Հայ  Рус  Eng
 Նորություններ


 Ուրբաթ, 17 Մարտի 2017 18:10

Խաչիկ Մանուկյան. Մի ամբողջ 60 հոգով իմ դեմ են աշխատում, չգիտեմ էլ թե ինչու

Խաչիկ Մանուկյան. Մի ամբողջ 60 հոգով իմ դեմ են աշխատում, չգիտեմ էլ թե ինչու

Արմինֆո.«Ծառուկյան» դաշինքով ռեյտինգային ընտրակարգով առաջադրված պատգամավորի թեկնածու Խաչիկ Մանուկյանը Մաստարայում կայացած նախընտարկան հանդիպման ժամանակ նշեց, որ ընդհանուր առմամբ գոհ է քարոզարշավի ընթացքից, սակայն լինում են դեպքեր , երբ ՀՀԿ գյուղապետերը խոչընդոտում են հանդիպումները:

 

«Այդպես, օրերս ՀՀԿ-ական գյուղապետերից մեկն ինձ հետ հանդիպման չեկավ, հետն էլ արգելեց, որ համայնքի բնակիչները գան հանդիպման»,- ասաց նա: Ի դեպ, թեկնածուն նշեց, որ չի կարծում, թե ՀՀԿ-ական գյուղապետ լինելը ինչ որ վարչական լծակ է, պարզապես այստեղ գաղափարի խնդիր է. «Մարդ մի քիչ խելք պիտի ունենար, որ չխանգարեր: Եթե եկել եմ, ուրեմն բան ունեմ ասելու-ներկայացնելու, գուցե հենց համայնքի համար եմ մի լավ բան ասում, ինչո՞ւես խանգարում»,– ասաց նա: Ի դեպ, նա նկատեց, որ Արագածոտնում էլ առկա է այն լրջագույն խնդիրը, որ այս օրերին ակնհայտ է դարձել նաև մյուս մարզերում՝ «մի ամբողջ 60 հոգով իմ դեմ են աշխատում, չգիտեմ էլ թե ինչի համար»: Ինչ վերաբերում է կոնկրետ իր խոստումներին, ապա Խաչիկ Մանուկյանը նշեց, որ ոչինչ չի ուզում խոստանալ ու օրենքով չի էլ կարող խոստանալ իր ընտրողներին, ընդամենը առաջարկում է իրենց ձայները տալով՝ միանալ իր գաղափարներին, որպեսզի հնարավոր լինի բարեփոխում իրականացնել ժողովրդի վիճակը բարելավելու համար:

 

Ինչպես նշում էին համայնքի բնակիչները՝ բացի Ծառուկյանից ու Մանուկյանից իրենք որևէ մեկին չեն ճանաչում ու բացի նրանցից ոչ մի թեկնածու իրենց դուռը չի եկել ու խնդիրներով չի հետաքրքրվել: Իսկ Մանուկյանը դեռ տարիներ առաջ, երբ ԱԺ պատգամավոր էր, համայնքի համար մի շարք ծրագրեր է իրականացրել ու աջակցություն ցուցաբերել: Մի տղամարդ էլ նշեց, որ Մանուկյանի հիմնական մրցակից է համարվում նախկին մարզպետի եղբայր Նաիրի Սահակյանը «բայց դրա սֆաթը հեչ տեսած չինք, գա ստեղ ինչ ընի՝ ծերանոց ա սա դառել, ջահել-ջհուլ գնացել են ռուսաստաններ, մենք մնացել ենք մեռնելու: Գոնյա նենց մեկը ընտրվի, որ մեր տեղը հիշում ա ու օգնում ա, ոչ թե խոպաններում հարստացած ախպերների ձեռքն ընգնինք, չիմանան մեզ ոնց էն աշխարհ ճամփին»:

 

  • ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ

Մեկնաբանություւներ չկան

Անուն*
Էլ-փոստ
Տեքստ*
  
4899

 Հարցազրույց
 Մեկնաբանվողներ
 Փնտրել ըստ օրերի