Արմինֆո. ՀՀ Քրեական և Քրեական դատավարության օրենսգրքերում ապօրինի հարստացման քրեականացման մասին փոփոխությունները հանդիսանում են կոռուպցիայի դեմ պայքարի շղթայի վերջին օղակը: Այդ մասին հայտարարել է ՀՀ արդարադատության նախարար Արփինե Հովհաննիսյանը՝ պատասխանելով ԱրմԻնֆո-ի թղթակցի հարցին:
Նրա խոսքով, այդ փոփոխությունները, ինչպես նաև կանխիկ գործարքների սահմանափակումը, կոռուպցիայի դեմ պայքարին ուղղված համակարգային բարեփոխումների մաս են կազմում: Նա ընդգծել է, որ փետրվարին խորհրդարանին կներկայացվի բարեփոխումների փաթեթ, որն արդեն կնախանշի պաշտոնյայի հետ փոխկապակցված անձերի ողջ շրջանակը, պաշտոնատար անձանց պատասխանատվության ենթարկելու մեխանիզմները, ինչպես նաև հակակոռուպցիոն մարմնի պարտականությունների և լիազորությունների ողջ շրջանակը, որը կգործի Էթիկայի հանձնաժողովի հիման վրա: Հովհաննիսյանը չի համաձայնել կարծիքին, որ Էթիկայի հանձնաժողովն իր ողջ գործունեության ընթացքում ոչնչով չի զբաղվել և անիմաստ էր: «Այդ հանձնաժողովը կատարել է իր աշխատանքն իրեն տրամադրված մեխանիզմների շրջանակներում, որոնք անբավարար էին»,- նշել է նախարարը: Ըստ որում, նա հավաստիացրել է, որ հանձնաժողովի փորձը դրական կանդրադառնա կոռուպցիայի դեմ պայքարի մարմնի գործունեության վրա:
«Խոսել այն մասին, որ ապօրինի հարստացման քրեականացումը կարող է ուժի մեջ մտնել վաղվանից, անիմաստ է, քանի որ անհրաժեշտ է ձևավորել մարմին, որը կզբաղվի նման հարցերով, պատասխանատվության ենթարկման մեխանիզմներով օժտել վերջինիս, իսկ դա հնարավոր է անել հունիսի 1-ից ոչ շուտ: Նա չի համաձայնել նաև այն կարծիքին, որ օրենքը հեշտ է շրջանցել, քանի որ այն ֆիկտիվ բնույթ կունենա: «Կա կոռուպցիոն հանցագործություն, արդյոք բավարար են պատասխանատվության ենթարկելու մեխանիզմները՝դժվար է ասել, սակայն ապօրինի հարստացման քրեականացումը կարող է կանխարգելիչ միջոց հանդիսանալ»,- նշել է նա: Ըստ որում, նախարարն ավելացրել է, որ կոռուպցիայի ոմ պայքարի կոշտ միջոցներից բացի, կա նաև կանխարգելման անհրաժեշտություն: «Հիշյալ օրինագծով հնարավորություն կընձեռվի լիազոր մարմնին ստուգելու փոխառություն տվող կամ նվիրաբերող անձանց ֆինանսական հնարավորությունները»,- նշել է Հովհաննիսյանը:
Կոռուպցիայի դեմ պայքարի կարևորագույն գործիք է հանդիսանում ՄԱԿ-ի Գլխավոր ասամբլեայի 2003թ. հոկտեմբերի 31-ին Նյու Յորքում ընդունած Կոռուպցիայի դեմ կոնվենցիան, որը Հայաստանի Հանրապետությունը ստորագրել է դեռևս 2005թ. մայիսի 19-ին և վավերացրել 2007թ. մարտի 8-ին։ Հիմք ընդունելով ՀՀ ստանձնած միջազգային պարտավորությունները և միջազգային առաջադեմ փորձի ուսումնասիրությունները՝ օրինագծով առաջարկվում է ՀՀ քրեական օրենսգրքում նախատեսել ապօրինի հարստացման հանցակազմը: Օրենսգրքում նախատեսվող` ապօրինի հարստանալը հանցակազմի վերլուծությունը հանգում է, մասնավորապես, հետևյալին. ապօրինի հարստանալը հանցակազմի գործողությունը տարածվում է «Հանրային ծառայության մասին» ՀՀ օրենքով սահմանված կարգով հայտարարագիր ներկայացնելու պարտականություն ունեցող անձանց վրա: Այսինքն` հանցակազմի սուբյեկտ են դիտարկվում բարձրաստիճան պաշտոնատար անձը և նրա հետ փոխկապակցված անձը (բարձրաստիճան պաշտոնատար անձի հետ համատեղ ապրող ծնողը, ինչպես նաև համատեղ ապրող չափահաս և չամուսնացած զավակը): Միջազգային փորձի ուսումնասիրության արդյունքում առաջարկվում է խնդրո առարկա հանցակազմի սանկցիայում որպես հիմնական պատժատեսակ նախատեսել ազատազրկումը, իսկ որպես լրացուցիչ` որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելը և գույքի բռնագրավումը: Մասնավորապես, ելնելով նաև ՀՀ քրեական օրենսգրքի պետական ծառայության դեմ ուղղված հանցագործությունների սանկցիաների ընդհանուր տրամաբանությունից, առաջարկվում է սահմանել ազատազրկում` երեքից վեց տարի ժամկետով: Օրենսդրորեն թվարկվել են ապօրինի հարստացման հիմնական դրսևորումները` այդպիսով ապահովելով իրավական որոշակիության սկզբունքը: Այսպես, ապօրինի հարստացման դրսևորումներն են «Հանրային ծառայության մասին» ՀՀ օրենքով սահմանված կարգով գույքի և եկամուտների հայտարարագիր ներկայացնելու պարտականություն ունեցող անձի գույքի ավելացումը և (կամ) պարտավորությունների նվազումը, որոնք էականորեն գերազանցում են նրա օրինական եկամուտները, և որը ողջամտորեն չի հիմնավորվում դրանցով: Քննարկվող հանցակազմում էական չափը հստակեցնելու համար սահմանվել է, որ ՀՀ քրեական օրենսգրքում լրացվող 310.1-րդ հոդվածում էական է համարվում հանցագործության պահին սահմանված նվազագույն աշխատավարձի հինգհազարապատիկը գերազանցող գումարը (արժեքը):
Փորձագետ. ԵՄ-ը սեփական շահերն է հետապնդում Հարավային Կովկասի տարածաշրջանում
Ադրբեջանը "մուկ ու կատու" է խաղում Հայաստանի և աշխարհի հետ. վերլուծաբան
Քաղաքագետ. Հայաստանում իրավիճակը փոխելու միակ հնարավորությունը վաղաժամկետ խորհրդարանական ընտրությունների անցկացումն է
Երեւան է այցելել Պենտագոնի ՊՎՆԳ վտանգների համատեղ նվազեցման ղեկավարության տնօրենը
ՀՀ վարչապետ. Ես՝ անձամբ, գիտեմ մեր դեմ պատերազմի նախապատրաստմանը ՀԱՊԿ, առնվազն, երկու պետությունների մասնակցության մասին
Ես պիտի խոսեմ Վեհափառ հայրապետի հետ. Սրբազանը՝ իրեն վարչապետ առաջադրելու նախաձեռնության մասին
Կարծիք. Բաքվում Լուկաշենկոյի հայտարարություններն ակնհայտորեն ցույց են տալիս Հայաստանի և Ադրբեջանի դիվանագիտության աշխատանքի արդյունքները
Հարցում. Հայաստանում հարցվածների կեսից ավելին դրական է գնահատում "Տավուշը հանուն հայրենիքի" շարժումը
Փորձագետներն ու քաղաքագետները վերլուծել են "Հայաստանի շուրջ առկա խնդիրները և դրանց հնարավոր լուծումները"
Վարդան Ոսկանյան. Բագրատ Սրբազանը այլևս դարձել է ոչ թե միայն Տավուշի, այլ ամբողջ Հայաստանի խարիզմատիկ հոգևոր-հանրային դեմք
Նիկոլ Փաշինյանը չի մասնակցի նաև Հաղթանակի զորահանդեսին Մոսկվայում
Երևանում մայիսմեկյան երթ կանցկացվի. Խաղաղություն, աշխատանք, Մայիս
Թեհրան. Հարավային Կովկասում օտարերկրյա զորքերի ներկայությունը չի նպաստում անվտանգության և կայունության հաստատմանը
Լավրով․Հայաստանի իշխանությունների միակողմանի զիջումները Հայաստանի սահմանները դարձնում են շարժական
"Ինչ լավ է, որ 50 մետր հեռավորության վրա Ադրբեջանն է". Փաշինյանը տավուշցիներին նշել է ադրբեջանցիների հետ առևտրի հեռանկարները
Ոսկեպարում սկսվել է հանրահավաք հանուն հայոց պետականության
