Արմինֆո. Այսօր «հայ» սպաների հրամանով, մեծ հավանականությամբ, կձերբակալվեն, կծեծվեն, կխոշտանգվեն Հայաստանն առանց թուրքի պատկերացնող մի շարք քաղաքացիներ: Այդ մասին Facebook-ի իր էջում գրել է "Հայրենիք" կուսակցության վարչության անդամ, փաստաբան Սոս Հակոբյանը՝ նկատի ունենալով սեպտեմբերի 30-ին ՀՀ վարչապետ Նիկոլ Փաշինյանի հրաժարականի պահանջով ընդդիմության հրավիրած հանրահավաքը:
«Ու նորից. երեկ թուրքի կողմից ձերբակալվել է գեներալ-լեյտենանտ Լևոն Մնացականյանը, (ինչի վերաբերյալ հավանաբար շուտով հերթական ստորացուցիչ հոլովակը կհրապարակվի). այսօր «հայ» սպաների հրամանով մեծ հավանականությամբ կձերբակալվեն, կծեծվեն, կխոշտանգվեն Հայաստանն առանց թուրքի պատկերացնող մի շարք քաղաքացիներ, նրանցից մի մասը կնետվեն հայկական բանտեր,
մի ստահակ «հայ» դատավոր կբավարարի մյուս ստահակ դատախազի միջնորդությունը կալանք կիրառելու վերաբերյալ... Ու էն հայրենիք կործանողը դեռ խոսում է և կխոսի ինքնիշխանության շարժումից...
այսպես ազգերը և պետությունները ինքնասպան են լինում, ոչ թե ինքնիշխանություն պահում...
Թշվառներ, թշվառ դավաճաններ...», - գրել է Հաաակոբյանը: