշտոնից: Այդ մասին ֆեյսբուքյան իր էջում գրել է կենտրոնի բժիշկ Գևորգ Թամամյանը, ով ազատման դիմում է ներկայացրել:

Արմինֆո. Ա.Սպենդիարյանի անվան օպերայի և բալետի ազգային ակադեմիական թատրոնի շենքում Վերակառուցման և զարգացման եվրոպական բանկի (ՎԶԵԲ) միջազգային համաժողովի շրջանակում կազմակերպված միջոցառման առնչությամբ ՀՀ ֆինանսների նախարարության կողմից ստացված դիմումի հիման վրա Ոստիկանությունը փակելու է Օպերայի թատրոնի շենքին հարակից փողոցները՝ հասարակական կարգի և անվտանգության ապահովման նպատակով:

Արմինֆո.Երեկ գիշեր ՀՀ ոստիկանությունը ձերբակալել է «Ազատազէն» ԿՀԿ համահիմնադիր, խորհրդի անդամ Իշխան Գևորգյանին և ևս 4 ընկերների՝ ապօրինի հրազեն, պայթուցիկ նյութեր, պայթեցման սարքերի ձեռք բերման և տեղափոխման կասկածանքով: Այդ մասին ասվում է «Ազատազէն» կրթական հասարակական կազմակերպության ֆեյսբուքյան էջում զետեղված հայտարարությունում:

Արմինֆո.ՎՏԲ-Հայաստան Բանկի ֆիզիկական անձ հաճախորդները կարող են Ռուսաստանից դրամական փոխանցումներ ստանալ հեռախոսահամարով: Ծառայությունը հասանելի է Unistream համակարգի միջոցով բջջային հավելվածում և Unistream Բանկի մասնաճյուղերում։ Միջոցները մուտքագրվում են անմիջապես ստացողի հաշվին կամ քարտին՝ ազգային արժույթով:

Արմինֆո. Ռուսաստանի խաղաղապահներն արել են գլխավորը, ինչի մասին պետք չէ մոռանալ. նրանք խաղաղություն և կայունություն են բերել հակամարտության տարածաշրջան: Այդ մասին հայտարարել է ՌԴ փոխարտգործնախարար Միխայիլ Գալուզինը NEWS.ru-ի հարցազրույցում՝ անդրադառնալով Արցախում ՌԽԶ-ի դերին։

Արմինֆո.Ողջունում ենք մայիսի 10-ին և 11-ին Ալմաթիում Ադրբեջանի և Հայաստանի արտաքին գործերի նախարարների ՝ խաղաղության պայմանագրի շուրջ բանակցությունների անցկացումը ։ Եվս մեկ քայլ է արվել Հարավային Կովկասում հուսալի և երկարատև խաղաղության ու կայունության հասնելու ուղղությամբ։ Այդ մասին հայտարարել է ՌԴ փոխարտգործնախարար Միխայիլ Գալուզինը NEWS.ru  հարցազրույցում ՝ ի պատասխան հայ-ադրբեջանական կարգավորման համար նոր բանակցային հարթակ դառնալու Աստանայի հեռանկարներին գնահատական տալու խնդրանքին: