Արմինֆո. Հայաստանի և Բելառուսի միջև կան բոլոր նախադրյալները` միջուկային բժշկության ոլորտում երկկողմ համագործակցության զարգացման համար, առավել ևս, որ ստորագրվել և վավերացվել է միջուկային էներգիայի խաղաղ օգտագործման ոլորտում համագործակցության շուրջ միջկառավարական համաձայնագիրը:
ԱրմԻնֆո-ի թղթակցի հետ զրույցում այդ մասին հայտարարել է Բելառուսի պետական բժշկական համալսարանի ճառագայթային բժշկության և էկոլոգիայի ամբիոնի դոցենտ, բ.գ.թ. Արամ Ավետիսովը: Նրա հավաստմամբ, Բլառուսում առաջին քայլերն են արվել բժշկության այդ տեսակի զարգացման ուղղությամբ: Կան ամենաժամանակակից տեխնոլոգիաներ, այդ թվում` պոզիտրոնաէմիսիոն տոմոգրաֆիա, որը բժշկական տեղեկատվության օպերատիվ ստացման մյուս տեխնոլոգիաների հետ միասին անվանում են «բժշկական տեղեկատվության վիզուալացում՚: «Դա մոդայի վերջին ճիչն է և հարգանքի տուրք արագությանն ու արդյունավետությանը` համեմատաբար ոչ բարձր գնի ֆոնին՚, - ասել է Արամ Ավետիսովը, համոզմունք հայտնելով, որ համատեղ ջանքերով կարելի է լավ արդյունքի հասնել այդ ուղղությամբ: Պոզիտրոնաէմիսիոն և համակարգչային տոմոգրաֆիայի տեխնոլոգիան թույլ է տալիս ոչ միայն օպերատիվ ուսումնասիրել, թե ինչ տեսք ունեն օրգանների և հյուսվածքների այս կամ այն պաթոլոգիական տեղամասերը, այլև տեսնել, թե ինչպես է դրանցում ընթանում նյութափոխանակությունը, ինչպես են այդ հյուսվածքները տեղաբաշխված հարևան օրգանների նկատմամբ: Քաղցկեղային բջիջները մյուսներից ավելի ակտիվ են բազմանում, ուստի ավելի շատ գլյուկոզա են սպառում: Հետազոտությունից առաջ հիվանդի օրգանիզմ է ներարկվում ռադիոակտիվ ֆտորի նիշակիր գյլուկոզա, և հենց այն էլ պոզիտրոնաէմիսիոն տոմոգրաֆիայի սկաների օգնությամբ ցույց է տալիս ուռուցքի տեղն ու չափերը: Դա բժիշկներին թույլ է տալիս տեսնել քաղցկեղի «պատկերը՚, բացահայտել հիվանդության մանրագույն օջախները: Ընդ որում, այդ ընթացակարգը միանգամայն անցավ է: Ախտորոշման արդյունքների մասին հիվանդն իմանում է հենց հետազոտության օրը: «Իհարկե, մենք պետք է գնանք նրանց հետևից, ով անցել է որոշակի ճանապարհ և ունի անհրաժեշտ փորձ: Խոսքը վերաբերում է Ճապոնիային, ԱՄՆ-ին, Եվրամիության երկրներին՚, - նշել է փորձագետը, հույս հայտնելով Հայաստանի և Բելառուսի միջև համագործակցության հաստատման, որը կհանգեցնի նաև համատեղ ծրագրերի իրագործման: «Առանց միջուկային բժշկության այսօր անհնար է ապրել, քանի որ խոսքը վերաբերում է ախտորոշման և բուժման անվտանգ և արդյունավետ միջոցին` ժամանակակից տեխնոլոգիաների կիրառմամբ՚, - փաստել է Արամ Ավետիսովը, հավելելով, որ այդ տեխնոլոգիայի կիրառումից հետո բնակչության առողջությունը միայն կբարելավվի: Փորձագետն ընդգծել է, որ ուռուցքաբանության ոլորտը բնավ միջուկային բժշկության կիրռաման միակ ոլորտը չէ` թեև առավել պահանջվածն է: Այդ բնագավառին անհրաժեշտ է դասել նաև սրտաբանությունն ու նյարդաբանությունը, որոնցում ակտիվորեն կիրառվում են ամենաժամանակակից միջուկային տեխնոլոգիաները: Մասնավորապես, այսօր կան միջուկային բժշկության օգնությամբ աջ և ձախ ստամոքսների գործունեությունը գնահատելու, սրտամկանի արյան մատակարարումը վիզուալացնելու, էպիլեպսիայի օջախը հայտնաբերելու, գանգուղեղային վնասվածքների հետևանքների վիզուալացման բոլոր հնարավորությունները:
Սակայն դեպքերի մեծ մասմում միջուկային բժշկությունը, այնուամենայնիվ, կոչված է լուծելու ուռուցքային հիվանդությունների բուժման խնդիրները: Փորձագետը նշել է, որ միջուկային բժշկությունը լուծում է այնպիսի խնդիրներ, ինչպես` ուռուցքների, մետաստազների և ռեցիդիվների հայտնաբերումը, ուռուցքային գործընթացի տարածման աստիճանի որոշումը, հիվանդությունների դիֆերենցիալ ախտրոշումը, ինչպես նաև չարորակ նորագոյացությունների բոժումը, և հակաուռուցքային թերապիայի արդյունավեռության գնահատումը: Միջուկային բժշկության ժամանակ կիրառվող ախտորոշման եղանակները չափազանց արդյունավետ են լիմֆոմայի, թոքերի քաղցկեկղի, գլխի և պարանոցի, կերակրափողի, ստամոքսի, ենթաստամոքսային գեղձի, ձվարանների, կաթնագեղձի և այլ ուռուցքների դեպքում: Ընդհանուր առմամբ, բժշկության զարգացման շնորհիվ կյանքի միջին տևողությունը, հատկապես, զարգացող երկրներում, ավելանում է:
Նշենք, որւ ԱԷՄԳ տվյալներով, ամեն տարի միջուկային բժշկության ծառայությունների նկատմամբ պահանջարկն աշխարհում կաճի 10-22 տոկոսով: Միջուկային բժշկության բնագավառում նվաճումների արժեքն այն հիվանդությունների վաղ փուլում հայտնաբերումն է, որոնք չեն ախըտորոշվում այլ եղանակներով: Ուռուցքային հիվանդությունների վաղ ախտորոշումն զգալիորեն մեծացնում է հիվանդի ապաքինման հնարավորությունը:
Քաղաքագետ. Հայաստանում իրավիճակը փոխելու միակ հնարավորությունը վաղաժամկետ խորհրդարանական ընտրությունների անցկացումն է
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
"Խաղաղության խաչմերուկն" իրականությունից կտրված նախագիծ է
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
Երևանում մայիսմեկյան երթ կանցկացվի. Խաղաղություն, աշխատանք, Մայիս
Թեհրան. Հարավային Կովկասում օտարերկրյա զորքերի ներկայությունը չի նպաստում անվտանգության և կայունության հաստատմանը
Լավրով․Հայաստանի իշխանությունների միակողմանի զիջումները Հայաստանի սահմանները դարձնում են շարժական
"Ինչ լավ է, որ 50 մետր հեռավորության վրա Ադրբեջանն է". Փաշինյանը տավուշցիներին նշել է ադրբեջանցիների հետ առևտրի հեռանկարները
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Ռուս սենատոր. Հայաստանի իշխանությունների այսօրվա քաղաքականությունը կարող է հարված հասցնել տարածաշրջանային և համաշխարհային գործերում Երևանի հեռանկարներին
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
