Արմինֆո. Հայաստանի վարչապետ Նիկոլ Փաշինյանն օգոստոսի 5-ի իր հայտարարության մեջ, փաստորեն, Ադրբեջանին հրավիրել է ճանաչել Ղարաբաղի միացումը Հայաստանին "միջանցքի" հետ միասին՝ մնացած տարածքների դիմաց։ ԱրմԻնֆո-ին այդպիսի կարծիք է հայտնել Ադրբեջանի խորհրդարանի պատգամավոր, քաղաքագետ Ռասիմ Մուսաբեկովը։
"Հենց դա է նրա հայտարարության հիմնական իմաստը։ Փաստորեն, Երևանը ուղիղ տեքստով ասում է, որ քննարկելու է գրավյալ տարածքների ինչ-որ մի մասի միացումը Հայաստանին՝ մյուս մասի ազատագրման հնարավորությամբ։ Այլ կերպ ասած՝ մեզ կոչ է անում բանակցություններ սկսել մեր տարածքների բաժանման շուրջ։ Ադրբեջանի ԱԳՆ-ն իր հայտարարության մեջ հարց է բարձրացրել, թե ինչ է նշանակում Փաշինյանի ասածը։ Բայց ՀՀ ԱԳՆ-ն կոնկրետ պատասխանի փոխարեն, փաստորեն, պատասխանեց քարոզչական համազարկով", - կարծում է նա։
Օգոստոսի 5 - ին Ստեփանակերտի Վերածննդի հրապարակում կայացած հանրահավաքում ՀՀ վարչապետ Նիկոլ Փաշինյանը Արցախը բնութագրել է որպես Հայաստանի անբաժանելի մաս: "Արցախը Հայաստան է և վերջ", - ՀՀ վարչապետը մեջբերել է հայ պետական և ռազմական գործիչ Լեոնիդ Ազգալդյանի խոսքը:
Ի պատասխան՝ Ադրբեջանի ԱԳՆ-ն հանդես է եկել հայտարարությամբ, որի ընդհանուր էությունը կայանում էր նրանում, որ Փաշինյանի հայտարարությունների ուղղվածությունը ներքին լսարանին հիմք չի տալիս Հայաստանի վարչապետին հնչեցնել Ադրբեջանի տարածաշրջանի անեքսիայի կոչեր:
"Ադրբեջանի ԱԳՆ հայտարարությունը ցույց է տալիս, որ Ադրբեջանը չի կարողանում պահպանել քաղաքավարության եւ պարկեշտության հիմնական կանոնները, պահպանել ժողովուրդների, հատկապես ամենաբարձր մակարդակով հակամարտության լուծման չափազանց բարդ եւ նրբանկատ գործընթացում ներգրավված կողմերի միջեւ քաղաքակիրթ վարքագծի նորմերը: Հայտարարության մեջ պարունակվող անձնական հարձակումները ափսոսանքի են արժանի և վկայում են Ադրբեջանում հայ ժողովրդի նկատմամբ անհանդուրժողականության և ատելության մշակույթի մասին, որը գլխավորում և խրախուսում են իշխանությունները", - ասվում է ՀՀ ԱԳՆ պատասխան հայտարարության մեջ:
Մուսաբեկովի գնահատմամբ՝ նման հայտարարությամբ ՀՀ ԱԳՆ-ն փորձում է սլաքները ուղղել Ադրբեջանին և խուսափել Ղարաբաղի պատկանելության մասին Փաշինյանի հայտարարությունը որակելուց։ Մյուս կողմից, Հայաստանի ԱԳՆ-ն, ըստ քաղաքագետի, փաստացի հայտարարել է, որ Հայաստանի վարչապետի խոսքերը Երևանի պաշտոնական դիրքորոշման մեջ ոչինչ չեն փոխում, և խոսել բանակցային օրակարգի տորպեդահարման մասին հարկ չկա։
Ըստ Մուսաբեկովի, Բաքուն մտադիր է պահանջել ԵԱՀԿ Մինսկի խմբի համանախագահների արձագանքը Հայաստանի վարչապետի ելույթին: Նրա գնահատմամբ՝ համանախագահների առջև պետք է դնել հետագա բանակցությունների նպատակահարմարության հարցը՝ նկատի ունենալով Հայաստանի նման դիրքորոշում առկայությունը։
"Ի վերջո, բանակցային օրակարգի մի մասը Ղարաբաղի կարգավիճակն է։ Մինչդեռ, Փաշինյանի հայտարարությունը նշանակում է, որ նրա համար այդ կարգավիճակն արդեն որոշված է։ Մնում են արդյոք բանակցություններ վարելու հնարավորություններ, պարզ կդառնա համանախագահների արձագանքից և նրանց հետագա առաջարկներից հետո։ Եթե բանակցությունները շարունակելու համար հնարավորություններ մնում են, ապա դրանք, անշուշտ, պետք է շարունակել", - ամփոփել է Մուսաբեկովը ։
ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ