Արմինֆո.ԱՄՆ կառավարությունն առայժմ Անկարային չի խնդրել դիվանագիտական անձեռնմխելությունից զրկել նախագահ Ռեջեփ Էրդողանի թիկնապահներին, որոնք մայիսի 16-ին Վաշինգտոնում մասնակցել են խաղաղ ցուցարարների նկատմամբ բռնությանը: Այդ մասին ասվում է Կոնգրեսի հարցմանը պետքարտուղար Ռեքս Թիլերսոնի գրավոր պատասխանում:
Ինչպես ԱրմԻնֆո-ին հաղորդել են Ամերիկայի հայ ազգային կոմիտեից (ANCA), Թիլերսոնը նաև հաղորդել է, որ տեղյակ չէ, թե արդյոք Էրդողանը ներողություն խնդրել է կամ ափսոսանք հայտնել է այդ իրադարձությունների համար: Միևնույն ժամանակ, Թիլերսոնը նշել է, որ Պետդեպարտամենտն այդ հարցի շուրջ աշխատում է արդարադատության դեպարտամենտի հետ:
«Մենք ողջունում ենք Թիլերսոնի կողմից այն բանի խոստովանումը, որ Էրդողանը համառորեն չի ցանկանում ներողություն խնդրել մայիսի 16-ի միջադեպի առնչությամբ: Միևնույն ժամանակ, մենք առաջվա նման մտահոգված ենք այն առնչությամբ, որ ամերիկյան հողի վրա խաղաղ ցուցարարների նկատմամբ օտարերկրյա հարձակումից գրեթե հինգ ամիս անց ԱՄՆ կառավարությունը դեռ իրավաբանական և դիվանագիտական քայլեր չի ձեռնարկել այդ մարդկանց ԱՄՆ վերադարձնելու և դատարանի առջև կանգնեցնելու համար՚, - ասել է ANCA գործադիր տնօրեն Արամ Համփարյանը:
Հիշեցնենք, որ օգոստոսի 31-ին ԱՄՆ մեծ ժյուրին մեղադրական եզրակացություն է կայացրել Վաշինգտոնում Թուրքիայի դեսպանի նստավայրի մոտ խաղաղ ցուցարարների նկատմամբ հարձակման 19 մասնակիցների նկատմամբ, որոնցից 15-ը Թուրքիայի նախագահ Ռեջեփ Էրդողանի անվտանգության ծառայության աշխատակիներ են: Ընդ որում, բոլոր 19 անձանց մեղարդանք է ներկայացվել ատելության հողի վրա հանցագործության նպատակով դավադրության մասին հոդվածի հատկանիշներով, ինչը կոշտ է ընդունվել Թուրքիայում:
Արմինֆո. Թուրքիայի ԱԳՆ պաշտոնական ներկայացուցիչ Հուսեին Մուֆթուողլուն հանդես է եկել հայտարարությամբ ԱՄՆ Կոնգրեսի ներկայացուցիչների պալատում 354 բանաձևի ընդուման առնչությամբ, որը դատապարտում է Վաշինգտոնում Թուրքիայի դեսպանատան մոտ խաղաղ ցուցարարների նկատմամբ բռնությունը: «Երեկ երեկ երեկոյան ԱՄՆ Կոնգրեսի ներկայացուցիչների պալատն ընդունել է չհիմնավորված որոշում, որի օգտին ավելի վաղ քվեարկել էր պալատի արտաքին գործերի կոմիտեն: Օրենսդիրների ձեռնարկած քայլերը, որոնք փորձում են քաղաքականացնել այդ հարցը, ապակառուցողական են: Դա նաև հակասում է Թուրքիայի և ԱՄՆ միջև դաշնակցության և գործընկերության ոգուն», - ասվում է Մուֆթուողլուի հայտարարությունում, որը հրապարակվել է Թուրքիայի ԱԳՆ կայքում:
Արմինֆո. ԱՄՆ Կոնգրեսի Ներկայացուցիչների պալատը միաձայն ընդունել է թիվ 354 բանաձևը, որը դատապարտում է մայիսի 16-ին Վաշինգտոնում Թուրքիայի դեսպանատան մոտ խաղաղ ցուցարարների նկատմամբ բռնությունը: