Չնայած Ադրբեջանի ապակառուցողական դիրքորոշմանը՝ Հայաստանը կշարունակի իր ջանքերը Լեռնային Ղարաբաղի հակամարտության բացառապես խաղաղ միջոցներով կարգավորման ուղղությամբ՝ միջազգային սկզբունքներին եւ նորմերին համապատասխան: Այդ մասին հայտարարել է Հայաստանի արտգործնախարար Էդվարդ Նալբանդյանը ՄԱԿ Գլխավոր ասամբլեայի 68-րդ նստաշրջանում իր ելույթում:
ՙՄենք համաձայն ենք, որ ժողովուրդներին պետք է պատրաստել խաղաղության, այլ ոչ թե պատերազմի: Ցավոք, մինչ այժմ Ադրբեջանի ղեկավարությունն այլ կերպ է վարվում, օրեցօր ավելացնելով հակահայկական հռետորաբանությունը՝ դրա համար օգտագործելով նույնիսկ ՄԱԿ-ի բարձր ամբիոնը: Մենք լիովին համաձայն ենք համանախագահների այն կարծիքին, որ ուժի կիրառումը չի լուծի հակամարտությունը, եւ միայն բանակցությունների միջոցով կարելի է հասնել խաղաղության եւ կայունության: Մինչդեռ Ադրբեջանը հարձակողական զենքի զանգվածային կուտակումով վտանգում է տարածաշրջանային եւ միջազգային անվտանգությունը: Ի տարբերություն Ադրբեջանի՝ Հայաստանը վերահաստատում է իր հանձնառությունը միջազգային իրավունքի սկզբունքների, մասնավորապես, ուժի կամ ուժի սպառնալիքի չկիրառման, ժողովուրդների ինքնորոշման իրավունքի եւ տարածքային ամբողջականության սկզբունքների հավասարության նկատմամբ՚, - հայտարարել է նախարարը։
Նա նաև ավելացրել է, որ Ադրբեջանը չի պահպանում հրադադարի ռեժիմը, ավելացնելով ագրեսիան և ռազմական գործողությունները ինչպես Ղարաբաղի, այնպես էլ Հայաստանի նկատմամբ` օգտագործելով տխրահռչակ ահաբեկչական խմբավորումների հետ կապված վարձկանների: ՙԱդրբեջանը փորձում է ստեղծել տպավորություն, թե կիսում է միջազգային հանրության մոտեցումները, իսկ միջազգային հանրությունը կիսում է Բաքվի դիրքորոշումը: Սակայն իրականում, արդբեջանական կողմը հետևողականորեն մերժում է համանախագահների բոլոր առաջարկությունները, ավելին, պարբերաբար սադրանքներ է կազմակերպում շփման գծում: Գլխավոր ասամբլեայի նախորդ նստաշրջանին ես խոսեցի Ադրբեջանի ղեկավարության կողմից մարդասպան Սաֆարովի ազատ արձակման եւ հերոսացման մասին, որը խստորեն դատապարտվեց ողջ միջազգային հանրության կողմից: Սակայն նույնիսկ այսօր, դրանից ավելի քան մեկ տարի անց, Ադրբեջանի իշխանությունները շարունակում են պնդել, թե այն, ինչ իրենք արել են, շատ դրական քայլ էր, և անգամ քննադատում են միջազգային հանրությանը: Դա հստակ ցույց է տալիս Ադրբեջանի ղեկավարության եւ միջազգային հանրության ընկալումների միջեւ խորացող անդունդնը՚, - ընդգծել է արտգործնախարարը:
"Zangezur corridor" red line for Armenian state - expert 
Knarik Hovhannisyan: Armenia`s water policy leaves much to be desired
Protests in Armenia have two components: objective and external - political scientist
Major General: Armenia today is not ready to independently guard its borders with Turkiye and Iran
EU pursuing its own interests in South Caucasus - expert 
Georgia offers regional cooperation format to Armenia- Azerbaijan in normalization process 
Provision on border demarcation unconstitutional - ARFD 
Kamala Harris: The right for Armenians displaced from Nagorno-Karabakh to return to their homes is vital to restoring dignity of the Armenian people and stability in the region
Armenia, Turkiye ready to normalize relations without preconditions
Constructive dialogue between Yerevan and Moscow is in the interests of both peoples: message from Putin and Mishustin to Pashinyan
No state or bloc capable of ensuring Armenia`s security, occupied territories can be returned through negotiations - Nilkol Pashinyan
Andranik Tevanyan: We are ready to be friends with everyone, but neither in opposition to nor at the expense of Russia
Armenian people opted for "real Armenia" long ago - premier 
Goris Mayor to be arrested 
Rumors about the 
Armenia-Azerbaijan peace agreement priority - MP
Pashinyan: Return of Artsakh residents to Nagorno-Karabakh contradicts the state interests of Armenia
Azerbaijan invited to BRICS summit in Kazan
Ex-MP shows opposition its place 
