Արմինֆո. Լիբերալների և դեմոկրատների եվրոպական Դաշինքի համար շատ կարևոր է գործընկերներ ունենալ նաև ԵՄ-ից դուրս, և այս համատեքստում մենք շատ բարձր ենք գնահատում մեր հետ հարաբերությունները Հայ ազգային կոնգրեսի հետ: Այս մասին փետրվարի 16-ին Երևանում կայացած մամլո ասուլիսում հայտարարել է Դաշինքի փոխնախագահ Հենրիկ Բախ Մորտենսենը:
Նա նշել է, որ Դաշինքի հիմնական խնդիրը լիբերալիզմի կառույցն է և հույս է հայտնել, որ ազատական արժեքները Հայաստանում կստանան մեծ ճանաչում: Նրա խոսքերով, ազատականության հիմնարար սկզբունքներն են`խոսքի ազատությունը և ընտրության ազատությունը, մարդու իրավունքների պաշտպանությունը, արդարադատության համակարգի անկախությունը և այլն: Միևնույն ժամանակ, փոխնախագահը նշել է, որ Դաշինքի ներկայացուցիչները երբեք չխառնվել իրենց գործընկերների ներքին գործերին, քանի որ յուրաքանչյուր երկիր ունի իր սեփական ազգային առանձնահատկությունը:
Մորտնեսենն անդրադարձել է նաև ղարաբաղյան հակամարտության կարգավորմանը, նշելով, որ այդ հակամարտությունը շատ բարդ է իր կառուցվածքով: «Եվրոպայում բոլոր քաղաքական ուժերը կողմ են այդ հակամարտության խաղաղ կարգավորմանը, և մենք հավատում ենք, որ այն պետք է լուծվի ԵԱՀԿ Մինսկի խմբի շրջանակներում: Եթե կա հակամարտություն լուծելու ցանկություն, ապա պետք է ջանք գործադրել այդ ուղղությամբ, և ոչ թե ապակայունացնել հակամարտությունը», - եզրափակեց Մորտենսենը:
Իր հերթին «Հայ ազգային կոնգրես» ընդդիմադիր կուսակցության փոխնախագահ Լևոն Զուրաբյանը նշել է, որ ՀԱԿ-ի ներկայացուցիչները Հայաստանում Դաշինքի միակ ներկայացուցիչներն են: Նա ընդգծել է, որ ՀԱԿ-ի ներկայացուցիչները եվրոպացի գործընկերների հետ քննարկել են Հայաստանում ազատականության զարգացման ուղիները`հաշվի առնելով Հայաստանի բոլոր բարդությունները և առանձնահատկությունները: «Երկրում լիբերալիզմի զարգացման համար պետք է զարգացնել բիզնեսի ոլորտը, ինչպես նաև պետք է զարգանա առևտուրը: Այդ ոլորտի զարգացման համար Հայաստանն ունի արտաքին ու ներքին խոչընդոտներ: Արտաքին արգելքները կապված են Թուրքիայի և Ադրբեջանի կողմից Հայաստանի շրջափակման հետ», - հայտարարել է Զուրաբյանը , նշելով, որ բացի դրանից սրորեն է դրված նաև ԵՄ և ԵԱՏՄ դիմակայության հարցը:
Քաղաքական գործիչը նշել է, որ, վերջին տարիներին Եվրոպայի և Ռուսաստանի միջև հարաբերությունը չափազանց լարված են, հետևաբար, Հայաստանի համար, որպես ԵԱՏՄ անդամի, դժվար է իրականացնել ազատ առևտուր, ինչպես ԵՄ անդամ պետությունների հետ, ինչպես նաև այն երկրների հետ, որոնք ստորագրել են ասոցիացաումը: «Մեզ համար դա շատ կարևոր է առևտուրը մեր հարևանների հետ, մասնավորապես, Վրաստանի հետ առևտուրը բարդանում է, քանի որ Վրաստանն այն երկիրն է, որը ԵՄ հետ ստորագրել է ասոցացման համաձայնագիրը: Այս առումով, ես կարծում եմ, որ Հայաստանն ու Վրաստանը, հաշվի առնելով նրա դարավոր բարեկամությունը, պետք է հավասարակշռեն երկու հակադիր կողմերին և կամուրջ դառնան ԵՄ և ԵԱՏՄ միջև», - ասել է Զուրաբյանը:
Քաղաքագետը նաև նշել է, որ առևտրի հետ կապված ներքին խնդիրները ոչ պակաս կարևոր են, քան արտաքինը: «Հայաստանում ծաղկում են մենաշնորհները, և կոռուպցիան: Էլիտան իր մեջ բաժանել է Հայաստանի ներմուծման ողջ շարքը, հետևաբար, այդ ոլորտը մեր երկրում մրցակցային չէ: Սակայն մենք կարծում ենք, որ այդպես շաարունակվել չի կարող, և ՀԱԿ-ի հիմնական օրակարգային հարցերից մեկն էլ լուծում գտնել և կոտրել այդ արատավոր շրջանը», - եզրափակել է Լևոն Զուրաբյանը:
Նշենք, որ Դաշինքը ներառում է 40 եվրոպական երկրների 60 կուսակցությունների: