Ուրբաթ, 2 Ապրիլի 2021 16:14

Արմինֆո. Խորհրդարանական ընդդիմության հակազդեցությունը Ընտրական օրենսգրքի բարեփոխմանը բնավ զարմանք չի հարուցում. պետական մտածողության բացակայությունը Հայաստանում ամենեւին էլ նորություն չէ։ ԱրմԻնֆո-ին այդպիսի կարծիք է հայտնել "Քաղաքացու որոշում" սոցիալ-դեմոկրատական կուսակցության առաջնորդներից՝ Գարեգին Միսկարյանը։

 

"Մենք բոլորս շատ լավ գիտենք, որ պետական շահերը մեր երկրում միշտ զոհաբերվել են կուսակցական, այսինքն, զուտ նեղ խմբակային շահերին։ Եվ ընդդիմության պահվածքը խորհրդարանում քվեարկության ժամանակ տվյալ թեզի հերթական հաստատումն է ։ Եվ այստեղ խնդիրն ամենևին չի սահմանափակվում խորհրդարանական ընդդիմությամբ։ Որքան ինձ հայտնի է, ռեյտինգային համակարգի կողմնակիցներ կան, նույնիսկ, "Իմ քայլը" դաշինքի ներսում", - ընդգծել է նա։

 

Ապրիլի 1-ին Հայաստանի Ազգային ժողովը երկրորդ եւ վերջնական ընթերցմամբ 82 կողմ ձայնով հավանություն է տվել Ընտրական օրենսգրքում "ռեյտինգային" համակարգից հրաժարում ենթադրող փոփոխություններին: Այսպիսով, այսուհետ ընտրություններն անցկացվելու են միայն կուսակցական համասնական ցուցակներով։

 

Ընդհանուր առմամբ, քաղաքական գործիչը տեսնում է երկրի քաղաքական դաշտում սերնդափոխության անհրաժեշտությունը։ Նրա խոսքով, Հայաստանում նման մշակույթի բազմամյա բացակայությունն է, ի թիվս այլ բաների, մենաշնորհացման, երկրի քաղաքական դաշտում մրցակցային պայմանների բացակայության պատճառը: Ընդ որում, Միսկարյանը համոզմունք է հայտնել, որ մեկ օրենքում փոփոխությունների միջոցով անհնար է իրավիճակը փոխել, հայկական քաղաքականության մեջ նոր դեմքերի, նոր մշակույթով նոր քաղաքական ուժերի ի հայտ գալը, առավել ևս ՝ նոր գաղափարներով։ Քաղաքական գործչի գնահատմամբ ՝ այսօր Հայաստանը, ժողովուրդը, ազգը կարիք ունեն ձևակերպելու, հստակեցնելու ազգային գաղափարը՝ սեփական ապագայի տեսլականն ու դրան հասնելու ուղիները: Եվ այս խնդիրը, նրա կարծիքով, ի զորու չէ լուծել Ազգային ժողովը, առավել ևս՝ մեկ քաղաքական կուսակցությունը։ Այս լույսի ներքո՝ ապագա խորհրդարանի որակը, իհարկե, կարևոր է, սակայն դրանից նման խնդիրների լուծման ուղղությամբ հեղափոխական մոտեցումներ ակնկալել պետք չէ։

 

"Ընտրական օրենսգրքի փոփոխությունները, անկասկած, հայկական քաղաքականության քաղաքականացման կարևոր բաղադրիչ են։ Սա ոչ մեծ քայլ է, ազդակ ՝ այդ ուղին բռնած հայկական քաղաքական ուժերի պատրաստակամության ուղղությամբ ։ Ինչ վերաբերում է առաջիկա ընտրություններին մեր մասնակցությանը, այդ մասնակցության ձևաչափին, ապա վերջնական որոշում դեռ չկա։ Մեզ համար սկզբունքային է գաղափարների ու արժեքների հիման վրա այլ քաղաքական ուժերի հետ դաշինք կազմելը։ Եվ առայժմ նման ուժեր մենք չենք տեսնում", - ամփոփել է քաղաքական գործիչը ։