Երեթշաբթի, 1 Մայիսի 2018 15:20

Արմինֆո. Անարդարության, կանխակալության, վախի եւ սահմանափակումների մթնոլորտը երկար տարիների ընթացքում համատարած ուղեկցել են Հայաստանի քաղաքացիներին: Ապրիլի 30-ին ԱԺ ամբիոնից այդ մասին հայտարարել է Հայաստանի վարչապետի թեկնածու Նիկոլ Փաշինյանը:

 

Նրա ասելով, երկրի քաղաքացիները դրան բախել են հասարակական կյանքում, տնտեսական գործունեություն իրականացնելիս, կրթություն ստանալիս, բանակում ծառայության եւ պետական ծառայության ընթացքում, աշխատանք եւ սեփական իրավունքների պաշտպանություն որոնելիս: Փաշինյանի համոզմամբ, հարկավոր է արագ եւ անդրդվելիորեն վերջ դնել դնել այս կործանարար համակարգին. «Այսլեւս Հայաստանի ոչ մի քաղաքացի չպետք է իրեն նվաստացած կամ անզոր զգա «լավ կապեր կամ ուժեղ թիկունք» չունենալու առումով:

 

«Օրինականությունը եւ Հայաստանի սահմանադրությունը պետք է դառնան այն ամուր հիմքը, որը պատկանում է ՀՀ յուրաքանչյուր քաղաքացու: Բոլոր մարդիկ հավասար կլինեն օրենքի առջեւ, եւ դա, առաջին հերթին, կվերաբերվի վարչապետի ընտանիքին, նրա ազգականներին եւ բարեկամներին: Կբացառվի իշխանության լծակների օգտագործումը գործարարության համար, իսկ պաշտոնյաների գույքի հայտարարագրման մասին օրենքը կփոխվի այնպես, որպեսզի Հայաստանի յուրաքանչյուր քաղաքացի համոզված լինի, որ հստակ գիտի, թե ինչ ունեցվածքի տեր է Հայաստանի յուրաքանչյուր պաշտոնյա եւ ինչպես է նրա գույքը բազմապատկվում այս կամ այն պաշտոնը վարելիս», - հավաստիացրել է Փաշինյանը, հավելելով, որ իշխանության ղեկին գտնվելիս ապօրինի հարստացումը պետք է հանգեցնի որոշակի հետեւանքների:

 

Միեւնույն ժամանակ, ընդդիմադիր գործիչը խոստացել է, որ վարչապետ ընտրվելու դեպքում անմիջապես կբացառի մենաշնորհները երկրում: Նրա ասելով, ոչ ոքի համար համար արգելք չի լինի երկիր այս կամ այն ապրանքը ներկրելիս: Պատգամավորը հատկապես ընդգծել է, որ իրենք մտադիր են դա անել ոչ թե հետապնդումների կամ որեւէ մեկի նկատմամբ ճնշում գործադրելու ճանապարհով, այլ առկա խոչընդոտները վերացնելու, տնտեսական մրցակցության գերիշխող դիրքի ապահովմման միջոցով՝ բացառելով չարաշահումները: Տնտեսության հիմքում պետք է լինեն գիտելիքը եւ նորարարությունը: Գերակայությունների թվում կլինի ճյուղային դիվերիֆիկացումը: Եվ մեր քաղաքականությունում հավասար ուշադրություն կհատկացվի տնտեսության բոլոր ճյուղերին՝ ներքին եւ արտաքին ցնցումներից ապահովագրվելու նպատակով», - ասել է վարչապետի թեկնածուն

 

Ընդ որում, նա ընդգծել է, որ սփյուռքի հետ հարաբերությունների հիմքում չպետք է լինի միայն ակնկալվող ֆինանսական աջակցությունը: Փաշինյանն ընդգծել է, որ հարկավոր է Սփյուռքի հզոր մտավոր եւ մասնագիտական ներուժը ներգրավել պետականաշինության գործում :

 

Միեւնույն ժամանակ, Փաշինյանը փաստել է, որ այսօր Հայաստանի հարյուր հազարավոր քաղաքացիներ աներեւակայելի հարկային բեռի տակ են, ինչը բազում սպառնալիքներ է ստեղծոմւ Հայաստանի համար: «Բազմաթիվ վարկային կազմակերպություններ, օգտվելով մարկանց անիրազեկությունից եւ ծանր վիճակից, չափազանց ծանր բեռ են դրել քաղաքացիների ուսերին: Մարդկանց ոչ միայն տրամադրվում են աներեւակայելի բարձր տոկոսադրույքներով վարկեր, այլեւ դրանց գումարվում է, աաաայսպես կոչված, տխրահռչակ վերեւների ինստիտուտը, երբ անելանելի վիճակում հայտնված քաղաքացիները, գյուղացիները ստիպված են ստցած վարկի 20-25 տոկոսը նվիրել վարկը տրամադրող պաշտոնյաին կամ կազմակերպությանը, հակառակ դեպքում՝ ոչինչ չեն ստանա», - փաստել է ընդդիմադիր գործիչը, ով կարծում է, որ անհրաժեշտ է ամենասեղմ ժամկետում լուծել այդ հարցը այնպես, որպեսզի այդ գործողություններից չտուժեն բանկերն ու վարկային կազմակերպությունները:

Նրա ասելով, այդ գործընթացը հարկավոր է կազմակերպել կշռադատված, առանց ցնցումների եւ բանակցությունների ու փոխհամաձայնության միջոցով:

Փաշինյանը նաեւ կարծում է, որ հարկավոր է, ընդհանուր առմամբ, փոխել քաղաքացու նկատմամբ երկրում ստեղծված վերաբերմունքը: Պատգամավորը նշել է, որ մինչեւ վերջին ժամանակները իշխանությունները ժողովրդին վերապահում էին ընդամենը մեկ գործառույթ, մասնավորապես՝ կատարել խախտում եւ դրա համար տուգանվել, դրանով իսկ ապահովելով կայուն եկամուտ որոշ օղակների համար: «Հարկավոր է վերջ դնել այդ կործանարար գաղափարախողությանը, հայ ժողովուրդը ոչ թե տուգանքների եւ խախտոււմների համար է, այլ՝ արարման եւ նորարության համար», - ասել է պատգամավորը:

Վարչապետի պաշտոնի թեկնածուն հավաստիարել է, որ Հայաստանում եւ Սփյուռքում ժողովրդական շարժումը կուտակել է հզոր էներգիա, որի ծավալներն ի զորու են ոչ միայն կասեցնել արտագաղթը, այլեւ իրագործել մեր ամենամեծ երազանքը՝ հայրենադարձության մեծ գործընթաց:

Նա նաեւ համոզմունք է հայտնել, որ ժողովրդի թեկնածուին Հայաստանի վարչապետի պաշտոնում ընտրելու դեպքում երկիր կհոսեն բազմամիլիարդավոր ներդրումներ, կստեղծվեն տասնյակ հազարավոր աշխատատեղեր, միլիոնավոր հայեր կվերադառնան երկիր: Նրա ասելով, հենց դա կդառնա Լեռնային Ղարաբաղի հակամարտության հաջող կարգավորման, երկրի դինամիկ զարգացման, մարդկային ռեսուրսի ճգնաժամի հաղթահարման, Հայաստանի ԶՈՒ մարտունակության բարձրացման, աղքատության վերացման գրավական:

Փաշինյանը նաեւ հաղորդել է, որ իր գլխավորած «Քայլ արա» նախաձեռնության հիմնական առաքելությունը Հայաստանի քաղաքացիների հաղթանակի ապահովումն է: Այդ առնչությամբ նա ընդգծել է ընտությունների ինստիտւտի վերականգնման կարեւորությունը, երբ ապահովվում է ընտրական գործընթացի ազատությունը, թափանցիկությունն ու արդարությունը:

Իր ելույթի վերջում Փաշինյանն ընդգծել է, որ խորհրդարանում քննարկումներն այն մասին չեն, թե ով կընտրվի երկրի վարչապետ, այլ այն մասին է, թե ով է կիսում սեփական ժողովրդի երջանկությունը, եւ ով է, որ չի կարող իրեն երջանիկ զգալ, քանի դեռ չի դժբախտացրել սեփական ժողովրդին: Ընդ որում, նա ընդգծել է, որ ժողովրդի հաղթանակը պետք է արձանագրվի այսօրվա ընտրությամբ: