Թեթև արդյունաբերության վիճակը Հայաստանում անուշադրության է մատնված, բայց անհույս չէ, ԱրմԻնֆո-ին այդպիսի կարծիք է հայտնել ՙՏոսպ՚ ԲԲԸ տրիկոտաժի ֆաբրիկայի գլխավոր տնօրեն Սուրեն Բեկիրսկին`մեկնաբանելով առաջընթացի բացակայությունը Հայաստանի թեթև արդյունաբերության զարգացման գործում:
Հիշյալ ոլորտի զարգացումը, հիշեցնենք, Հայաստանի կառավարության կողմից ընդունված` արտահանման խթանման հայեցակարգի մասն է կազմում, ինչը ենթադրում է հայրենական տնտեսության 11 ոլորտի զարգացում:
Ողջունելով իշխանությունների ծրագիրը` տրիկոտաժի ֆաբրիկայի ղեկավարը, սակայն, մատնանշել է այդ ոլորտի ներկայացուցիչներին օգնության համալիր միջոցների բացակայությունը: ՙՀայաստանում թեթև արդյունաբերության վերականգնումը պահանջում է պետության լուրջ աջակցությունն այնպիսի հարցերում, ինչպես` սեփական հումքային բազայի ստեղծումը, հարկային բեռի զգալի թեթևացումը, հայկական բրենդի առաջխաղացումը սկզբում ռուսական շուկայում, իսկ հետո` ասիական, երկարաժամկետ հեռանկարում` նաև եվրոպական շուկայում՚: Ինչպես նշել է Ս. Բեկիրսկին, նմանօրինակ սցենարով այդ ոլորտը զարգացել է այնպիսի երկրներում, ինչպես`Չինաստանը, Իսրայելը, Թուրքիան, իսկ հիմա արդեն Բելառուսում. ՙթեթև արդյունաբերության ոլորտն այդ երկրներում լուրջ աջակցություն է ստանում պետության կողմից` ընդհուպ հարկերի լիակատար վերացում, արտոնյալ վարկերի տրամադրում և այլ արտոնություններ՚: Նման աջակցության բացակայությունը, ընդգծել է նա, հարցականի տակ է դնում Հայաստանում թեթև արդյունաբերության գոյությունը:
ՙԹեթև արդյունաբերության ոլորտը վերջին երկու տասնամյակում հիմնովին քայքայվեց, իսկ ամենամեծ կորուստը ձեռնարկատերերի համար իրացման շուկաների գերթե ամբողջական կորուստն էր: Դա Հայաստանում սկիզբ դրեց ՙգարաժային՚ արտադրությանը ժամանակին բարգավաճող այնպիսի ենթաճյուղերում, ինչպես` կոշիկի, կաշվի, կարի արտադրությունը, ինչը վնասեց երկրի հեղինակությանը` որպես լուրջ մատակարար՚,- նշել է ՙՏոսպ՚ ընկերության ղեկավարը:
Ձեռնարկատերը, այնուամենայնիվ, կարևորել է այն փաստը, որ թեթև արդյունաբերությունն իշխանությունների կողմից գերակա ոլորտ է ճանաչվել: Սույն ծրագրի շրջանակներում, տեղեկացրել է Ս. Բեկիրսկին, երկրի բյուջեից շուրջ $300 հազար է հատկացվել թեթև արդյունաբերության ընկերությունների համար մարքեթինգային ռազմավարության մշակման և իրականացման նպատակով: ՙԲացի այդ, այժմ մենք աշխատում ենք Մոսկվայում թեթև արդյունաբերության ապրանքների ոչ մեծ առևտրային կենտրոն բացելու գաղափարի իրականացման ուղղությամբ, և դրա համար մեզ անհրաժեշտ են պետական երաշխիքով փոխառու միջոցներ: Բացի այդ, մեզ հարկավոր են ռուսաստանյան շուկայում պրոֆեսիոնալ մարկետելոգներ, ովքեր կկարողանան առաջմղել հայկական բրենդը: Տեղական բրենդի առաջխաղացման հարցում մեծ օգնություն կարող է ցուցաբերել նաև Ռուսաստանի հայկական համայնքը՚,- ասել է Ս. Բեկիրսկին:
Խոշոր ձեռնարկությունից, որում աշխատել է շուրջ 5 հազար մարդ, և որ տրիկոտաժ է մատակարարել հետխորհրդային ողջ տարածքին, ՙՏոսպ՚ ֆաբրիկան վերածվել է ոչ մեծ գործարանի և այժմ հույս է փայփայում, որ մի օր իշխանությունների խոստումները, վերջապես, իրական գործողութունների կվերածվեն:
Նշենք, որ թեթև արդյունաբերության վերականգնման մասին Հայաստանի իշխանությունները սկսել են խոսել դեռ 2010 թվականին, և միայն 2013 թվականին է Երևանում բացվել ՙMade in Armenia՚ խանութը, որը հայկական մի քանի բրենդ է միավորում: Ոչ մեծ խանութը, եթե հավատանք վերջինիս հիմնադիրներին, պետք է մեծ ձեռքբերումների սկիզբ հանդիսանա թեթև արդյունաբերության ոլորտում: Միայն թե խանութի հաճախորդների մոտ փոքր-ինչ այլ, ավելի շուտ մռայլ զգացողություն է առաջանում վերջինիս հեռանկարների առնչությամբ:
Տեղական արտադրության ապրանքները թույլ են ներկայացված տեղական շուկայում և հազիվ են փակում ներքին ընդհանուր պահանջարկի 10%-ը: Ըստ որում, թեթև արդյունաբերության ապրանքների ամենամյա շրջանառությունը Հայաստանում հասնում է $280 մլն-ի: Հիշեցնենք, որ 2011 թ.օգոստոսին Հայաստանում գրանցվել է Թեթև արդյունաբերության գործատուների միությունը, որը միավորում է շուրջ 25 ընկերություն: Մինչդեռ ՙMade in Armenia՚ խանութի սեփականատերը անկեղծորեն խոստովանել է մեր թղթակցին, որ տեղյակ չէ ո’չ Միության, ո’չ թեթև արդյունաբերության արտադրողների որևէ այլ միության մասին, իսկ ոլորտին պետական աջակցության մասին խոսել չենք կարող:
Նշենք, որ ՙՏոսպ՚ ֆաբրիկան 4 ֆիրմային խանութ ունի Երևանում: Յուրաքանչյուր խանութի միջինամսական հասույթը կազմում է շուրջ 3.5 մլն դրամ:
EU pursuing its own interests in South Caucasus - expert 
Azerbaijan is playing cat and mouse game with Armenia and the world - analyst
Political analyst: only way to change situation in Armenia is extraordinary parliamentary elections
Armenian general rules out any provocations on Armenian-Turkish border as long as Russian flag hoisted there 
I need to consult with Catholicos: Srbazan about initiative to nominate him for Armenia`s premier 
Opinion: Lukashenko`s statements in Baku clearly demonstrate results of Armenian, Azerbaijani diplomacy work 
Poll: More than half of respondents in Armenia positively assess "Tavush for Motherland" movement
Experts discuss problems of Armenia 
Bagrat Galstanyan Armenia public and spiritual figure
Tavush movement returns our national dignity, Vazgen Manukyan
Nikol Pashinyan does not attend Victory Parade in Moscow either
May One procession to take place in Yerevan 
Tehran: foreign troops` presence in South Caucasus does not contribute to establishment of security, stability
Lavrov: Unilateral concessions by Armenian authorities make Armenia`s borders undefined
Armenia`s premier meets with residents of Berkaber
Rally in name of Armenian statehood starts in Voskepar 
No return to historical Armenia idea! Pashinyan calls on
Stark and unpleasant as it might be to the Washington establishment, that the best guarantors of Armenian security are Russia and Iran - The American Conservative
