Արմինֆո. Փետրվարի 9-ին Փարիզում ՀՀ ԱԳ նախարար Արարատ Միրզոյանը հանդիպում է ունեցել Ֆրանսիայի Հանրապետության Եվրոպայի և արտաքին գործերի նախարար Ստեֆան Սեժուրնեի հետ:
Արմինֆո. Վարչապետ Նիկոլ Փաշինյանը երեկ այցելել է Աշխատանքի և սոցիալական հարցերի նախարարության Միասնական սոցիալական ծառայություն՝ կառույցի 2023թ. գործունեության վերաբերյալ հաշվետվությունը քննարկելու նպատակով:
Արմինֆո. Վարչապետ Նիկոլ Փաշինյանը ներկա է գտնվել Սահմանադրական դատարանի հիմնադրման 28-ամյակին նվիրված միջոցառմանը: Վերջինիս մասնակցել են նաև հանրապետության նախագահ Վահագն Խաչատուրյանը, Սահմանադրական դատարանի նախագահ Արման Դիլանյանը, արդարադատության նախարար Գրիգոր Մինասյանը, ՀՀ գլխավոր դատախազ Աննա Վարդապետյանը և այլ պաշտոնատար անձինք:
Արմինֆո.Հայաստանի արդյունաբերողների և գործարարների միությունն իր խորին մտահոգությունն է հայտնում վերջին շրջանում իրավական համակարգի կողմից գործարարների և պետական պաշտոնյաների նկատմամբ անհամաչափ գործողությունների առնչությամբ։ Այդ մասին ասվում է ԱրմԻնֆո-ին տրամադրված ՀԱԳՄ հայտարարությունում:
Արմինֆո. ՀՀ ՆԳՆ միգրացիայի և քաղաքացիության ծառայության կառուցվածքային ստորաբաժանումների օպտիմալացման գործընթացը բազմաթիվ շահարկումների տեղիք է տվել: Մեղրու դատարանի օպտիմալացումը քաղաքական շահարկումների տեղիք է տվել, նույնը Վարդենիսի պարագայում է։ Այդ մասին հայտարարել է ՀՀ վարչապետ Նիկոլ Փաշինյանը՝ ծառայության 2023 թվականի գործունեության հաշվետվության քննարկման ժամանակ։
Արմինֆո. Վարչապետ Նիկոլ Փաշինյանի որոշմամբ զբաղեցրած պաշտոնից ազատվել է կառավարության ղեկավարի աշխատակազմի արարողակարգի բաժնի պետ Մանվել Ավետիսյանը:
Արմինֆո.Ֆրանկոֆոնիայի մշտական խորհուրդը միաձայն որոշում է կայացրել 2027 թվականի Ֆրանկոֆոնիայի մարզամշակութային խաղերի անցկացման իրավունքը շնորհել Երևանին: Այդ մասին հաղորդում է ՀՀ կառավարության մամուլի ծառայությունը:
«Սպասվում է, որ խաղերին մասնակցելու համար Հայաստանի մայրաքաղաք կժամանի ավելի քան 50 պատվիրակություն, շուրջ 4000 մասնակից:
2023 թվականի դեկտեմբերի 14-ին Արայիկ Հարությունյանը Փարիզում հանդիպել էր Ֆրանկոֆոնիայի միջազգային կազմակերպության գործադիր տնօրեն Կարոլին Սենթ Իլերի հետ և քննարկել Ֆրանկոֆոնիայի խաղերը 2027թ․ հյուրընկալելու նպատակով Հայաստանի ներկայացրած հայտը: Դեկտեմբերի 15–ին Վարչապետի աշխատակազմի ղեկավարի գլխավորած պատվիրակությունը Ֆրանկոֆոնիայի միջազգային կազմակերպության կենտրոնակայանում մասնակցել էր ՖԽՄԿ կողմնորոշիչ խորհրդի նիստին, որի ընթացքում ևս քննարկվել էր Հայաստանի թեկնածության հայտը», - ասվում է հաղորդագրությունում։
Արմինֆո.Ապրիլի 25-28-ը Հայաստանում կանցկացվի ապօրինի գույքի բռնագանձման հարցերով միջազգային համաժողով: Այդ մասին հաղորդել է ՀՀ գլխավոր դատախազ Աննա Վարդապետյանը՝ փետրվարի 8-ին կառավարության նիստում:
Արմինֆո.Կառավարությունն այսօրվա նիստում ընդունել է «Գույք ամրացնելու մասին» որոշում: Ինչպես նշել է Տարածքային կառավարման և ենթակառուցվածքների նախարար Գնել Սանոսյանը, Պետական գույքի կառավարման կոմիտե է դիմել ՀՀ գլխավոր դատախազությունը՝ տեղեկացնելով, որ ՀՀ հակակոռուպցիոն դատարանի կայացրած համապատասխան վճռով բավարարել է ՀՀ գլխավոր դատախազության հայցը և անվավեր է ճանաչել Հակոբ Կովալենկոյի Շահգալդյանի անվամբ Կոտայքի մարզում գտնվող 2,4993 հեկտար մակերեսով հողամասի նկատմամբ կատարված սեփականության իրավունքի պետական գրանցումը: Ըստ այդմ՝ առաջարկվում է հողամասն ամրացնել Պետգույքի կառավարման կոմիտեին։
Արմինֆո. ՀՀ վարչապետ Նիկոլ Փաշինյանը հայտարարում է, որ Հայաստանի և Վրաստանի միջև ռազմավարական գործընկերության մասին փաստաթուղթն արտացոլում է երկու երկրների կառավարությունների ՝ հարաբերությունների ողջ օրակարգով առաջ շարժվելու կամքը: Այդ մասին նա հայտարարել է փետրվարի 7-ին խորհրդարանում կառավարական ժամի ընթացքում, պատասխանելով ռազմավարական գործընկերության մասին համաձայնագրի վերաբերյալ հարցին, որը նա ստորագրել է իր վրացի գործընկեր Իրակլի Ղարիբաշվիլիի հետ՝ հունվարի վերջին Վրաստան կատարած պաշտոնական այցի ընթացքում: