Արմինֆո. Եվրախորհրդի խորհրդարանական վեհաժողովում Հայաստանի պատվիրակությունն առաջարկում է չեղարկել այն պատգամավորների զեկույցները, ում անուններնն առնչվում են Ադրբեջանի մասնակցությամբ կոռուպցիոն սկանդալին:
Ինչպես ԵԽԽՎ ամբիոնից հայտարարել է Հայաստանի պատվիրակության ղեկավար, ԱԺ փոխխոսնակ Արփինե Հովհաննիսյանը, վեհաժողովի պատվիրակներին վստահություն չեն կարող ներշնչել այն պատգամավորների նախապատրաստած զեկույցները, որոնք ներգրավված են կոռոպցիոն սկանդալներում, այդ թվում` Բաքվի մասնակցությամբ, հատկապես, եթե այդ զեկույցներտը վերաբերում են հենց Ադրբեջտանին: «Դեհ, ինչպե՞ս կարող ենք վստահել Ադրբեջանի վերաբերյալ Ալան Դեշտեքսի նախապատրաստած զեկույցին, եթե նրա անունն արծարծվում է Բաքվի մասնակցությամբ սկանդալում: Ի՞նչ պետք է անենք այդ դեպքում: Եթե չընդունված զեկույցները դեռ կարելի է ինչ-որ կերպ վերանայել կամ չեղարկել, ապա ինչպե՞ս վարվել ընդունված փաստաթղթերի հետ, որոնք նախապատրաստել են հենց ադրբեջանական լոբբիստները` ի շահ Բաքվի՚, - հարց է տվել հայ խորհրդարանականը: Այդ առնչությամբ Հայաստանի պատվիրակության անդամ Նաիրա Զոհրաբյանն առաջարկել է չեղարկել բոլոր զեկույցները, որոնք նախապատրաստել են կոռուպցիոն սկանդալների` Բաքվի նավթադոլարներով սնուցվող մասնակիցները:
Transparency International կազմակերպությունն, իր հերթին, ԵԽԽՎ-ին կոչ է արել կոռուպցիայի մասին պնդումների համատեքստում և նախագահի հրաժարականի առնչությամբ խիստ հակակոռուպցիոն միջոցներ ձեռնարկել, այդ թվում` պատժամիջոցներ ԵԽԽՎ կոռումպացված անդամների նկատմամբ` Վեհաժողովի հանդեպ վստահությունը վերականգնելու նպատակով: Transparency International-ը ողջունել է կոռուպցիայի դեմ պայքարի կանոնների խստացման մասին բանաձևի շուրջ այս շաբաթ նախատեսվող քվեարկությունը ԵԽԽՎ-ում, սակայն կազմակերպությանը կոչ է արել արագ զբաղվել արդեն գոյություն ունեցող մեղադրանքներով: Իր հայտարարությունում կազմակերպությունը վկայակոչում է վերջերս հրապարակված հետաքննությունը, որի համաձայն, ԵԽԽՎ ներկայի և նախկին անդամները միջոցներ են ստացել արտասահմանում Ադրբեջանի իմիջն առաջ մղելու համար: Transparency International-ի կառավարող տնօրեն Պատրիսիա Մորեյրայի համոզմամբ, Ադրբեջանից ֆինանսական շահ ստածած ԵԽԽՎ ներկա և նախկին անդամների նկատմամբ պետք է հետաքննություն իրականացվի, և, վերջին հաշվով, նրանցով պետք է զբաղվեն իրենց երկրների իշխանությունները: Կազմակերպությունում կարծում են, որ հետաքննությունում հիշատակվող երկրներում պետք է սկսեն սեփական հետաքննությունները` քաղաքական կոռուպցիայի վերաբերյալ հաղորդումների առնչությամբ: Transparency International-ը նաև Եվրախորհրդին կոչ է անում ստեղծել հետաքննությունների մշտապես գործող գրասենյակ` որպես փողերի հետագա լվացման և կաշառակերության բացահայտման արդյունավետ մեխանիզմ: «Եվրախորհուրդն ու նրա անդամ պետությունները նաև պետք է ընդունեն ընթացակարգեր, որոնք թույլ կտան բացառել ամբողջականության կանոնները խախտող և կաշառք վերցնող երկիրը՚, - ասվում է կազմակերպության հայտարարությունում:
Արմինֆո.Եվրախորհրդի խորհրդարանական վեհաժողովում Հայաստանի պատվիրակության անդամ, ԱԺ փոխխոսնակ Միքայել Մելքումյանը ԵԽԽՎ ամբիոնից մտահոգություն է հայտնել Ադրբեջանի և միջազգային կառույցների մասնակցությամբ կոռուպցիոն սկանդալների առնչությամբ, ընդգծելով, որ այդ ամենը խարխլում է այդ կազմակերպությունների հեղինակությունը և խոչընդոտում է դրանց բնականոն գործունեությանը:
Արմինֆո.Եվրախորհրդի խորհրդարանական վեհաժողովի ղեկավարի ընտրությունների առաջին փուլում հայկական պատվիրակությունն աջակցել է Կիպրոսի ներկայացուցիչ Ստելա Կիրիակիդեսի թեկնածությանը:
Արմինֆո. Եվրախորհրդի խորհրդարնական վեհաժողովի նախագահ Պեդրո Ագրամուտը հրաժարական է տվել: