Արմինֆո.Կենտրոն և Նոր Նորք վարչական շրջանների ընդհանուր իրավասության դատարանում շարունակվում է «Իգլա» ԴԶՀՀ ապօրինաբար Հայաստան ներկրելու փորձին առնչվող գործով դատական նիստը՝ դատավոր Արշակ Վարդանյանի նախագահությամբ:
Դատախազ Արամ Արամյանն այսօր մեղադրանք է ներկայացրել ամբաստանյալ Սամվել Բաբայանին (Արցախի նախկին պաշտպանության նախարար): Ըստ ներկայացված մեղադրանքի, Բաբայանը մի խումբ անձանց դրդել է ապօրինի կերպով «Իգլա» ԴԶՀՀ ձեռք բերել, փոխադրել և պահել, ինչպես նաև փոխարկման արդյունքում ձեռք է բերել հանցավոր ճանապարհով ստացված գույք: Ըստ մեղադրանքի՝ Սամվել Բաբայանը, նյութապես շահագրգռելով Վաղարշապատի բնակիչ Սանասար Գաբրիելյանին փնտրել, ապօրինի կերպով ձեռք բերել զենիթահրթիռային համալիր՝ խոստացել է դրա դիմաց վճարել 50 000 ԱՄՆ դոլար: Սանասար Գաբրիելյանը հանցավոր մտադրությունը իրականացնելու համար դիմել է Արմեն Պողոսյանին և Վրաստանում գործարար կապեր ունեցող Հրաչյա Մայիլյանին՝ խոստանալով տրամադրել նախապես խոստացված գումարը: Ըստ ձեռք բերված նախնական համաձայնության՝ հանցավոր մտադրությունն իրականացնելու համար Սանասար Գաբրիելյանը, Հրաչյա Մայիլյանն ու Արմեն Պողոսյանը 2016 սեպտեմբերի 1-ին մեկնել են Վրաստան և փորձել են գտնել պահանջվող զենիթահրթիռային համալիրը:Այնուհետև նրանք պարբերաբար և առանձին-առանձին մեկնել են Վրաստան: Վրաստան հերթական այցելության ժամանակ Արմեն Պողոսյանը և Հրաչյա Մայիլյանը 2017 թվականի փետրվարի 22-ին հանցավոր համաձայնության են եկել ՀՀ քաղաքացի, վերջին մի քանի տարիներին Վրաստանում բնակվող Ռոբերտ Ավագյանի հետ, ով պատրաստակամություն է հայտնել 38 000 դոլարի դիմաց տրամադրել պահանջվող զենիթահրթիռային համալիրը, և Հրաչյա Մայիլյան «Իգլան» տեղափոխել է Վաղարշապատ:
Սամվել Բաբայանն իրեն առաջադրված մեղադրանքի վերաբերյալ այսօր դատարանում հայտարարել է, որ իրեն մեղավոր չի ճանաչում, քանի որ իրենց մեղադրում են Վրաստանից զենք տեղափոխու համար, հետո կարճում են, ասում են նման բան չի եղել: «Ես պատասխանատու եմ իմ ամեն արած քայլի համար, բացատրություններ էլ ունեմ տված և կտամ: Ես ինձ մեղավոր չեմ ճանաչում, դա հորինված, մտածված մեղադրանք է, պատրաստ եմ բոլոր հարցերին պատասխանելու, ոչ մի հարցից չեմ խուսափում», - հայտաևրարել է նա:
Ամբաստանյալներ Դավիթ Հարությունյանն ու Ժորա Զաքարյանը դիրքորոշում չեն հայտնել իրենց առաջադրված մեղադրանքի վերաբերյալ, Անդրանիկ և Կարեն Քոչարյանները չեն ընդունել իրենց առաջադրված մեղադրանքը: Սանասար Գաբրիելյանին և Արմեն Պողոսյանին մեղադրանք է առաջադրվել այն բանի համար, որ նրանք մի խումբ անձանց հետ` նախնական համաձայնությամբ ապօրինի կերպով ձեռք են բերել, փոխադրել և պահել ռազմամթերք հանդիսացող «Իգլա» տեսակի դյուրակիր զենիթահրթիռային համալիր: Նրանք մեղադրվում են ՀՀ ՔՕ-ի 235-րդ հոդվածի 2-րդ մասով նախատեսված արարք կատարելու մեջ: Մեղադրյալներից Արմեն Պողոսյանն ասել է, որ իրեն առաջադրված մեղադրանքի վերաբերյալ չի ցանկանում դիրքորոշում հայտնել, իսկ Սանասար Գաբրիելյանի համար մեղադրանքը հասկանալի չէ, ուստի նա իրեն մեղավոր չի ճանաչել:
Հիշեցնենք, որ «Իգլա» ԴԶՀՀ գործով անցնում է յոթ ամբաստանյալ՝ Արցախի հերոս Սամվել Բաբայանը, Սանասար Գաբրիելյանը, Արմեն Պողոսյանը, Կարեն Քոչարյանը, Անդրանիկ Քոչարյանը, Ժորա Զաքարյանը և Դավիթ Հարությունյանը:
Արմինֆո. Արցախի պաշտպանության նախկին նախարար Սամվել Բաբայանն ընդունել է իր առնչությունը ռազմամթերքի ապօրինի շրջանառությանը, հայտնում է ՀՀ Գլխավոր դատախազությունը:
Արմինֆո. Ի պատասխան տարբեր լրատվամիջոցների բազմաթիվ հարցումների՝ ՀՀ Ազգային անվտանգության ծառայության մամուլի կենտրոնը հայտնել է, որ մաքսանենգ եղանակով Հայաստանի Հանրապետություն «Իգլա» տեսակի զենիթա-հրթիռային համալիր տեղափոխելու փաստի առթիվ հարուցված քրեական գործի շրջանակներում այս պահին ձերբակալված են 3 անձ, այդ թվում՝ ՀՀ քաղաքացի Սամվել Բաբայանը։ Այս մասին հայտնել են ԱԱԾ մամուլի ծառայությունից:
Քաղաքագետ. Հայաստանում իրավիճակը փոխելու միակ հնարավորությունը վաղաժամկետ խորհրդարանական ընտրությունների անցկացումն է
Հայ գեներալը բացառել է հայ-թուրքական սահմանին որևէ սադրանք, քանի դեռ այնտեղ ծածանվում է Ռուսաստանի դրոշը
"Խաղաղության խաչմերուկն" իրականությունից կտրված նախագիծ է
ԵՄԱ ղեկավար. Եթե ԵՄ-ը մնա այն միավորումը, որպիսին հանդես է եկել վերջին տարիներին, ապա Հայաստանի անդամակցությունն այդ կառույցին, գործնականում, անհնար է
Քաղաքագետ. Հայաստանի իշխանությունների բոլոր գործողությունները խոսում են այն մասին, որ երկիրը ընթանում է իր պետականության լուծարման ճանապարհով
Երևանում մայիսմեկյան երթ կանցկացվի. Խաղաղություն, աշխատանք, Մայիս
Թեհրան. Հարավային Կովկասում օտարերկրյա զորքերի ներկայությունը չի նպաստում անվտանգության և կայունության հաստատմանը
Լավրով․Հայաստանի իշխանությունների միակողմանի զիջումները Հայաստանի սահմանները դարձնում են շարժական
"Ինչ լավ է, որ 50 մետր հեռավորության վրա Ադրբեջանն է". Փաշինյանը տավուշցիներին նշել է ադրբեջանցիների հետ առևտրի հեռանկարները
Ոսկեպարում սկսվել է հանրահավաք հանուն հայոց պետականության
Չկա վերադարձ պատմական Հայաստանի գաղափարին. կոչ է անում Փաշինյանը
Պետդեպարտամենտի նախկին պաշտոնյա. Վաշինգտոնին դա կարող է դուր չգալ, բայց Հայաստանի անվտանգության լավագույն երաշխավորները Ռուսաստանն ու Իրանն են
Տիգրան Ավինյանը՝ Երևանում ծառահատումների կասեցման մասին. Եթե կա այլ գիտական կարծիք, մենք պատրաստ ենք լսել, իսկ եթե ոչ ՝ պետք չէ քաղաքից ժամանակ խլել
Փաշինյանը Հիսուս Քրիստոսի ճանապարհը համեմատել է այն դժվարությունների հետ, որոնց բախվել է իր քաղաքական ուժը
Ռուս սենատոր. Հայաստանի իշխանությունների այսօրվա քաղաքականությունը կարող է հարված հասցնել տարածաշրջանային և համաշխարհային գործերում Երևանի հեռանկարներին
Այսօր Հայաստանում ուժերի գերլարում է պետք՝ բոլոր ունակ մարդկանց համատեղ աշխատանք. վերլուծաբան
Պետությունը շահագրգիռ է Հայաստանում բնակվող բոլոր ազգային համայնքների զարգացման հարցերում. Փաշինյան
ՌԴ ԱԳՆ. Մոսկվան Երեւանի հետ հարաբերություններում "ամրության ստուգում" է անցել
Փաշինյան. արտաքին ուժերը նույնպես դրդել են Ղարաբաղում էթնիկ զտում կազմակերպող հիմնական ուժին
Նախկին քաղաքապետ. Մեր քաղաքական ուժը գնալու է ինստիտուցիոնալ լուծումների ճանապարհով
