Հայաստանի Հանրապետական
կուսակցությունն աչքիս նժդեհականությունից հրաժարվել է և որոշել է վերադառնալ
մարքսիզմ-լենինիզմին: Այս մասին է իր Ֆեյսբուքյան էջում գրառումներ արել ՀՀ նախկին
վարչապետ Հրանտ Բագրատյանը:
«ԱԺ-ում բյուջեն քվեարկելիս ՀՀ վարչապետն ասել է. ռեֆորմների շնորհիվ ՀԲ կողմից հաշվառվող գործարար միջավայրի ազատականության վերջին
(2013-2014թթ) ինդեքսով (ease of doing business index) Հայաստանը հայտնվել է 37-րդ տեղում։ Այս մարդուն կարելի էր հիշեցնել, որ երբ 6 տարի առաջ վարչապետի պաշտոնը ստանձնեց ստացել էր մի երկիր, որը գտնվում էր 34-րդ տեղում (2007թ)։ 6 տարում ՀՀ տնտեսությունը աճել 9.3%-ով (2008թ+6.9%,
2009թ՝ -14.1%, 2010թ՝ +2,1%, 2011թ՝ +4,7%
, 2012թ՝ 7.1% և 2013թ՝4%)։ Տարեկան միջին աճը 1.5%, խոստացած 7%-ի փոխարեն։ Աշխարհի տնտեսությունն աճել է
11.8%-ով՝ տարեկան գրեթե 2%։ Արդյունքում հիմնական տնտեսական ցուցանիշներով 193 երկրների մեջ 2007թ
85-90-րդ տեղից իջել ենք 110-115-րդ տեղերը։ 6 տարում Հայաստանը լքել է 380 հազար մարդ։ Հիմա ի՞նչպիսի ցինիզմ է պետք բարեփոխումների մասին խոսելու համար։ ՀՀԿ-ն աչքիս նժդեհականությունից հրաժարվել է և կրկին անցել մարքսիզմ-լենինիզմին. 6 տարի ռեֆորմ անելուց հետո նահանջել ենք ամենուր։ Ավելի հաջող ստելու համար կառավարությանը խորհուրդ կտայի կարդալ հանրահայտ «Մեկ քայլ առաջ երկու քայլ ետը»,-նշել
է Բագրատյանը: