Արմինֆո. Կայունացման և զարգացման եվրասիական հիմնադրամի (ԿԶԵԱՀ) միջոցները կառավարող Եվրասիական զարգացման բանկը (ԵԱԶԲ) և Հայաստանի Հանրապետությունն ստորագրել են հիմնադրամի միջոցներից 1 մլն ԱՄՆ դոլարի դրամաշնորհի տրամադրման շուրջ համաձայնագիր` «Նախնական փուլում ոչ ինֆեկցիոն հիվանդությունների վերահսկողության և պրոֆիլակտիկ մեթոդների կատարելագործման» նախագծի ֆինանսավորման համար: Այդ մասին ԱրմԻնֆո-ին հաղորդել են ԵԱԶԲ մամուլի ծառայությունից: Ապրիլին համապատասխան փաստաթուղթ էին ստորագրել ԵԱԶԲ վարչության նախագահ Ա.Յու.Բելյանինովը և ՀՀ ֆինանսների նախարար Վ.Ս.Արամյանը:
Նախագիծը միտված է առաջին օգնության բուժհաստատություններում ոչ ինֆեկցիոն հիվանդությունների վաղ հայտնաբերման և բուժման պրոֆիլակտիկ մեթոդների կատարելագործմանը` Լոռու, Սյունիքի և Տավուշի մարզերում, որտեղ նախատեսվում է իրականացնել կրծքագեղձի մամոգրաֆիկ սքրինինգային հետազոտություններ՝ կանխարգելելու կանանց մոտ կրծքագեղձի չարորակ նորագոյացությունները: Հայաստանում կրծքագեղձի քաղցկեղը կանանց շրջանում գրավում է առաջին տեղը՝ քաղցկեղային հիվանդությունների շարքում: Վերջին տարիներին նկատվում է կրծքագեղձի քաղցկեղով հիվանդացության աճ: Հետազոտությունները նախատեսվում են իրականացնել կանանց 50-69 տարիքային խմբում՝ ապահովելով առնվազն 50 տոկոս ընդգրկվածություն: Ծրագրով նախատեսված են նաև բժշկական սարքավորումների ձեռքբերում (շարժական մամոգրաֆ), շարունակական բժշկական կրթության գործառույթներ և այլն: Ծրագրի գումարը կազմում է 1 մլն ԱՄՆ դոլար: Հետագայում շարժական մամոգրաֆի միջոցով կարելի է իրականացնել կրծքագեղձի մամոգրաֆիկ հետազոտություններ ՀՀ ողջ տարածքում: Մամոգրաֆիկ սքրինինգային հետազոտությունների միջոցով կարելի է վաղ շրջանում հայտնաբերել քաղցկեղն ու կանխարգելել հիվանդության զարգացումը: Սքրինինգային հետազոտությունները նպաստում են, ինչպես հիվանդացության, այնպես էլ մահացության ցուցանիշների նվազեցմանը՝ մասնավորապես աշխատունակ տարիքի բնակչության շրջանում:
Օգոստոսի 2-ին Հայաստանի կառավարության նիստում հավանության է արժանացել «ՀՀ-ի և Եվրասիական զարգացման բանկի միջև «Առողջապահության առաջնային օղակում ոչ վարակիչ հիվանդությունների կանխարգելման և վերահսկողության կատարելագործում» ծրագրի ֆինանսավորման համար Կայունացման և զարգացման եվրասիական հիմնադրամի միջոցներից դրամաշնորհի տրամադրման մասին» համաձայնագիրը հաստատելու մասին ՀՀ նախագահի հրամանագրի նախագիծը, որը կներկայացվի նախագահի հաստատմանը:
Եվրասիական զարգացման բանկը (ԵԱԶԲ) 2006 թվականի հունվարին Ռուսաստանի եւ Ղազախստանի կողմից ստեղծված միջազգային ֆինանսական կազմակերպություն է, որը նպաստում է մասնակից երկրների շուկայական տնտեսության զարգացմանը, դրանց կայուն տնտեսական աճին եւ փոխադարձ առեւտրի եւ տնտեսական կապերի ընդլայնմանը: Բանկի կանոնադրական կապիտալը կազմում է 7 մլրդ դոլար: Բանկի անդամ երկրներն են Հայաստանը, Բելառուսիը, Ղազախստանը, Ղրղըզստանը, Ռուսաստանն ու Տաջիկստանը:
Կայունության և զարգացման եվրասիական հիմնադրամը (ԿԶԵԱՀ) 8.513 մլրդ ԱՄՆ դոլար կապիտալով հիմնադրվել է 2009 թվականի հունիսի 9-ին, 6 երկրների կառավարությունների կողմից: Հիմնադրամի նպատակն է`աջակցել անդամ երկրներին համաշխարհային ֆինանսատնտեսական ճգնաժամի հետևանքները հաղթահարելու հարցում, ապահովել նրանց տնտեսական և ֆինանսական կայունությունը և աջակցել ինտեգրացիոն գործընթացներին տարածաշրջանում: Հիմնադրամի մասնակից պետությունները ԵԱԶԲ-ին լիազորել են կառավարել ԿԶԵՀ ֆինանսական միջոցները, նրա հետ ստորագրելով համապատասխան պայմանագիր:
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
Թեհրան. Հարավային Կովկասում օտարերկրյա զորքերի ներկայությունը չի նպաստում անվտանգության և կայունության հաստատմանը
Լավրով․Հայաստանի իշխանությունների միակողմանի զիջումները Հայաստանի սահմանները դարձնում են շարժական
"Ինչ լավ է, որ 50 մետր հեռավորության վրա Ադրբեջանն է". Փաշինյանը տավուշցիներին նշել է ադրբեջանցիների հետ առևտրի հեռանկարները
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Ռուս սենատոր. Հայաստանի իշխանությունների այսօրվա քաղաքականությունը կարող է հարված հասցնել տարածաշրջանային և համաշխարհային գործերում Երևանի հեռանկարներին
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
