Հինգշաբթի, 20 Հուլիսի 2023 16:22

Արմինֆո.CNN-ի մշտական թղթակից և  The New York Times-ի մեկնաբան, Պուլիտցերյան երկու մրցանակների դափնեկիր Նիկոլաս Քրիստոֆը միջազգային հանրության ուշադրությունն է հրավիրում Ադրբեջանի գործողությունների պատճառով Արցախում հումանիտար ճգնաժամի վրա:

 

"Ադրբեջանն օգտվեց ողջ աշխարհի ուշադրությունից դեպի Ուկրաինան, որպեսզի շրջափակի հայկական անկլավը՝ Լեռնային Ղարաբաղը, ստեղծելով ճգնաժամ պարենի և առողջապահության առնչությամբ։ Իրավիճակն օրեցօր վատթարանում է", - գրել է Քրիստոֆը Twitter-ի իր միկրոբլոգում՝ զետեղելով Արցախի խանութների դատարկ դարակների տեսանյութը։

 

Հիշեցնենք, որ Արցախի 120 հազար բնակիչներ կանգնած են սովամահության շեմին ՝ Ադրբեջանի կազմակերպած պաշարման պատճառով ։ Քաղաքակիրթ միջազգային հանրությունը, էներգառեսուրսների հետևից ընկնելով, մոռացել է և մարդու համընդհանուր իրավունքների, և ժողովրդավարության, և, ընդհանրապես, միջազգային իրավունքի մասին՝ արդեն 8 ամիս չնկատելով Ադրբեջանի կողմից Արցախի նկատմամբ իրականացվող ահաբեկչությունը ։