Հինգշաբթի, 14 Հունվարի 2021 13:47

Արմինֆո. Եթե իշխանության ղեկին մնար Սերժ Սարգսյանը, պատերազմ ուղղակի չէր սկսվի։ Այս մասին ՌԲԿ - ին տված հարցազրույցում ասել է ընդդիմության կողմից վարչապետի թեկնածու Վազգեն Մանուկյանը։

 

Ընդդիմության գլխավոր թեկնածուն նշել է, որ ղարաբաղյան առաջին պատերազմի ժամանակ հայկական բանակի հաղթանակում իր դերը խաղաց Էլչիբեյը, իսկ այժմ Հայաստանը ունի իր Էլչիբեյը:

 

<<Գունավոր հեղափոխությունների> ալիքի վրա իշխանության են գալիս հիմնականում ոչ բանիմաց մարդիկ, որոնք պատրաստ չեն գլխավորել կառավարությունը ։ Փաշինյանը հասարակությունը բաժանեց նախկինների ու ներկաների, պառակտեց հասարակությունը։ Նույնը տեղի է ունեցել և Ուկրաինայում, և այլ վայրերում, որտեղ իրականացվել է <գունավոր հեղափոխություն>>, - ասել է նա ։

 

<1992-1994թթ. ղարաբաղյան առաջին պատերազմի ժամանակ, երբ մենք հաղթեցինք Ադրբեջանին, մեզ շատ օգնեց, որ այն գլխավորում էր Աբուլֆազ Էլչիբեյը։ Այն ժամանակ դեռ չկար <գունավոր հեղափոխություն> եզրույթը, բայց դա հենց այդպիսի հայացքների տեր մարդ էր ։ Հիմա Ադրբեջանն օգտվեց այն բանից, որ մենք ունենք մեր Էլչիբեյը>, - հավելել է Մանուկյանը ։

 

Նա նաև կարծում է, որ եթե Սերժ Սարգսյանը լիներ իշխանության ղեկին, պատերազմը պարզապես չէր սկսվի ։ Փաշինյանը, նշել է ընդդիմախոսը, փակեց Լեռնային Ղարաբաղի շուրջ բանակցային գործընթացը, մի շարք հայտարարություններ արեց, որոնցից հետեւում էր, որ ղարաբաղյան խնդիրը տարածքային վեճ է, այլ ոչ թե՝ ազգի ինքնորոշման հարց եւ թույլ է տվեց Ադրբեջանին հանգել այն մտքին, որ կարելի է պատերազմ սկսել:

 

Պատասխանելով այն հարցին, թե երբ է առաջացել Մանուկյանի թեկնածությունը ՝ որպես ընդդիմության կողմից վարչապետի թեկնածու՝ նա ասել է. <Այն ժամանակ ոչ ոք այդ մասին չէր մտածում ։ Այդ ժամանակ բոլորը մտահոգված էին պատերազմով ։ Իշխանությունը տապալելու, նոր վարչապետ դնելու հարց չի դրվել։ Ես նույնիսկ իմ նամակում գրել եմ, որ ոչ թե նոր կառավարություն է պետք, այլ բանակը պետք է իր ձեռքը վերցնի պատերազմի կառավարումը ։ Իմ հայտնվելու մեջ անակնկալ չկար, որովհետև ես միշտ եղել եմ Հայաստանի քաղաքականության մեջ, ես գլխավորել եմ <Ղարաբաղ> կոմիտեն, եղել եմ առաջին վարչապետը, 1996 թվականին առաջադրվել եմ նախագահի պաշտոնում ։

 

Ես մշտապես զբաղվել եմ քաղաքական գործունեությանը։ Կարծում եմ ՝ շատ կուսակցությունների համար կոմպրոմիսային ֆիգուր էի ։ Նրանք ի դեմս ինձ՝ տեսել են  կառավարչի, ով կրիտիկական իրավիճակներում կարող է կառավարել, քանի որ 1992-1993 թվականներին ես պաշտպանության նախարար էի, և մենք սկսեցինք հաղթել պատերազմում, բանակ կառուցել ։ Այս ամենը, հավանաբար, նշանակություն ուներ։ Ընդ որում ՝ այստեղ նշանակություն ուներ նաև այն, որ վարչապետը լինելու էր ժամանակավոր կառավարության ղեկավար։ Այսինքն ՝ բոլորին հնարավորություն էր տրվում մեկ տարի անց ընտրությունների ժամանակ ինչ-որ արդյունքների գալ։ Իսկ ժամանակավոր վարչապետը, այսինքն ՝ ես, իրավունք չէի ունենա հետագայում առաջադրվել վարչապետի պաշտոնում։ Դա ապահովում էր նաև նորմալ ընտրություններ, քանի որ վարչապետի անձնական շահագրգռվածությունը ընտրությունների արդյունքները կեղծելու մեջ չկար ։ Մանավանդ որ բոլորը գիտեին, որ ես միշտ պայքարել եմ արդար ընտրությունների համար։

 

Մանուկյանը նաև նշել է, որ առաջիններից մեկն է, ով Փաշինյանին կոչ էր անում հրաժարական տալ, քանի որ գիտեր, թե ինչ է կատարվում ճակատում, իսկ մեր երկրի բնակչությունը չգիտեր: Քանի որ տեղեկություններ թաքցնելու միջոցներ են ձեռնարկվել, Հայաստանի բնակչությունը չէր հասկանում, թե ինչ է կատարվում ։ Բայց ես անընդհատ կապի մեջ էի ռազմաճակատի, գեներալների, բանակի հետ և գիտեի, որ մեր վիճակը ողբալի է ։