Արմինֆո. Հայաստանի Հանրապետական կուսակցությունը պատրաստ է փոքրամասնություն կազմել խորհրդարանում: Հոկտեմբերի 26-ին ՀՀ Ազգային ժողովում կայացած ճեպազրույցի ժամանակ հայտարարել է ՀՀԿ խմբակցության ղեկավար Վահրամ Բաղդասարյանը:
Նա նշել է, որ մոտ ապագայում ՀՀԿ-ն հրապարակելու է իր որոշումը, կապված այն բանի հետ, թե արդյոք կմասնակցի արտահերթ խորհրդարանական ընտրություններին, թե ոչ: Բաղդասարյանը հայտարարել է, որ ՀՀԿ ցուցակը կլինի քաղաքական: «Ինչ վերաբերում է խմբակցության ցուցակը գլխավորողին, ապա առայժմ վաղ է խոսել», - ասել է Բաղդասարյանը, չհստակեցնելով կուսակցության ցուցակը Սերժ Սարգսյանի կողմից գլխավորելու հնարավորությունը:
«Մեր ցուցակը, անշուշտ, քաղաքական կլինի, որը պետք է համապատասխանի մեր դերին` որպես ընդդիմության: Մեզ համար երբեք ինքնանպատակ չի եղել խորհրդարանում ներկայացված լինելը, լինել մեծամասնություն կամ լինել իշխանության մեջ: Քաղաքական ուժերը պետք է պատրաստ լինեն այն բանին, որ կարող են լինել ինչպես իշխանություն, այնպես էլ ընդդիմություն», - ասել է ՀՀԿ խմբակցության ղեկավարը, նշելով, որ կուսակցական ներկայացուցիչները պատրաստ են խորհրդարանում լինել փոքրամասնություն: «Եթե մենք մտնենք խորհրդարան, ապա սեփական կարչծիքն արտահայտելու և մեր դեմքը վերականգնելու նպատակով: Մենք կլինենք արմատական և կառուցողական ընդդիմություն», - եզրափակել է Բաղդասարյանը: Միևնույն ժամանակ Հանրապետական խմբակցության ղեկավարն իր անհամաձայնությունն է արտահայտել ընտրությունների անցկացման շտապողականության առումով, քանի որ դա կուսակցություններին և դաշինքներին պատրաստվելու համար բավարար ժամանակ չի տալիս: Իր հերթին «Ծառուկյան» խմբակցության քարտուղար Վահե Էնֆիաջյանը հայտարարել է, որ կուսակցության ցուցակը կգլխավորի Գագիկ Ծառուկյանը: Նա հայտարարել է, իր և խմբակցության ներկայացուցիչների համար խորհրդարանում քաղաքական գործունեությունն ինքնանպատակ չէ: «Մենք կընդունենք դաշինքի ցանկացած որոշումը», - ասել է Էնֆիաջյանը:
Ինչ վերաբերում է նրան, թե որ տեղին է հավակնում կուսակցությունը, նա հայտարարել է,որ չի հասկանում այն ուժերի ներկայացուցիչներին, որոնք ընտրությունների են գնում երրորդ կամ չորրորդ տեղի հույսով: «Եթե որևէ քաղաքական ուժ որոշում է մասնակցել ընտրություններին, ապա պետք է հնարավորինս հստակ կազմել իր ծրագիրը, անցկացնել գրագետ քարոզարշավ: Անկասկած, վերջնական որոշումը կկայացնի ժողովուրդը, իսկ մենք կընդունենք ցանկացած որոշումը, սակայն, մենք ունենք կադրային մեծ ներուժ և լավ ծրագիր, հույս ունենք, որ մենք չենք հիասթափեցնի մեր ժողովրդին», - ասել է Էնֆիաջյանը:
«Ելք» խմբակցության քարտուղար Գևորգ Գևորգյանը նշել է, որ «Լուսավոր Հայաստան» և «Հանրապետություն» կուսակցությունները կմասնակցեն «Լույսի» դաշինքի ձևաչափով և հույս ունեն երկրորդ տեղն զբաղեցնել խորհրդարանում:
Ինչ վերաբերում է խորհրդարանի փոխխոսնակ Էդուարդ Շարմազանովի հայտարարությանը, որ «Լույս» դաշինքի ներկայացուցիչները Փաշինյանի կողմնակիցներն են և կդառնան նրա գրպանի ընդդիմությունը, Գեորգիսյանը նշել է, որ նման հայտարարությունները ծիծաղելի են: «Վարչապետի պաշտոնակատարը Նիկոլ Փաշինյանը կծիծաղեր նման զրույցների վրա: Հանրապետական կուսակցությունը փորձել է կառավարել ընդդիմությանը, և հիմա բոլորին իր արշինով է չափում: Բայց ոչ ոք մեզ չի կառավարի», - հավաստիացրել է պատգամավորը:
ՀՅԴ խմբակցության ղեկավար Արմեն Ռուստամյանը հայտարարել է, որ կուսակցությունը կմասնակցի արտահերթ ընտրություններին: «Դաշնակցությունը Հայաստանի հնագույն կուսակցություններից է, իր արժեքներով և փորձով, հետևաբար մենք կմասնակցենք արտահերթ ընտրություններին ինքնուրույն, և գտնում ենք, որ դա լավագույն ձևաչափն է: Մենք ունենք մեր կարծիքը, մեր տեսակետը և որոշակի մտահոգություններ մի շարք քաղաքական հարցերի առումով: Մենք ասելիք և անելիք դեռ ունենք, ՀՅԴ «Դաշնակցություն» կուսակցությունը Հայաստանի Ազգային ժողովի արտահերթ ընտրություններին կմասնակցի որպես ընդդիմություն»,- եզրափակել է Ռուստամյանը:
Հիշեցնենք, որ վաղ խորհրդարանական ընտրությունները նախատեսված են 2018 թվականի դեկտեմբերի: