Երեթշաբթի, 28 Մարտի 2023 13:31

Արմինֆո. "Տաշիր" ընկերությունների խմբի և Հայ գործարարների ասոցիացիայի ղեկավար Սամվել Կարապետյանը մեկնաբանել է Միջազգային քրեական դատարանի (ՄՔԴ) Հռոմի ստատուտին միանալու Հայաստանի ծրագրերի մասին լուրը՝ ՌԴ ղեկավարության նկատմամբ իրավաբանական սահմանափակումների առնչությամբ: Այդ մասին ԱրմԻնֆո գործակալությանը հաղորդել են "Տաշիր" ընկերությունների խմբի ղեկավարի մամուլի ծառայությունից:

«Վերջին օրերին Հայաստանի կառավարության կողմից հաճախակի են հնչում Ռուսաստանի, մասնավորապես երկրի առաջին դեմքերի նկատմամբ պատժամիջոցային որոշումների կիրառման հարցում միջազգային կազմակերպություններին աջակցելու ոչ միանշանակ կոչերը։ Նման գործողությունները ուղղակիորեն վտանգում են հայ–ռուսական հարաբերությունները ինչպես տնտեսական, այնպես էլ քաղաքական, ռազմական և մշակութային փոխգործակցության հարցում», – ասվում է Կարապետյանի հայտարարությունում։

Միեւնույն ժամանակ, գործարարն անընդունելի է համարում վտանգել Հայաստանի և Ռուսաստանի դարավոր բարեկամական կապերն ու երկու երկրների ժողովուրդների գործընկերային հարաբերությունները։

Նա հիշեցրել է, որ Ռուսաստանը Հայաստանի արտաքին տնտեսական և առևտրային առաջատար գործընկերն է, երկրի սահմանների անվտանգության երաշխիքը։ «Երկրների միջև առկա բարեկամական կապերը երկկողմանի հարաբերությունների կայունության հիմքն են, և Հայաստանի ու Ռուսաստանի դաշնակցային բարեկամական կապերի խաթարումը կարող է մարտահրավեր դառնալ ԼՂ անվտանգության հարցում, որտեղ ՌԴ խաղաղապահները խաղաղ կյանք են ապահովում 120 հազար հայի համար», - հավելել է Կարապետյանը։
Հայ գործարարների ասոցիացիայի անունից Սամվել Կարապետյանը երկրի ղեկավարությանը կոչ է արել սթափ գնահատել նման հայտարարությունների հնարավոր բոլոր ռիսկերը և չվտանգել Հայաստանի և Ռուսաստանի գործընկերային հարաբերությունները։

Ավելի վաղ ՌԴ ԱԳՆ աղբյուրը հայտարարել էր, որ "Մոսկվան բացարձակապես անընդունելի է համարում Միջազգային քրեական դատարանի Հռոմի ստատուտին միանալու Երեւանի ծրագրերը՝ ՌԴ ղեկավարության նկատմամբ օրդերների ֆոնին": Նա ընդգծել էր, որ"հայ գործընկերներին նախազգուշացվել է Ռուսաստանի հետ երկկողմ հարաբերությունների վրա իրենց հնարավոր քայլերի ծայրահեղ բացասական հետևանքների մասին": Ուշագրավ է նաև, որ նախօրեին ՌԴ-ում ՀՀ դեսպանը հանդիպում է ունեցել ՌԴ ԱԳՆ-ում:

Մարտի 24-ին Հայաստանի սահմանադրական դատարանը Հռոմի ստատուտը ճանաչել է ՀՀ սահմանադրությանը համապատասխանող: Այս կամ այն պետության կողմից Հռոմի ստատուտի վավերացումը նշանակում է վերջինիս կողմից Միջազգային քրեական դատարանի (ՄՔԴ) իրավազորության ճանաչում։

Մարտի 17-ին Հաագայի Միջազգային քրեական դատարանի պալատը Ռուսաստանի նախագահ Վլադիմիր Պուտինին ձերբակալելու օրդեր է տվել:

Նշենք, որ "Տաշիր" ընկերությունների խումբը Հայաստանում իրականացնում է մի շարք խոշոր նախագծեր: Մասնավորապես, առաջիկա երկու տարիներին կկառուցվեն և շահագործման կհանձնվեն երկու նոր ջերմաէլեկտրակայաններ (ՋԷԿ)՝ Նոյեմբերյանի շրջանում և Հրազդանի ՋԷԿ-ի տարածքում: Նոյեմբերյան քաղաքի <Տաշիր > թաղամասում կկառուցվի 126 ՄՎտ հզորությամբ նոր ՋԷԿ: Նախագիծը միտված է լինելու ինչպես Հայաստանում էլեկտրաէներգիայի կարիքների բավարարմանը, այնպես էլ դեպի Վրաստան արտահանմանը։ Շինարարության շրջանակներում ընկերությունը պարտավորվում է օգտագործել միջազգային չափանիշներին համապատասխան նորագույն տեխնոլոգիաներ, ինչը ներդրում կլինի շրջակա միջավայրի պահպանության գործում: Բացի այդ, ջերմաէլեկտրակայանի կառուցման ժամանակ նախատեսվում է առավելագույնս օգտագործել տեղական շինանյութերն ու աշխատանքային ռեսուրսները: Նախագծի համաձայն՝ մոտ 150 մարդ կներգրավվի ջերմաէլեկտրակայանի կառուցման աշխատանքներում։ Նոր ՋԷԿ-ում էլեկտրաէներգիայի տարեկան բացթողումը կկազմի շուրջ 1 մլրդ կվտ / ժ, ինչը թույլ կտա բարձրացնել Հայաստանում էներգաապահովման հուսալիությունը, արտահանման մակարդակը եւ մրցունակությունը էլեկտրաէներգիայի շուկայում: ՋԷԿ-ի շինարարությունը կսկսվի այս տարի և կտևի մոտ երկու տարի: Շինարարության ընդհանուր արժեքը կկազմի ավելի քան 120 մլն դոլար: Նախագծի շրջանակներում վերակառուցվելու է Հայաստանում <Լալվար> բարձրավոլտ էլեկտրահաղորդման գիծը, ինչպես նաև մոտ 30 կմ բարձրավոլտ էլեկտրահաղորդման գիծը Վրաստանի տարածքում: Բոլոր Ներդրումները կիրականացվեն "Տաշիր" ընկերությունների խմբի կողմից՝  էլեկտրաէներգիայի փոխանցման համար վճարումից հետագա պահմամբ: Առաջիկայում նախատեսվում է համապատասխան հուշագրերի ստորագրում բոլոր շահագրգիռ կողմերի հետ։ Նախատեսվում է նաև Հրազդանի ՋԷԿ-ի տարածքում կառուցել ևս 50 ՄՎտ հզորությամբ ՋԷԿ: Առաջին փուլում տեղադրվելու է վերջին սերնդի 4 գազաբալոնային գեներատոր ՝ նորագույն տեխնոլոգիաներով ՝ 12,5 ՄՎտ հզորությամբ ։ Երկրորդ փուլում նախատեսվում է կայանի հզորությունը կրկնապատկել մինչև 100 ՄՎտ ։ Կայանում կօգտագործվեն MAN Energy Solutions ընկերության սարքավորումներ։ Նոր գեներատորների տեղադրումը կնվազեցնի մթնոլորտ արտանետումները և նվազագույն ազդեցություն կունենա շրջակա միջավայրի վրա: Կայանը կկառուցվի մինչև 2024 թվականի ավարտը։ Ներդրումների և փուլի ընդհանուր ծավալը կկազմի շուրջ 30 մլն եվրո: Կստեղծվի 25 նոր աշխատատեղ: Էլեկտրաէներգիայի տարեկան արտադրությունը կկազմի 400 մլն կվտ / ժ ։