Երեթշաբթի, 30 Ապրիլի 2019 17:46

Արմինֆո.Եվրամիությունը 8 մլն եվրո է ուղղորդել Արեւելյան գործընկերության երկրներում շրջակա միջավայրի պաշտպանությանը եւ կլիմայի փոփոխության դեմ պայքարին. Հայաստանին հատկացվել է շուրջ 900 հազար եվրո։  Այդ մասին լրագրողների հետ զրույցում ասել է Հայաստանում ՄԱԶԾ մշտական ներկայացուցիչ Դմիտրի Մարյասինը ՝ ՙԵվրոպական Միությունը հանուն Արեւելյան գործընկերության երկրներում կլիմայի փոփոխության՚ խորագրով մամուլի ասուլիսի շրջանակում։

 

Նշենք, որ Եվրոպական միության նոր նախագիծն իրականացնում է Հայաստանում ՄԱԿ-ի Զարգացման ծրագիրը: Նախագիծը տարածաշրջանային է եւ ընդգրկում է Արեւելյան գործընկերության 6 երկրներ, մասնավորապես Հայաստանը, Ադրբեջանը, Վրաստանը, Բելառուսը, Ուկրաինան եւ Մոլդովան:

 

Նախագծի գլխավոր խնդիրը, ըստ Մարյասինի, կլիմայի փոփոխությունների դեմ պայքարում գործընկեր երկրների պատրաստվածության մակարդակի բարձրացումն է:

ՙԵրաշտները, այլ պլանի անկանխատեսելի պայմանները շատ են ազդում երկրների տնտեսության, քաղաքացիների կյանքի վրա, հանգեցնում են գյուղատնտեսական ոլորտի կորուստների, շատ բացասաբար են ազդում հատկապես աղքատ մարդկանց կյանքի վրա, ուստի Հայաստանն այլ երկրների հետ միասին 2015-ին ստորագրել Է կլիմայի վերաբերյալ Փարիզյան համաձայնագիրը։  Այդ առումով երկիրը պարտավորություններ ունի, մասնավորապես, արտանետումների նվազեցման ուղղությամբ, հատկապես էներգետիկայի հատվածում եւ այլ բնագավառներում՚, - նշել է նա,  հավելելով, որ Եվրամիության կողմից ֆինանսավորվող նախագիծը կօգնի դա անել առավելագույնս արդյունավետ ձեւով, ինչպես նաեւ քաղաքականության այլ ոլորտներում, մասնավորապես ֆինանսական, տնտեսական ոլորտներում, կլիմայի փոփոխության վերաբերյալ նկատառումներ ներդնել:

 

Նշենք, որ նախագծի իրագործումը նախատեսված է 2019-2022  թթ., տարածաշրջանային նախագծի բյուջեն կազմում է շուրջ 8: 800 մլն եվրո, որից 8 մլն եվրոն ֆինանսավորում է անմիջականորեն ԵՄ-ն։

 

ՙՄիջոցներն արդեն հատկացվել են, դրանք կիրացվեն շրջակա միջավայրի նախարարության հետ համատեղ ՄԱԿ-ի Զարգացման ծրագրի գծով, և նախագիծը միտված է քաղաքականության որակի բարելավմանը, մասնավորապես, գյուղատնտեսական քաղաքականության, ֆինանսական և էներգետիկ ոլորտների, բոլորովին նոր մեխանիզմների մշակմանը, որոնք կօգնեն հաշվի առնել կլիմայի խնդիրները պետությունների զարգացման, բյուջեի պլանավորման մեջ, այն բանում, թե ինչպես է պետությունն իր միջոցները ներդնում ենթակառուցվածքների մեջ՝ հաշվի առնելով կլիմայական փոփոխությունները՚, - ասել է նա:

 

Բացի այդ, Մարյասինը գնահատական է տվել Բնապահպանության նախարարության նոր ղեկավարությանը ՝ բարձր գնահատելով այդ կապակցությամբ ստեղծված իրավիճակի ռազմավարական տեսլականը։

 

ՙՄենք շատ բարձր ենք գնահատում այն աշխատանքը, որ կատարում է նախարարությունը։  Նոր ղեկավարության գալով տրվել է բոլորովին նոր լիցք, և շատ կարևոր է, որ նախարարությունն ակտիվորեն աշխատում է ոչ միայն քաղաքական մակարդակով, այլև ներգրավում է լրացուցիչ ռեսուրսներ, սկսվում են նոր նախագծեր, և այդ առումով մենք նրանց առավելագույնս աջակցում ենք՚,- ասել Է դիվանագետը ։   ՀՀ բնապահպանության նախարարի տեղակալ Իրինա Ղափլանյանը հայտարարել է, որ Հայաստանն արդեն բախվել է կլիմայի փոփոխությանը, նշելով, որ Հայաստանում տեղի է ունեցել օդի ջերմաստիճանի 1,2% բարձրացում, և 9% - ով նվազել է տեղումների քանակը:

 

Միջոցառմանը ներկա բնապահպան Կարինե Դանիելյանը, իր հերթին,  կառավարությանը կոչ է արել  վերականգնել երկխոսությունը ճապոնական ընկերության հետ, որը պատրաստ էր Նուբարաշենի աղբավայրում կառուցել աղբի վերամշակման գործարան:

ՙԻշխանությունների սխալի հետևանքով կասեցվել են այդ աշխատանքները, ձևավորվել է կարծիք, թե ՙվատ ճապոնացիները՚ որոշել են մենաշնորհել մեր ՙհիանալի աղբը՚,- ասել է բնապահպանը, միաժամանակ, Հայաստանում բնապահպանական մշակույթը որակելով բոլոր մակարդակներում չափազանց ցածր, որը տարիների ընթացքում ոչ մի կերպ չի ձևավորվում: