Արմինֆո. ՀՀ Աժ փոխնախագահ Արփինե Հովհաննիսյանի և «Ծառուկյան» դաշինքի պատգամավոր Գևորգ Պետրոսյանի օրինագիծը դարձավ խորհրդարանական ուժերի գայթակղության քարը:
Փաստաթուղթը, որը նախատեսում է ԱԺ գործունեության ժամանակավոր դադարեցումը ֆորս մաժորային իրավիճակների դեպքում, այնքան էլ դուր չեկավ «Ելք» դաշինքին, որտեղ նրանք նկատեցին քաղաքական ենթատեքստ, որը տանում է խորհրդարանական արտահերթ ընտրությունների ձախողմանը: Փաստորեն, օրինագիծը, ընդունման դեպքում, հնարավորություն կստեղծի օրինական հիմքերով ԱԺ նիստեր չգումարել, եթե լինեն ֆորս-մաժորային իրավիճակներ, հանրահավաքներ, պատգամավորների վրա ճնշումներ: Այսինքն, իշխող կուսակցության պլանները, որ կարող է խորհրդարանականների վրա ճնշում գործադրել փողոցային գործողությունների միջոցով, ԱԺ-ն լուծարելու համար, կարող է ձախողվել, քանի որ այդ նախագիծը պատգամավորներին հնարավորություն է տալիս նման դեպքերում կգումարել նիստեր և չընդունել որոշումներ:
«Այս օրինագիծը ցույց է տալիս ՀՀԿ-ի և նրանց գործընկերների մտավախությունները առաջիկա խորհրդարանական ընտրությունների հետ կապված», - ասել է ԱԺ «Ելք» խմբակցության ղեկավար Լենա Նազարյանը, հավելելով, որ փաստաթուղթն ունի հստակ քաղաքական ենթատեքստ և նպատակ ունի իրականացնել որոշակի ուժերի նեղ շահերը:
«Ելք» խմբակցության մեկ այլ պատգամավոր`Հայկ Կոնջորյանը, անդրադառնալով օրինագիծն աջակցող ուժերին, ասել է, որ ժողովրդի ընտրյալները պետք է իրենց գործողությունները համակարգեն`համաձայն ժողովրդի կամքին, այլ ոչ թե դրա դեմ: «Հակառակ դեպքում, ոչ ոք չի կարող երաշխավորել ընթացիկ տարվա մայիսյան իրադարձությունների կրկնությունը, բայց ես կարծում եմ, որ դա բոլորի համար չափազանց անցանկալի սցենար է», - ասել է պատգամավորը:
Էդմոն Մարուքյանը, ով նույնպես ներկայացնում է «Ելք» խմբակցությունը, ասել է, որ խորհրդարանի կողմից հաստատված կառավարության ծրագիրը պարունակում է արտահերթ ընտրությունների մասին դրույթ, և դրանք տեղի կունենան: «Այլ բան է, որ մենք ցանկանում ենք դրան հասնել քաղաքական կոնսենսուսի միջոցով: Բայց այն, որ արտահերթ ընտրությունները Հայաստանում կանցկացվեն, թող ոչ ոք դրանում չկասկածի», - ասել է նա:
Միևնույն ժամանակ, բոլոր մյուս ուժերն արտահերթ ընտրություններ անցկացնելու հարցում միավորվել են Հանրապետական կուսակցության շուրջ, իսկ «Ելք» դաշինքը`վարչապետ Նիկոլ Փաշինյանի շուրջ, ինչպես ամիսներ առաջ:
Այսպես, Դաշնակցության պատգամավոր Արմենուհի Կյուրեղյանը, չնայած արտահերթ ընտրությունների մասին ՀՅԴ-ի ավելի վաղ արած հայտարարություններին, հավաստել է, որ ներկայումս դրա հրամայականը չի տեսնում, քանի որ այդ դեպքում Հայաստանում կձևավորվի միակուսակցական համակարգ: «Մենք արդեն ունենք նմանատիպ իրավիճակ Երևանի ավագանու ընտրություներից, որտեղ 80% -ը պատկանում է «Իմ քայլը» դաշինքին: Եկեք տեսնենք, թե այդ համակարգն ինչպես կանդրադառնա Երևանի կառավարման վրա, եթե իրեն արդարացնի, ապա այն կկիրառենք ողջ հանրապետությունում: Բայց հիմա չի կարելօի ողջ իշխանությունը փոխանցել մի քաղաքական ուժի, որը դեռ իրեն չի դրսևորել», - ասել է Կուրերեղյանը:
Ծառուկյան բլոկից պատգամավոր Լուիզա Սիմոնյանը, դիմելով «Ելք» դաշինքի պատգամավորներին, կոչ արեց չմտահոգել «Բարգավաճ Հայաստան» կուսակցության երևանյան ընտրությունների արդյունքների մասին: Ծառուկյանի դաշինքից խորհրդարանի փոխխոսնակ Միքայել Մելքումյանը հայտարարեց, որ կառավարությունը խախտում է խորհրդարանական ուժերի հետ պայմանավորվածությունը: «Սկզբում որոշվեց ընտրությունները անցկացնել 2019 թ. հունիսին, ի՞նչ տեղի ունեցավ, ինչի համար պետք շտապել, ինչու ենք մեզ ճնշում»: ասել է փոխնախագահը վրդովված:
Խորհրդարանի մյուս փոխխոսնակ Էդուարդ Շարմազանովը նշել է, որ ոչ ոք իրավունք չունի ճնշում գործադրել պատգամավորների վրա, յուրաքանչյուր պատգամավոր պետք է քվեարկի իր խղճի համաձայն: «Ազգային ժողովն ընտրվել է մինչև 2022 թվականը, և այն պետք է գործի մինչև այդ ժամկետը: Ես անձամբ մտադիր չեմ ոչ մի ճնշումների ներքո քվեարկել խորհրդարանի լուծարման օգտին», - ասել է նա, շեշտելով, որ Փաշինյանը ամեն օր նոր նախաձեռնություններ է անում:
Շարմազանովն անդրադարձավ նաև ՄԱԿ-ի ամբիոնից Փաշինյանի հայտարարությանը, որով նա նախկին իշխանություններին մեղադրեց ավտորիտարիզմի մեջ: «Ո՞ր ավտորիտար երկրի հետ է ԵՄ-ը ստորագրում համապարփակ ընդլայնված համագործակցության համաձայնագիր, ո՞ր ավտորիտար երկրում է հնարավոր է, որ ընդդիմադիր պատգամավոր Նիկոլ Փաշինյանը 9 հոգուց բաղկացած իր խմբակցությունով կատարի թավշյա հեղափոխություն, ավտորիտար երկրում չի կարող տեղի ունենալ անարյուն հեղափոխություն: Մեր օրակարգում պետք է լինի անվտանգության ապահովման և սոցիալ-տնտեսական խնդիրների լուծման թեմաները: Այս 5 ամիսներին խոստացվեց տնտեսական զարգացում, ներդրումներ, նոր աշխատատեղեր, և խորհրդարանի մեղքը չէ, որ այդ ամենը չկա: Խորհրդարանի լուծարումը չի օգնի կառավարության ծրագրերի իրականացմանը », - եզրափակել է փոխխոսնակը: