Երկուշաբթի, 16 Սեպտեմբերի 2019 17:16

Արմինֆո. Հայաստանը չի գնա ղարաբաղյան հակամարտության կարգավորման Ադրբեջանի սպառնալիքների ֆոնին։ Այդ մասին այսօր  Վանաձորում մեծ մամւոլի ասուլիսի ժամանակ հայտարարել է վարչապետ Նիկոլ Փաշինյանը։

 

Ընդ որում, նա ընդգծել է, որ Հայաստանը բազմիցս հայտարարել է հակամարտության լուծման ուղիներւի  որոնման ուղղությամբ կառուցողական եւ համալիր բանակցություններ վարելու պատրաստակամության մասին: "Պետք է դադարեցնել Հայաստանի հետ սպառնալիքների լեզվով խոսելը, դա անօգուտ է։  Մենք ասում ենք՝ պետք է դադարեցնել այդ ցուցադրական հայտարարությունները և անցնել համապարփակ բանակցությունների", - նշել է վարչապետը։ 

 

Անդրադառնալով ԵԱՀԿ Մինսկի խմբի ամերիկացի նախկին համանախագահ Մեթյու Բրայզայի հայտարարություններին ՝ Փաշինյանն արձանագրել է, որ օգոստոսի 5 - ին Ստեփանակերտի Վերածննդի հրապարակում արված իր հայտարարությունն այն մասին, որ Արցախը Հայաստանն է, բուռն քննարկումներ է առաջացրել: Ընդ որում, նա հիշեցրել է, որ դրան նախորդել է իր մեկ այլ հայտարարություն, որն արվել է մարտի 12-ին: Նրա խոսքով ՝ այն ժամանակ ինքը հայտարարել էր, թե հայկական կողմը պետք է հասկանա, որ կա Ղարաբաղի վերաբերյալ Մադրիդյան սկզբունքների ամպլիտուդա։  "Բացի այդ, ես նաեւ հայտարարել եմ, որ ղարաբաղյան հակամարտության լուծումը պետք է ընդունելի լինի Հայաստանի, Արցախի եւ Ադրբեջանի բնակչության համար։  Հարկ է նաև նշել, որ ես Հայաստանի միակ առաջնորդն եմ, որը մատնանշել է նաև Ադրբեջանի բնակչության կարծիքը հաշվի առնելու անհրաժեշտությունը, ինչի համար խիստ քննադատության եմ ենթարկվել սեփական հասարակության կողմից։  Եվ ես նաև հայտարարել եմ, որ նման հայտարարություն եմ ակնկալում Ադրբեջանի ղեկավարության կողմից ։  Ինչ ենք ստացել ի պատասխան, իմ այդ հայտարարությունից հետո  անցել է գրեթե մեկ տարի, իսկ Ադրբեջանից հնչում են հայտարարություններ այն մասին, որ ղարաբաղյան հակամարտությունը կարող է կարգավորվել միայն ԱՀ տարածքային ամբողջականության ապահովման միջոցով՝ նկատի ունենալով Արցախի ընդգրկումը Ադրբեջանի կազմում", - նշել է Փաշինյանը, ընդսմին հավելելով, որ եթե Բաքուն նման անզիջում եւ կատեգորիկ դիրքորոշում է դրսևորում, ապա Երեւանն էլ պնդելու է իր տեսակետը. Արցախը Հայաստանն է եւ վերջ։

 

Նա նաև հետաքրքրվել է, թե այսօր ինչով է զբաղված Բրայզան, գուցե իրականում բանակցային գործընթացի մասին բավարար տեղեկատվություն չունի, ինչպես պնդում է։  "Եվ եթե ղարաբաղյան հակամարտությունն այդքան հեշտ էր լուծել, ապա ինչու՞  պարոն Բրայզան ԵԱՀԿ Մինսկի խմբի համանախագահի պաշտոնում գտնվելու ժամանակ չի լուծել այդ հարցը", - եզրափակել է նա։

 

Ավելի վաղ Բրայզան վրացական Starvision TV-ին, մասնավորապես, հայտարարել էր. "Քանի որ Լեռնային Ղարաբաղի իրավական կարգավիճակը պետք է որոշվի միայն բանակցությունների միջոցով, ապա Հայաստանը կարող էր դրան հասնել միայն բանակցությունների միջոցով: Հիմարություն է, որ բանակցային գործընթացի կողմերից մեկը վերցնում է գլխավոր մրցանակը ՝ փոխարենը չտալով ոչինչ"։   Մեթյու Բրայզայի խոսքով՝ Փաշինյանը "հիմար չէ, այլ խելացի մարդ է", բայց խնդիրն այն է, որ նա գտնվում է ղարաբաղյան խմբավորման հսկայական ճնշման տակ։  "Անկախ այն բանից, թե որքան հմտորեն է Փաշինյանը քարոզարշավ իրականացնում, որքան ժողովրդականություն է վայելում, այդ խմբավորումը երբեք նրան թույլ չի տա քաղաքական իշխանություն ձեռք բերել։  Նաեւ այդ խումբը հզոր աջակցություն ունի հյուսիսից", - հավելել Էր Բրայզան։  Նախկին համանախագահի խոսքով,  Փաշինյանը նման հայտարարություններ է անում, որպեսզի պաշտպանվի "ղարաբաղյան կլանի" ճնշումներից, իսկ իրականում նա ցանկանում է մինչև վերջ բանակցել Ադրբեջանի հետ։  "Ինձ այդ մասին հայտնել են նաեւ Բաքվում, ընդ որում՝ շատ բարձր մակարդակով", - ասել Է Բրայզան։

 

Ամերիկայի Հայ դատի հանձնախումբը (ANCA) արգելափակել է որպես դեսպան Բրայզայի հաստատումը Կոնգրեսում։  Բրայզայի խոսքով՝ ԱՄՆ հայկական կազմակերպությունները նույնպես ճնշում են գործադրում Փաշինյանի նկատմամբ, քանի որ նրանց համար ղարաբաղյան հակամարտությունը փող աշխատելու եւ ամերիկահայերից փող հավաքելու միջոց է: