Պարզվել է հայ-թուրքական սահմանը խախտողի անձը, ով սեպտեմբերի 2-ին ձերբակալվել էր Երասխ գյուղի բնակիչներ Կարո Դավթյանի և Ռաֆիկ Պետրոսյանի կողմից: Նա Աֆղանստանի քաղաքացի, 1988 թ. ծնված Ֆարիդ Սատարան է:

Ինչպես ԱրմԻնֆո-ին հայտնել են Ռուսաստանի սահմանապահ վարչության մամուլի ծառայությունում, ըստ Սատարայի, ինքը ցանկացել է հատել իրանական սահմանը`այնուհետև Թուրքիա անցնելու նպատակով, որպեսզի հանդիպի իր ընտանիքին, որն ապրում է Վանում: Այժմ այդ տարբերակը ստուգվում է:

Սահմանախախտին ձերբակալել էին Արարատի մարզի բնակիչներ Ռաֆիկ Պետրոսյանն ու Կարո Դավթյանը, ովքեր սեպտեմբերի 2-ին Արտաշատի սահմանապահ գնդի մոտակայքում`Երասխ գյուղի հարևանությամբ, զբաղվում էին գյուղատնտեսական աշխատանքով: Նկատելով սահմանի կողմից քայլող անհայտ անձի` Ռաֆիկ Պետրոսյանն ու Կարո Դավթյանը կասեցրել են սահմանախախտին: Հայ գյուղացիները կամավորական ազգային ջոկատների անդամներ են, որքեր համագործակցելով Ռուսաստանի սահմանապահ վարչության հետ`աջակցում են սահմանի անվտանգության պահպանմանը:

Միջադեպի մասին տեղակացված ռուս սահմանապահները հետազոտել են Արաքս գետի ափի այն տեղանքը, որտեղ ենթադրաբար ջրից դուրս էր եկել սահմանախախտը: տնվել է սև սպորտային ուսապարկ, որում Սատարայի անձնական իրերն են եղել: Նույն օրը սահմանախատը հանձնվել է ՀՀ ԱԱԾ-ին, որն ավելի մանրամասն կզբաղվի այդ գործով:

Այսօր Արարատ քաղաքում Ռաֆիկ Պետրոսյանն ու Կարո Դավթյանը խիզախության համար կպարգևատրվեն Ռուսաստանի սահմանապահ վարչության կողմից:

Ամերիկյան ՙCountourGlobal՚ ընկերության կողմից Հայաստանում ՀԷԿ-երի Որոտանի կասկադի գնման շուրջ բանակցությունները շարունակվում են: Այդ մասին այսօր հայտարարել է Հայաստանում ԱՄՆ արտակարգ և լիազոր դեսպան Ջոն Հեֆերնը:

Այն հարցին, թե արդյոք գործարքի ձգձգումը կապված է Ռուսաստանի կողմից ճնշման հետ`Հեֆֆերնը հայտարարել է, որ բանակցությունները վարում են Հայաստանի կառավարությունը և մասնավոր ընկերությունը: ՙՀուսով ենք, որ այդ գործարքը կկայանա և կգոհացնի երկու կողմերին՚,- հայտարարել է նա: 

Հիշեցնենք, որ հունվարի 29-ին ՀՀ կառավարության, ՙՈրոտան hիդրոէլեկտրակայանների hամալիր՚ փակ բաժնետիրական ընկերության, ամերիկյան ՙՔոնթուր գլոբալ հիդրոկասկադ՚ և ՙՍի-Ջի սոլյուշնս գլոբալ hոլդինգ քամփնի՚ ընկերությունների միջև ստորագրվել է գույքի առուվաճառքի պայմանագիր: Առաջիկա 6 տարիներին ամերիկյան ընկերությունը ստանձնել է պարտավորությունª ներդնելու շուրջ 70 մլն դոլար Որոտանի հիդրոկայանների համալիրի արդիականացման և վերանորոգման գործում:

Որոտանի հիդրոկայանների համալիրի բաժնետոմսերի 100% փաթեթի սեփականատերն էր պետությունը: Համալիրի կազմում են Որոտան գետի վրա գտնվող երեք` Տաթևի, Շմբիի և Սպանդարյանի կայանները: Երեք կայաններն ընդհանուր հաշվով արտադրում են 404.2 ՄՎտ էլեկտրաէներգիա, 1.16 մլրդ.կՎտ ժամ տարեկան միջին նախագծային հզորությամբ: Նշենք, որ ՙԿասկադն՚ արդիականացման կարիք ունի, իսկ նշված ներդրումները խոշորագույնն են Հայաստանի տնտեսությունում ամերիկյան մասնավոր ընկերության կողմից, ինչպես նաև ԱՄՆ առաջին կապիտալ ներդրումը Հայաստանի տնտեսությունում:

Նշենք, որ ՙՔոնթուր գլոբալ՚ ընկերությունը Նյու-Յորքում տեղակայված ընկերություն է, որն ունի շուրջ 3,500 ՄեգաՎատ ընդհանուր հզորությամբ 33 էներգետիկ կայաններ աշխարհի 17 երկրներումª Աֆրիկայում, Հարավային և Հյուսիսային Ամերիկայում և Եվրոպայում£ ՙՔոնթուր գլոբալ՚ ընկերությունն ունի շուրջ 1650 աշխատակիցներ և հանդիսանում է ավանդական և այլընտրանքային տեսակի էլեկտրակայանների (բացառությամբ միջուկայինի) սեփականատեր և շահագործող, ներառյալ քամու և արևային էներգիան: Արևելյան Եվրոպայումª  Բուլղարիայում, Ուկրաինայում, Ռումինիայում և Լեհաստանում ընկերությունն ունի շուրջ 1,100 ՄեգաՎատ ընդհանուր հզորությամբ կայաններ£ Հայաստանյան Որոտանի հիդրոէլեկտրակայանների համալիրը կդառնա Եվրոպայի տարածաշրջանի ամենախոշոր գործարքներից մեկըª 180 մլն դոլար ընդհանուր արժողությամբ£

Ռուսաստանը խոչընդոտում է ղարաբաղյան հակամարտության գոտում խաղաղության ձեռքբերմանը: Այդ մասին է պնդում The New York Times թերթում հրապարակված ՙՀաջորդ տարածքը, որը կզավթի Ռուսաստանը՚ հոդվածի հեղինակը:

Հոդվածում նշվում է, որ Ուկրաինան միակ երկիրը չէ, որտեղ Ռուսաստանը ՙջուր է պղտորում՚: ՙ1991 թ. Խորհրդային Միության փլուզումից հետո Մոսկվան մշտապես աջակցել է անջատականներին Ռուսաստանին սահմանակից պետություններում, որպեսզի ստիպի վերջիններիս ենթարկվել իր դիկտատին: Վերջին նման դեպքը Հարավային Կովկասում էր: Վերջին շաբաթներին Մոսկվան, ըստ երևույթին, սկսել է սրել Հայաստանի և Ադրբեջանի միջև վաղեմի հակամարտությունը`խաղաղարարի դեր խաղալով երկու պետությունների համար:

Չնայած 1994 թ. ընդունված հրադադարի մասին համաձայնագրին`ժամանակ առ ժամանակ բռնկվում են ռազմական գործողություններ: Ավելին, Ռուսաստանը միջոցներ է գտել, որպեսզի հակամարտությունը չմարի: 1990-ական թթ. Հայաստանը և Ադրբեջանը երեք անգամ խաղաղարար համաձայնագրեր են ստորագրել, սակայն Ռուսաստանը միջոցներ է գտել, թե ինչպես ստիպի Հայաստանին չպահպանել դրանք: Որպես նման միջոցներից մեկը`նշվում է ահաբեկչությունը Հայաստանի խորհրդարանում:

ՙՉկարգավորված հակամարտությունն արդարացնում է ռուսական զորքերի մուտքը հակամարտության գոտի`զսպելու համար երկու կողմերին: Ռուսական զորքեր մտցնելուց հետո կողմերից որևէ մեկը չի կարող սերտորեն համագործակցել Արևմուտքի հետ՚,- գրում է հեղինակը:

Ըստ թերթի, Հարավային Կովկասում իրավիճակի ապակայունացումը կարող է խանգարել վիթխարի գազատարի կառուցմանը, որի նախագիծը հավանության է արժանացել  անցած տարվա դեկտեմբերին, և որը թույլ կտար նվազեցնել Եվրոպայի կախվածությունը ռուսական վառելիքից: Սակայն, հրապարակման հեղինակը խիստ զարմացած է, որ ամերիկացի պաշտոնյաները մարտական վերջին գործողություններին արձագանքել են հայտարարությամբ, թե իրենք ՙողջունում՚ են Ռուսաստանի հովանու ներքո բարձր մակարդակով հանդիպումը:

ՙՄի±թե Վաշինգտոնը ոչինչ չսովորեց Վրաստանի և Ուկրաինայի իրադարձություններից հետ: Կովկասում հակամարտության սրումը կանխելու և Պուտինին նոր հողեր զավթելու առիթից զրկելու համար նախագահ Օբաման Ադրբեջանի և Հայաստանի առաջնորդներին պետք է հրավիրի Վաշինգտոն և ցույց տա, որ Ամերիկան չի հրաժարվել Հարավային Կովկասից: Դա թույլ կտար երկու երկրների առաջնորդներին  դիմակայել Ռուսաստանի ճնշմանը՚,- ասվում է հոդվածում:

Հեղինակն արևմտյան առաջնորդներին կոչ է անում ռազմավարություն մշակել`թույլ չտալու Մոսկվային սահմնանամերձ այլ տարածաշրջաններ զավթել: Լեռնային Ղարաբաղը հաջորդ ճակատը կդառնա, որտեղ Ռուսաստանը ջանք կգործադրի կորցրած կայսրությունը վերականգնելու համար:

 Ուկրաինական ճգնաժամի պատճառների ու նպատակների Ձեր տեսլականը...

Սեպտեմբերի 10-ին Երևանում կայացել է «Առածներ-ասացվածքներ» գրքի շնորհանդեսը:

Հայ Ազգային Կոնգրեսի և Բարգավաճ Հայաստան կուսակցության ղեկավարներԼևոն Տեր-Պետրոսյանի և Գագիկ Ծառուկյանի նախօրեին կայացած հանդիպումը մեկնաբանելն անիմաստ է, քանի որ չկա հստակ տեղեկություն, թե ինչ է քննարկվել այդ հանդիպման ընթացքում, և, ընդհանրապես, ինչու է այն կայացել: Այս մասին ԱրմԻնֆո գործակալության թղթակցի հետ զրույցում հայտարարել է ՀՀ խորհրդարանի պետա-իրավական հարցերի հանձնաժողովի ղեկավար Հովհաննես Սահակյանը:

ՀՀ Ազգային ժողովի փոխնախագահ, Հայաստան-Հունաստան պատգամավորական բարեկամության խմբի ղեկավար Էդուարդ Շարմազանովը սեպտեմբերի 10-ին հեռախոսազրույց է ունեցել Հունաստան-Հայաստան պատգամավորական բարեկամության խմբի ղեկավար Ապոստոլոս Կակլամանիսի հետ:

ԱԺ փոխնախագահը շնորհակալություն է հայտնել հույն գործընկերոջը նախօրեին Հայոց ցեղասպանության ժխտումը քրեականացնող օրինագծին կողմ քվեարկելու համար: Նա Հունաստան-Հայաստան պատգամավորական բարեկամության խմբի ղեկավարին խնդրել է իր ողջույններն ու երախտիքի խոսքը փոխանցել օրինագծին կողմ քվեարկած մյուս խորհրդարանականներին ևս:

Էդուարդ Շարմազանովը նշել է, որ Հայաստանում բարձր են գնահատում հույն պատգամավորների քայլըª այն որակելով ծառայություն ոչ միայն հայ և հույն ժողովուրդներին, այլև ողջ մարդկությանն ու քաղաքակրթությանը: ԱԺ փոխնախագահն ընդգծել է, որ ժխտողականության դեմ պայքարը փակում է դուռը նոր ցեղասպանությունների առջև:

Ապոստոլոս Կակլամանիսն իր հերթին շնորհակալություն է հայտնել ԱԺ փոխնախագահ Էդուարդ Շարմազանովին ջերմ խոսքերի համար: Նա պատրաստակամություն է հայտնել հետագայում ևս սատարել հայ-հունական հարաբերությունների ամրապնդմանն ու սերտացմանը: Նշենք, որ Հունաստանի խորհրդարանը սեպտեմբերի 9-ին ընդունել է 20-րդ դարասկզբին Օսմանյան Թուրքիայում հայերի և պոնտացի հույների ցեղասպանությունների ժխտումը քրեականացնող բանաձև:

ՙԱյլատյացության դեմ պայքար՚ անունը կրող 6 կետից բաղկացած փաստաթուղթն ընդունվել է ձայների 54 կողմ, 42 դեմ և 3 ձեռնպահ հարաբերակցությամբ: Նա, ով կխախտի օրենքը, կենթարկվի խոշոր տուգանքների և նույնիսկ ազատազրկման:

Հիշեցնենք, որ մինչև օրինագծի ընդունումը Թուրքիայի նախագահ Ռեջեփ Թայիթ Էրդողանն Ուելսում ՆԱՏՕ-ի գագաթնաժողովի շրջանակներում Հունաստանի վարչապետի հետ հանդիպման ժամանակ հայտարարել էր, որ նման բանաձևի ընդունումը կարող է հանգեցնել հույն-թուրքական հարաբերությունների վատթարացմանը: Ի պատասխան` Հունաստանի վարչապետն ընդգծել էր, որ ցեղասպանությունների ժխտման քրեականացումը չի հակասում միջազգային իրավունքին: 

Այսպիսով` Հունաստանը Շվեյցարիայից և Սլովակիայից հետո երրորդ պետությունն է, որը քրեականացրել է Հայոց ցեղասպանության ժխտումը:

Սեպտեմբերի 16-ից Հայաստանի պատվաստումների պլանային օրացույցը համալրվելու է նորª պնևմակոկային վարակների դեմ պատվաստումներով: Այդ մասին տեղեկացնում է ՀՀ Առողջապահության նախարարության մամուլի ծառայությունը:

Թոքաբորբերը և շնչառական այլ հիվանդությունները աշխարհում տարեկան ավելի քան 2 մլն երեխայի մահվան պատճառ են դառնում: Փորձագետների համոզմամբ երեխաների կյանքի առաջին տարվա ընթացքում մահվան դեպքերի գերազանց մեծամասնության պատճառը մանրէային թոքաբորբն է, որի պատճառագիտության մեջ հիմնական տեղը զբաղեցնում է պնևմակոկային հարուցիչը: Պնևմակոկային հարուցիչը ոչ միայն թոքաբորբի, այլև այլ ծանր ընթացքով մանրէային հիվանդությունների, մասնավորապեսª մենինգիտի (ուղեղի թաղանթի բորբոքում) և բակտերեմիայի առաջացման գլխավոր պատճառներից մեկն է, մասնավորապեսª վաղ հասակի երեխաների և տարեցների մոտ:

ԱՀԿ տվյալներով աշխարհում տարեկան գրանցվում է մոտ 1 մլն պնևմակոկային մենինգիտի դեպք, որից մոտ 200,000–ն ավարտվում է անբարեհաջող ելքով: Պնևմակոկային վարակներին բնորոշ է բնակչության ավելի քան 50–70%-ի մոտ առողջ մանրէակրության զարգացումը: Վարակը հիմնականում փոխանցվում է օդա-կաթիլային ճանապարհով: Հիվանդացության պիկը գրանցվում է աշնանն ու ձմռանը, սակայն գրանցվում են միայն եզակի դեպքեր, իսկ բռնկումներ հազվադեպ են լինում: Հաստատվել է ուղղակի կապը սեզոնային սուր շնչառական վիրուսային և պնևմակոկային վարակներով (մասնավորապես` թոքաբորբերի) հիվանդացության բարձրացումների միջև£ Մասնավորապես` սեզոնային սուր շնչառական վարակները էականորն բարձրացնում են պնևմակոկային վարակների զարգացման ռիսկը :

Ընդհանուր առմամբ, Հայաստանի Հանրապետությունում, ինչպես և ողջ աշխարհում, պնևմակոկային հարուցիչով առաջացած հիվանդությունների համաճարակաբանական տվյալները խիստ սուղ ենª պայմանավորված պնևմակոկերի լաբորատոր ախտորոշման դժվարություններով, ինչպես նաև հակամանրէային դեղամիջոցների լայնածավալ կիրառմամբ:

Հարկ է նշել, որ Առողջապահության համաշխարհային կազմակերպությունը յուրաքանչյուր երկրի համար կանխատեսել է պնևմակոկային վարակով պայմանավորված մահերի հաշվարկային ցուցանիշը: Հայաստանի Հանրապետության համար հաշվարկային այդ ցուցանիշը մինչև 5 տարեկան 100,000 երեխայի հաշվարկով կազմում է 10-ից մինչև 100, այսինքն` առկա մոտ 200 000 մինչև 5 տարեկան երեխաների շրջանում պնևմակոկային վարակի պատճառով Հայաստանում կարող է արձանագրվել տարեկան առնվազն 20-200 մահվան դեպք:

Պնևմակոկային վարակների դեմ ամենարդյունավետ և տնտեսապես շահավետ կանխարգելիչ միջոցը պատվաստումներն են: Այս մասին է վկայում աշխարհի փորձը:

Ամերիկյան մայրցամաքի և եվրոպական երկրներում մինչ կոնյուգացված պնևմակոկային պատվաստումների իրականացումը վաղ հասակի երեխաների շրջանում մոտ 80% դեպքերում ինվազիվ (մանրէային) հիվանդությունների պատճառը պնևմակոկերն էին: Պնևմակոկային պատվաստումների ներդրումից հետո գրեթե բոլոր երկրներում մինչև 2 տարեկան երեխաների շրջանում պնևմակոկային հիվանդությունների մակարդակը նվազել է 70%-ով: Նվազում է դիտվել բոլոր տարիքային խմբերում, այդ թվում` պատվաստման ոչ ենթակա ազգաբնակչության շրջանում: Հատկանշական է 65 տարեկան և բարձր տարիքային խմբում պնևմակոկային հիվանդությունների նվազումը: Այս օրինաչափությունը պայմանավորված է պնևմակոկային պատվաստումների ներդրումից հետո տարիների ընթացքում արտաքին միջավայրում հարուցչի պասիվ շրջանառության և բնակչության շրջանում կոլեկտիվ անընկալության զարգացման հետ:

Վերջին տարիներին Հայաստանի Հանրապետությունում նոր ներդրված բոլոր պատվաստումների արդյունքում դիտվել են շոշափելի արդյունքներ£ Հնգավալենտ պատվաստումների շնորհիվ զգալիորեն նվազել են մենինգիտները (ուղեղի թաղանթի բորբոքում), ռոտավիրուսային պատվաստումների արդյունքում` ռոտավիրուսային վարակները և այլն£ Ակնկալվում է, որ շատ շուտով տեսանելի կլինեն նաև պնևմակոկային պատվաստումներով պայմանավորված թոքաբորբերի և մենինգիտների նվազումը` դրանով իսկ վերահսկելով մանկական մահացությունը և նպաստելով վերջինիս կայուն նվազեցմանը£

Հայաստանի պատվաստումների պլանային օրացույցը եկող շաբաթվանից պնևմակոկային վարակների դեմ պատվաստումներով համալրելու առիթով այսօր ՀՀ ԱՆ Ս. Ավդալբեկյանի անվան առողջապահության ազգային ինստիտուտում տեղի ունեցավ ասուլիս ՀՀ ԱՆ ՙՀիվանդությունների վերահսկման և կանխարգելման ազգային կենտրոնի՚ գլխավոր տնօրենի խորհրդական, Իմունականխարգելման ծրագրի ղեկար այանե Սահակյանի մասնակցությամբ£

Խոսելով ղարաբաղա-ադրբեջանական շփման գծում և Հայաստանի ու Ադրբեջանի սահմանին հուլիս-օգոստոսյան բռնության ուժեղացման մասին`ակնհայտորեն բավարար չէ խոսել միայն դրա պատճառների մասին: Յուրաքանչյուր միջադեպ կարող է իր հստակ պատճառներն ունենալ, որոնք կարելի էր հետաքննել և այնուհետ նույնիսկ հրապարակել, սակայն ինչ-որ մեկը համառորեն չի ցանկանում դա: ԱրմԻնֆո-ին այդպիսի կարծիք է հայտնել ԵԱՀԿ Մինսկի խմբի նախկին համանախագահ Վլադիմիր Կազիմիրովը:

ՙԱյդ պատճառով շատ ավելի կարևոր է տեսնել ոչ թե այս կամ այն միջադեպի որոշակի պատճառները, այլ` դրա խորքային սկզբնապատճառները: Սկզբնապատճառներից մեկը կարծես տեխնիկական է, բայց` քաղաքական աստառով, մյուսը` զուտ քաղաքական: Առաջինը` 1994 թ. փետրվարի 18-ի արձանագրությունում ամրագրված պայմանավորվածության կատարումից Բաքվի հրաժարվելն է` հրադադարի ձեռքբերման դեպքում իրականացնել շփման գծից ընդդիմադիր զորքերի հեռացում: Զորքերն այդպես էլ մնացել են միմյանցից բավականին մոտ հեռավորության վրա, իսկ հետո ադրբեջանցիները նույնիսկ լրացուցիչ կերպով մոտեցրել են իրենց առաջավոր դիրքերը հայկական դիրքերին՚,- նշել է դիվանագետը:

Երկրորդ սկզբնապատճառը, Կազիմիրովի կարծիքով, պաշտոնական Բաքվի` ՙհանգիստ չտալ հակառակորդին՚, ՙհանգիստ չտակ օկուպանտին՚ դրույթի մեջ է: Այստեղից էլ թե’ Ալիևի ռազմատենչ հռետորաբանությունը, թե’ սպառազինությունների մրցավազքի նախաձեռնությունը, թե’ նույն միջադեպերն ու դիվերսիաները: Ըստ որում, համառորեն խոսվում է ստատուս-քվոյի պահպանման անթույլատրելիության մասին` գործանկանում Բաքուն ավելի համառորեն հասնում է այն փոփոխելու անհնարինության:

ՙԱհա ամռանը լարվածության կտրուկ սրման սկզբնապատճառները: Դրանք վերացնելու դեպքում երբեք երկուստեք այդքան զոհեր չեն լինի, այդ թվում` խաղաղ բնակիչների շրջանում՚,- վստահ է Կազիմիրովը:

ՀՀ Ազգային ժողովի շենքի մոտ սեպտեմբերի 9-ին միջադեպ է տեղի ունեցել: ՙՀակահարված՚ արտ-խումբն Ազգային ժողովի դարպասների վրա մեծ պաստառ է փակցրելª ՙԲարև Ռոբ՚ /երկրորդ նախագահ Ռոբերտ Քոչարյան-խմբ./ գրությամբ:

Պաստառն ակնհայտորեն դուր չի եկել ԱԺ անվտանգության ծառայության պետին, ով, ըստ երևույթին, որոշելով պաշտպանել նախկին նախագահի արժանապատվությունը`սկզբում պոկել է պաստառը, հետո մոտեցել ՙԱ1+՚-ի լրագրող Մարինե Խաչատրյանին, հարվածել ձեռքին`գետին գցելով Ipad-ը:

Հունաստանի խորհրդարանը սեպտեմբերի 9-ին ընդունել է 20-րդ դարասկզբին Օսմանյան Թուրքիայում հայերի և պոնտացի հույների ցեղասպանությունների ժխտումը քրեականացնող բանաձև:

ՙԱյլատյացության դեմ պայքար՚ անունը կրող 6 կետից բաղկացած փաստաթուղթն ընդունվել է ձայների 54 կողմ, 42 դեմ և 3 ձեռնպահ հարաբերակցությամբ: Նա, ով կխախտի օրենքը, կենթարկվի խոշոր տուգանքների և նույնիսկ ազատազրկման:

Նշենք, որ մինչև օրինագծի ընդունումը Թուրքիայի նախագահ Ռեջեփ Թայիթ Էրդողանն Ուելսում ՆԱՏՕ-ի գագաթնաժողովի շրջանակներում Հունաստանի վարչապետի հետ հանդիպման ժամանակ հայտարարել էր, որ նման բանաձևի ընդունումը կարող է հանգեցնել հույն-թուրքական հարաբերությունների վատթարացմանը: Ի պատասխան` Հունաստանի վարչապետն ընդգծել էր, որ ցեղասպանությունների ժխտման քրեականացումը չի հակասում միջազգային իրավունքին: 

Այսպիսով` Հունաստանը Շվեյցարիայից և Սլովակիայից հետո երրորդ պետությունն է, որը քրեականացրել է Հայոց ցեղասպանության ժխտումը:

Ստեփանակերտը, որպես բարի կամքի դրսևորում, ինչպես նաև հավատարիմ մնալով Գերիների, պատանդների ու անհայտ կորածների մասին Ժնևյան կոնվենցիային, պատրաստ է վերադարձնել սեպտեմբերի 5-ին գերեվարված Ադրբեջանի քաղաքացի Ջավիդ Մուզաֆարզադեին (1999թ.ծնվ): Այս մասին հաղորդել է ԼՂՀ Ռազմագերիների, անհայտ կորածների և պատանդների հարցերի պետհանձնաժողովը: Ըստ հաղորդագրության, այդ մտադրության մասին տեղեկացվել է Կարմիր խաչի միջազգային կոմիտեի ղարաբաղյան ներկայացուցչությանը, ինչպես նաև ԵԱՀԿ գրասենյակին:

Փոփոխվող աշխարհաքաղաքական իրադրությունը, ալեկոծությունները Մերձավոր Արևելքում, ուկրաինական ճգնաժամը, ինչպես նաև աճող լարվածությունը Ռուսաստան-Արևմուտք հարաբերություններում կանխատեսում են նոր սառը պատերազմ, իսկ դա նշանակում է, որ Հայաստանն ստիպված կլինի ապրել ավելի բարդ պայմաններում: ՀՀ խորհրդարանի ամբիոնից նման կարծիք է արտահայտել հանրապետական պատգամավոր, Հայաստան-Եվրամիություն համագործակցության հանձնաժողովի համանախագահ Սամվել Ֆարմանյանը:

 ՙՆաիրիտ՚ գործարանի բաժնետերերի խորհուրդը սեպտեմբերի 8-ի նիստում որոշում է ընդունել սեփական դիմումի համաձայն աշխատանքից ազատել ձեռնարկության գլխավոր տնօրեն Հովհաննես Հախինյանին: Այդ մասին ԱրմԻնֆո-ին հայտնել են գործարանի մամուլի ծառայությունում:

Տնօրենի ժամանակավոր պաշտոնակատարի պաշտոնում նշանակվել է առաջին տեղակալ Ռուբեն Սաղաթելյանը:

2006 թվականին ՙՆաիրիտ, ընկերության բաժնետոմսերի 90 տոկոսը վաճառվել է բրիտանական Rhinoville Property Limited կոնսորցիումին` 40 մլն դոլարով: Բաժնետոմսերի մնացած 10 տոկոսը պատկանում է Հայաստանի կառավարությանը: 2010 թվականի ապրիլից արտադրությունը գործարանում դադարեցվել է: ործարանի բաժնետոմսերը գրավ են դրվել, և դրա շուրջ ընթանում է դատաքննություն:

Եվրահանձնակատարն ափսոսանք է հայտնել, որ ԵՄ ՙԱրևելյան գործընկերության՚ մասնակից երկրների ԱՆ ղեկավարների 4-րդ ոչ պաշտոնական հանդիպմանը բացակայում է հայկական պատվիրակությունը: Ինչպես հայտնում է haqqin.az-ը, այդ մասին ՙԱրևելյան գործընկերության՚ մասնակից երկրների ԱՆ ղեկավարների հանդիպումից հետո ճեպազրույցի ժամանակ հայտարարել է Եվրամիության ընդլայնման և հարևանության քաղաքականության հարցերով հանձնակատար Շտեֆան Ֆյուլեն:

Նա նշել է, որ Եվրամիությունը նույնպես ջանք կգործադրի սառեցված հակամարտությունների լուծման համար:

Ֆյուլեն նաև հրաժարվել է պատասխանել այն հարցին, թե ինչու Ղրիմը ՙզավթած՚ Ռուսաստանի նկատմամբ պատժամիջոցներ են կիրառվել, իսկ Հայաստանի նկատմամբ պատժամիջոցներ դեռ չկան: Եվրահանձնակատարը նշել է, որ Ղրիմի և Ղարաբաղի միջև զուգահեռներ անցկացնել չի կարելի: 

ՆԱՏՕ-ի գագաթաժողովի ընթացքում Թուրքիայի նախագահ Ռեջեփ Թայիփ Էրդողանը Ֆրանսիայի նախագահ Ֆրանսուա Օլանդին խորհուրդ է տվել զերծ մնալ Հայոց ցեղասպանության ժխտումը քրեականացնող օրինագծի ընդունումից, հայտնում է ՙՄարմարա՚ թերթը:

Սեպտեմբերի 5-ին Երևանում Ֆրանսիայի խորհրդարանի սոցիալիստական խմբակցության ղեկավար Բրունո Լե Ռուն նշել էր, որ 2015 թվականին, հնարավոր է, Ֆրանսիայում ընդունվի Հայոց ցեղասպանության ժխտումը քրեականացնող օրենքը: Սեպտեմբերի 4-ին Ֆրանսիայի Ազգային ժողովի պատգամավոր Վալերի Բուայեն խորհրդարանին է ներկայացրել 20-րդ դարում ցեղասպանության և մարդկության դեմ հանցագործությունների ժխտումը քրեականացնող նոր օրինագիծը: ՙԵս առաջարկում եմ, որպեսզի օրենքով ժխտումն այլևս չդիտարկվի որպես խոսքի ազատության ոտնահարում, այլ դասակարգվի որպես մարդկության դեմ հանցագործություն: Դա ունի երկու առավելություն` դուրս գալ իրավաբանական փակուղուց, ինչն առաջացավ ազատ արտահայտման վերաբերյալ Սահմանադրական խորհրդի կարծիքից հետո, ինչպես նաև պաշտպանել մեր օրենսդրությամբ ճանաչված բոլոր ցեղասպանությունների զոհերի հիշատակը՚,-նշել է ֆրանսիացի պատգամավորը: Նա նաև հաղորդել է, որ նոր օրինագիծը կտեղադրվի Ֆրանսիայի ԱԺ պաշտոնական կայքում: Հիշեցնենք, որ 2011 թվականի դեկտեմբերին Ֆրանսիայի ԱԺ հավանություն է տվել նշված օրինագծին, որով արգելվում էր Հայոց ցեղասպանության ժխտումը պարունակող հրապարակային արտահայատույթունների օգտագործումը: Սակայն, օրինագիծը գոյատևեց մոտ 2 ամիս, քանի որ 2012 թվականի փետրվարին երկրի Սահմանադրական դատարանը մերժեց այն` համարելով այն երկրում խոսքի ազատությունը սահմանափակելու փորձ:

Հայաստանի պետական ճարտարագիտական համալսարանի ռեկտորի պաշտոնակատար Հովհաննես Թոքմաջյանը մտադիր չէ հրաժարական տալ: Այդ մասին նա հայտարարել է ԱրմԻնֆո-ի թղթակցի հետ զրույցում`մեկնաբանելով իր հրաժարականի վերաբերյալ ԶԼՄ-ներում շրջանառվող տեղեկատվությունը`կապված սոցիալական ցանցերից մեկով ինտիմ զրույցի հրապարակումից հետո բարձրացված աղմուկի հետ, որի մասնակիցներից մեկն, իբր, Թոքմաջյանն է եղել:

Նա նաև հայտնել է, որ իր նախաձեռնությամբ այդ գործով զբաղվում են իրավապահները: ՙՀենց որ ինչ-որ բան հայտնի դառնա, կհայտնեմ ձեզ՚,- նշել է Թոքմաջյանը:

Նշենք, որ նախօրեին հրապարակվել էր Հովհաննես Թոքմաջյանի և ոմն Ռուզան Հայրապետյանի իբր  Facebook-յան ինտիմ զրույցից հատվածներ: Սակայն, Թոքմաջյանը հայտարարել է, որ FB իր էջը կոտրել են և տեղադրել այդ խոսակցությունը: Այս առնչությամբ Թոքմաջյանն արդեն դիմել է իրավապահ մարմիններին:

Ընթացիկ տարվա նոյեմբերին սպասվում է Ֆրանսիայի նախագահ Ֆրանսուա Օլանդի հանդիպումը Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հետ: Ինչպես հայտնում է ԱՊԱ-ն, այդ մասին ասել է Ադրբեջանում Ֆրանսիայի դեսպան Պասկալ Մոնիեն:

Նրա խոսքով, եռակողմ հանդիպումը նախատեսված է Փարիզում: Դեսպանը նաև նշել է, որ հանդիպման ընթացքում քննարկվելու են ղարաբաղյան հակամարտության լուծման ուղիները և խաղաղարար գործընթացում առկա խնդիրները: ՙԿարծում եմ, որ այդ հանդիպումը կարևոր նշանակություն ունի խաղաղության պահպանման համար՚,- ասել է դիվանագետը:

ԵՄ անդամների, գործընկեր երկրների ու Եվրոպական խորհրդարանի հետ խորհրդատվությունից հետո Եվրոպական հանձնաժողովը որոշում  է ընդունել առաջիկա տարիների ընթացքում ֆինանսավորել Հարևանության եվրոպական քաղաքականության շրջանակներում գործընկերներին:

Ինչպես տեղեկացնում է Հայաստանում ԵՄ կայքը, աջակցություն կցուցաբերվի
Հայաստանին, Ադրբեջանին, Ալժիրին, Բելառուսին, Հորդանանին, Լիբանանին, Մարոկոյին և Թունիսին, ինչպես նաև արևելյան ու հարավային հարևանների հետ տարածաշրջանային համագործակցության և Wide- եվրոպական հարևանության ծրագրի համար: Ֆինանսական օգնության ընդհանուր ծավալը կազմում է ավելի քան 5.5 մլրդ եվրո:

ԵՄ գերագույն ներկայացուցիչ Քեթրին Էշթոնը նշել է, որ ԵՄ հարաբերություններն իր գործընկերների հետ միշտ գերակայությունների թվում են եղել, և այդ հաստատված ամուր կապերում կարևոր դեր է խաղում վերջիններիս քաղաքական և տնտեսական խնդիրների հաղթահարման գործում աջակցություն ցուցաբերելը:

Հայաստանի համար 2014-2017թթ. ընթացքում 140-170 մլն եվրո կտրամադրվի մասնավոր հատվածի զարգացում, պետական կառավարման, ինչպես նաև   արդարադատության համակարգի բարեփոխման համար:

Հայ ազգային կոնգրեսն առաջարկում է միգրացիայի շուրջ բաց լսումեր անցկացնել: Այդ մասին խորհրդարանի նիստում հայտարարել է ՀԱԿ խմբակցության ղեկավար Լևոն Զուրաբյանը: