Այս օրերին զանգվածային որոշ լրատվամիջոցներում կասկածներ են հնչեցվում Վրաստանում կարմրուկի բռնկման առկայության վերաբերյալ: Նույն տրամաբանությամբ կարմրուկից զգուշանալու վերաբերյալ ՀՀ առողջապահության նախարարության հորդորներն ու խորհուրդները նրանց կողմից դիտվում են որպես մեր քաղաքացիներին հարևան երկրում հանգստանալու մեկնելուց ետ պահելու նպատակային քայլ:
ՀՀ առողջապահության նախարարությունը պաշտոնապես հայտարարում է, որ Վրաստանում և Հայաստանին հարևան այլ երկրներում կարմրուկի բռնկման մասին վկայում են ինչպես այդ երկրների պաշտոնական աղբյուրները, այնպես էլ միջազգային կազմակերպությունները:
Վրաստանում կարմրուկի դեպքերի ընթացքին կարելի է ծանոթանալ Վրաստանի հիվանդությունների վերահսկման և կանխարգելման ազգային կենտրոնի պաշտոնական կայքում` http://ncdc.ge։ Շաբաթական վերլուծության համաձայն` երկրում կարմրուկի համաճարակային իրավիճակը կայունանում է: Ըստ նույն աղբյուրի հուլիսի 26-ի դրութամբ Վրաստանում գրանցված կարմրուկի դեպքերի թիվը եղել է 6324, որից 3647-ն արձանագրվել է Թբիլիսիում: Դեպքերից 1803-ը հոսպիտալացվել են, մահվան ելքով գրանցվել է 2 դեպք` 11 ամսական և 19 տարեկան չպատվաստված անձանց մոտ:
Վրաստանում և Հայաստանին հարևան մյուս երկներում կարմրուկի համաճարակային իրավիճակի կապակցությամբ սույն թվականի հուլիսի 10-11-ին Թբիլիսիում տեղի ունեցավ ՙԿովկասում և Թուրքիայում կարմրուկի բռնկումների կանխարգելման և հսկողության վերաբերյալ՚ Առողջապահության համաշխարհային կազմակերպության եվրոպական տարածաշրջանային բարձր մակարդակի խորհրդակցություն, որին մասնակցում էին Հայաստանի, Ադրբեջանի և Վրաստանի առողջապահության նախարարությունների իմունականխարգելման հարցերով պատասխանատու պաշտոնյաները, Իմունականխարգելման ազգային ծրագրերի ղեկավարները և միջազգային կազմակերպությունների` Առողջապահության համաշխարհային կազմակերպության, ԱՄՆ Հիվանդությունների վերահսկման և կանխարգելման կենտրոնի, ՄԱԿ Մանկական հիմնադրամի, Ռոստրապովիչ-Վիշնևսկայա հիմնադրամի ներկայացուցիչները: Խորհրդակցության նպատակն էր կլոր սեղանի շուրջ քննարկել մասնակից երկրներում կարմրուկի համաճարակային իրավիճակը և բռնկումներին հակազդման միջոցառումները, ինչպես նաև հետագա անելիքները: Խորհրդակցությունը վարում էր ԱՀԿ Եվրոպական տարածաշրջանային գրասենյակի փոխտնօրենը, ում կողմից բարձր գնահատվեցին Հայաստանի Հանրապետությունում կարմրուկի դեմ պայքարում ձեռք բերված նվաճումները և առաջարկվեց օգտագործել բռնկումների տեղայնացման և կանխարգելման ուղղությամբ Հայաստանի փորձը:
Հայաստանի Հանրապետությունում մայիսի 19-ից հետո գրանցվել է կարմրուկի 9 դեպք` բոլորը բերովի: Հաստատվել է բոլոր դեպքերի համաճարակաբանական կապը Վրաստանի կարմրուկի բռնկման հետ:
Կարմրուկի Հայաստան ներբերման առաջին դեպքերը Վրաստանի 5 և 3 տարեկան չպատվաստված բնակիչներ են, որոնց հետ կապված ևս մեկ դեպք գրանցվել է 38 տարեկան ՀՀ քաղաքացու մոտ: ՀՀ տարածք ներկրված 3 դեպք վարակվել են Օդեսայում միջազգային խորհրդակցության ընթացքում կարմրուկով հիվանդ Վրաստանի քաղաքացու հետ շփման արդյունքում: Կարմրուկի բերովի դեպքի հաջորդ օջախը գրանցվել է Երևանի Ուկրաինական համալսարանում, որտեղ վարակի աղբյուրը եղել է կարմրուկով հիվանդ Վրաստանի քաղաքացի, ում հետ համաճարակաբանորեն կապված գրանցվել է ևս մեկ դեպք: Վերջին 9-րդ դեպքը գրանցվել է Արմավիրի մարզում, որը ևս կապված է Վրաստանի հետ՝ հաստատվել է շփումը կակսածելի հիվանդի հետ, ով ժամանել է Վրաստանից՝ կրոնական նկատառումներով պատվաստումներից հրաժարվող խմբի կազմում:
Բոլոր դեպքերի և նրանց հետ շփվողների նկատմամբ իրականացվել է ուժեղացված բժշկական հսկողություն, չպատվաստված և չհիվանդացած անձանց շրջանում կատարվել են պատվաստումներ: Հուլիսի 30-ի դրությամբ Հայաստանում կարմրուկի տեղական տարածում չի գրանցվել:
Ինչ վերաբերում է Վրաստանում ՀՀ քաղաքացիների ակտիվ հանգստի կազմակերպմանը, ապա ՀՀ առողջապահության նախարարությունը, առաջնորդվելով միմիայն մեր քաղաքացիների առողջության պահպանման գերխնդրով, դարձյալ խորհուրդ է տալիս մեկնելուց առաջ պատվաստվել կարմրուկի դեմ, քանի որ լավագույն միջոցը կանխարգելումն է:
ՀՀ քաղաքացիների առողջության պահպանման նպատակով բժշկական օգնություն և սպասարկում իրականացնող կազմակերպություններում շարունակվում է կամավոր և անվճար հիմունքներով կարմրուկի դեմ պատվաստումների իրականացումը: ՀՀ առողջապահության նախարարությունը կրկին տեղեկացնում է, որ պետական սահմանի հսկիչ կետերի կողմից պատվաստումների վերաբերյալ որևէ տեղեկանք չի պահանջվում:
EU pursuing its own interests in South Caucasus - expert 
Azerbaijan is playing cat and mouse game with Armenia and the world - analyst
Political analyst: only way to change situation in Armenia is extraordinary parliamentary elections
Armenian general rules out any provocations on Armenian-Turkish border as long as Russian flag hoisted there 
Crossroads of Peace project divorced from reality 
I need to consult with Catholicos: Srbazan about initiative to nominate him for Armenia`s premier 
Opinion: Lukashenko`s statements in Baku clearly demonstrate results of Armenian, Azerbaijani diplomacy work 
Poll: More than half of respondents in Armenia positively assess "Tavush for Motherland" movement
Experts discuss problems of Armenia 
Tavush movement returns our national dignity, Vazgen Manukyan
Nikol Pashinyan does not attend Victory Parade in Moscow either
May One procession to take place in Yerevan 
Tehran: foreign troops` presence in South Caucasus does not contribute to establishment of security, stability
Lavrov: Unilateral concessions by Armenian authorities make Armenia`s borders undefined
Armenia`s premier meets with residents of Berkaber
Rally in name of Armenian statehood starts in Voskepar 
No return to historical Armenia idea! Pashinyan calls on
Stark and unpleasant as it might be to the Washington establishment, that the best guarantors of Armenian security are Russia and Iran - The American Conservative
