Արմինֆո.Հ. Պարոնյանի անվան երաժշտական կոմեդիայի պետական թատրոնում ՎՏԲ-Հայաստան Բանկի աջակցությամբ տեղի ունեցավ համերգ՝ նվիրված Շառլ Ազնավուրի հարյուրամյակին։ Ծրագրում ընդգրկված էին արտիստի երգացանկի լավագույն ստեղծագործությունները՝ «OG» վոկալային խմբի մեներգչուհիների կատարմամբ:

Արմինֆո. Մայիսի վերջը Երևանում կնշանավորվի Եվրոպական կինոյի փառատոնի բացմամբ: ԵՄ հայաստանյան առաքելության հաղորդագրության համաձայն, փառատոնը կանցկացվի "Եվրոպայի օրվան" նվիրված միջոցառումների շրջանակում:

Արմինֆո. Վարչապետի աշխատակազմի ղեկավար Արայիկ Հարությունյանն ընդունել է Հայաստանում Ֆրանսիայի արտակարգ և լիազոր դեսպան Օլիվյե Դեկոտինիին:

Արմինֆո.Ազգային ժողովը մայիսի 21-ի լիագումար նիստում քննարկում է Սահմանադրական դատարանի անդամի թեկնածությունը:

Արմինֆո.Այս օրերին Հայաստանի տարբեր դպրոցների առաջին դասարանցիները նշում են Այբբենարանի տոնը: Բարձր տրամադրությամբ, սակայն մի քիչ հուզված՝ մայիսի 21-ին նշեցին իրենց հանդեսը Կ. Զարյանի անվան թիվ 117 հիմնական դպրոցի առաջին "Բ" դասարանի աշակերտները: 

Արմինֆո. Հայաստանի հետ սահմանի սահմանագծման և սահմանազատման գործընթացի վերաբերյալ Ադրբեջանի նախագահի հայտարարություններն ուղղված են ներքին լսարանին։ Մայիսի 21-ին լրագրողներին նման կարծիք է հայտնել ՀՀ Ազգային ժողովի նախագահ Ալեն Սիմոնյանը։

Արմինֆո.Շրջանառության հարկի համակարգը վերանայելու և փաստաբանների հարկային բեռը բարձրացնելու Հայաստանի իշխանությունների նախաձեռնությունն, առաջին հերթին, հարվածում է շարքային քաղաքացիներին։ Այդ մասին մայիսի 21-ին մամուլի ասուլիսի ժամանակ հայտարարել է Փաստաբանների պալատի նախագահ Սիմոն Բաբայանը՝ անդրադառնալով ՀՀ հարկային օրենսգրքում Ֆինանսների նախարարության առաջարկած փոփոխություններին։

Արմինֆո.Արցախի  մարդու իրավունքների պաշտպան Գեղամ Ստեփանյանն արձագանքել է Ոստիկանության Տավուշի մարզային վարչության պետ, գնդապետ Արթուր Մկրտչյանի ՝ արցախցի լրագրողի հասցեին հնչեցրած հարձակումներին:

Արմինֆո. Հայաստանում մասնավոր ընկերություններում բաժնետոմսեր ունեցող պաշտոնյաները պետք է հավատարմագրային կառավարման հանձնեն միայն պրոֆիլային խորհրդատվական ընկերություններին։ ՀՀ Ազգային ժողովը մայիսի 21-ի լիագումար նիստում երկրորդ եւ վերջնական ընթերցմամբ քննարկում է "Հանրային ծառայության մասին" օրենքում եւ հարակից օրենքների փաթեթում կատարված փոփոխությունները:

Արմինֆո.«Խորհրդարանական հարթակում մեր երկու հանձնաժողովներն իրենց աշխատանքով շատ լավ օրինակ են», - ասել է ՀՀ ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահ Սիսակ Գաբրիելյանը՝ ողջունելով Վրաստանի խորհրդարանի մշակույթի հանձնաժողովի նախագահ Էլիսո Բոլքվաձեի գլխավորած պատվիրակությանը: ԱԺ հաղորդագրության համաձայն, հանդիպումը տեղի է ունեցել մայիսի 20-ին, որին մասնակցել են հանձնաժողովի փոխնախագահ Թագուհի Ղազարյանը, հանձնաժողովի անդամներ Հասմիկ Հակոբյանը, Հակոբ Ասլանյանը եւ Նարեկ Բաբայանը, Հայաստանում Վրաստանի արտակարգ եւ լիազոր դեսպան Գիորգի Շարվաշիձեն:

Արմինֆո.Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Ադրբեջանի նախագահ Իլհամ Ալիևի հետ:

Արմինֆո. Հունիսի 2-5-ը Թումանյանի անվան զբոսայգում կկայանա «Երևանի բալետային փառատոն» նախագիծը: Այդ մասին ասվում է Երեւանի  քաղաքապետարանի   հաղորդագրությունում:

Արմինֆո.Մայիսի 20-ին Վիեննայում ՀՀ ԱԳ նախարար Արարատ Միրզոյանը հանդիպում է ունեցել Միջուկային փորձարկումների համապարփակ արգելման պայմանագրի կազմակերպության գործադիր քարտուղար Ռոբերտ Ֆլոյդի հետ:

Արմինֆո.Ակբա բանկը և Գերմանիայի բնության պահպանության միության (NABU) հայաստանյան մասնաճյուղը մեկնարկում են «Օրգանական գյուղատնտեսության զարգացման» 2024-2025թթ. անվճար ծրագիրը:

Արմինֆո.Ամերիաբանկն արժանացել է միջազգային ֆինանսական հաստատությունների չորս հեղինակավոր մրցանակի առևտրի ֆինանսավորման ոլորտում: Առևտրի խթանման ծրագրի վերջին մրցանակաբաշխության ժամանակ Վերակառուցման և զարգացման եվրոպական բանկն (ՎԶԵԲ) Ամերիաբանկին շնորհել է «Արտահանման ոլորտում տարվա գործարք 2023», «Վերականգնվող էներգետիկայի ոլորտում տարվա գործարք 2023» մրցանակները և պարգևատրել Հայաստանում կլիմայի փոփոխության կանխարգելման ու անցումային պլանավորման ծրագիրն ավարտելու առթիվ:

Արմինֆո.Լենինականի սահմանապահ ջոկատի հարյուրամյակը նշանակալի իրադարձություն է, և՝ ոչ միայն տարիների քանակի տեսանկյունից, այլ նաև այն պատճառով, որ այն նման միջանկյալ արդյունք է տալիս այս ջոկատի կարևոր, փառահեղ ճանապարհին, որը ստեղծվել է 1924 թվականին: Այդ մասին հայտարարել է Հայաստանում Ռուսաստանի դեսպան Սերգեյ Կոպիրկինը՝ մայիսի 20-ին Լենինականի սահմանապահ ջոկատի 100-ամյակին նվիրված միջոցառման ժամանակ լրագրողների հետ զրույցում։

Արմինֆո. Բոլորը ցնցված են Իրանի նախագահ Իբրահիմ Ռաիսիին տեղափոխող ուղղաթիռի կործանումից։ Այդ մասին մայիսի 20-ին Լենինականի սահմանապահ ջոկատի 100-ամյակին նվիրված միջոցառման ժամանակ լրագրողների հետ զրույցում հայտարարել է Հայաստանում Ռուսաստանի դեսպան Սերգեյ Կոպիրկինը ։

Արմինֆո. Վարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել է Հայաստանի ժողովրդագրական ռազմավարության նախագիծը: Այդ մասին հաղորդել է կառավարության մամուլի ծառայությունը:

Արմինֆո. Սահմանազատման գործընթացի վերաբերյալ սահմանադրագետի պնդումները մոլորեցնող են. Արդարադատության նախարարությունը հակափաստարկներ է ներկայացնում:

Արմինֆո. Հայաստանի Ազգային ժողովի փոխնախագահ, Հայաստան-Վրաստան բարեկամական խմբի ղեկավար Ռուբեն Ռուբինյանը մայիսի 20-ին ընդունել է Վրաստանի խորհրդարանի մշակույթի հանձնաժողովի նախագահ Էլիսո Բոլքվաձեի գլխավորած պատվիրակությանը: ԱԺ հաղորդագրության համաձայն, հանդիպմանը ներկա է եղել ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահ Սիսակ Գաբրիելյանը: