Արմինֆո. ՀՀ կառավարությունը «Հայաստանի Հանրապետություն-Ռեսպուբլիկա Արմենիա» և «Հանրապետություն» փակ բաժնետիրական ընկերությունները «Արմենպրես» փակ բաժնետիրական ընկերությանը միացման ձևով վերակազմակերպելու որոշում է կաայցրել: Այդ մասին որոշում է կայացվել կառավարութհշյան նոյեմբերի 9-ի նիստում:
Ինչպես նշվում է ընդունված նախագծի հիմնավորման տեղեկանքում, կառավարության որոշման նախագծի ընդունման անհրաժեշտությունը պայմանավորված է այն հանգամանքով, որ երեք ՓԲԸ-ների գործառույթները մասամբ համընկնում են:
Նշվում է, որ«Հայաստանի Հանրապետություն-Ռեսպուբլիկա Արմենիա» և «Հանրապետություն» փակ բաժնետիրական ընկերությունները «Արմենպրես» փակ բաժնետիրական ընկերությանը միացման ձևով վերակազմակերպելու արդյունքում հնարավոր կլինի կենտրոնացնել երեք կազմակերպությունների ռեսուրսները՝ աշխատանքի առավել արդյունավետ կազմակերպման նպատակով: Բացի այդ, այդ երեք ՓԲԸ-ների միացումը հնարավորություն կտա տնտեսել պետական բյուջեի միջոցները, կհանգեցնի կրկնվող գործառույթների օպտիմալացմանն ու կրճատմանը, ինչպես նաև ոլորտի առավել արդյունավետ կազմակերպմանը:
«Արմենպրես» փակ բաժնետիրական ընկերության հիմնադրի լիազոր ներկայացուցիչներն են՝ Հանրային կապերի և տեղեկատվության կենտրոն» ՊՈԱԿ-ի տնօրենը՝ 50% բաժնետոմսով, ՀՀ վարչապետի մամուլի քարտուղարը՝ 25 տոկոս բաժնետոմսով, կառավարության աշխատակազմի տեղեկատվության և հասարակայնության հետ կապերի վարչության պետը՝ 25 տոկոս բաժնետոմսով: