Հայաստանը մտադիր է Վիլնյուսում նախաստորագրել ԵՄ հետ Ասոցացման համաձայնագիրը: Այս մասին ՙԱզատություն՚ ռադիոկայանին տված հարցազրույցում հայտարարել է Հայաստանի նախագահի աշխատակազմի ղեկավար Վիգեն Սարգսյանը: Նրա խոսքերով, Մաքսային միությանը անդամակցությունը չի նշանակում քաղաքական երկխոսության դադարեցում ԵՄ-ի հետ:
Նա նշել է, որ հակառակ այն պնդումներին, որ Մաքսային միությանը անդամակցությունը կարող է խոչընդոտ հանդիսանալ ԵՄ-ի հետ Խորը և համապարփակ ազատ առևտրի գոտի ձևավորելու մասին համաձայնագրին, ՀՀ-ի դիրքորոշումը հայտնի է: Հայաստանը միշտ համարել է, որ պետք է փորձել համադրել այդ դրույթները։ Դրա անհնարինության պարագայում մենք վերցնում ենք այդ համագործակցությունից այն ամենակարևորը, որ կար եվրոպական ուղղության վրա, այն է՝ մեր քաղաքական երկխոսությունը, արժեհամակարգային այն փոխգործակցությունը, որը թույլ է տալիս արդիականացնել երկիրը, և մենք համարում ենք, որ այդ դրույթները հիմնականում ամրագրված են Ասոցացման մասին համաձայնագրում։
Աշխատակազմի ղեկավարը նաև ընդգծել է, որ Հայաստանի վրա ոչ մեկը ճնշում չի գործադրել Մաքսային մությանն անդամակցելու համար: ՙՈչ մեկը Հայաստանի հետ չի խոսում վերջնագրերի կամ պայմանների լեզվով։ Տվյալ դեպքում իրավիճակը ճիշտ հակառակն է, որովհետև Հայաստանի Հանրապետությունը ի սկզբանե շահագրգռված է եղել և հայտնել է հանրայնորեն այդ շահագրգռվածության մասին մասնակցելու Մաքսային միության ստեղծմանը։ Դեռ տարիներ առաջ այդ մասին խոսվել է բաց և հստակ։ Մեզ ասվել է այն ժամանակ, որ ընդհանուր սահմանի բացակայությունը լուրջ խոչընդոտ է այդ ճանապարհին և մենք աշխատանքային մակարդակում ունեցել ենք փորձագիտական խմբեր, որոնք աշխատել են՝ այդ իրավիճակում լուծումներ գտնելու համար։ Վերջին փուլում նրանք կարողացան ներկայացնել այնպիսի լուծումներ, որոնք թույլ են տալիս հաղթահարել այդ բարդությունը և դարձնել մասնակցությունը Մաքսային միությանը արդյունավետ և օգտակար Հայաստանի տնտեսության համար՝ հաշվի առնելով մեր տնտեսության այսօրվա կառուցվածքը և առաջիկա տարիների զարգացման հեռանկարները՚,-նշել է Սարգսյանը:
Հիշեցնենք, որ 2013 թվականին Վիլնյուսում տեղի կունենա Եվրամիության ղեկավարության և ՙԱրևելյան գործընկերություն՚ ծրագրի մասնակից-երկրների գագաթնաժողովը, որի ընթացքում սպասվում է մի քանի երկրների, այդ թվում նաև Հայաստանի կողմից ԵՄ հետ Ասոցացման և Ազատ խորը և համապարփակ առևտրի գոտու ստեղծման վերաբերյալ համաձայնագրերի նախաստորագրումը:
Սակայն, սեպտմբերի 3-ին ՌԴ նախագահ Պուտինի հետ կայացած հանդիպումից հետո ՀՀ նախագահ Սերժ Սարգսյանը հայտարարեց, որ Հայաստանը կմտնի Մաքսային միություն, հետագայում մասնակցելով նաև Եվրասիական միության ձևավորմանը: Պուտինը սատարել է Սարգսյանի հայտարարությանը և խոստացել աջակցել Երևանի անդամագրմանը: Սակայն, ԵՄ արտասահմանյան գործերի և անվտանգությնան քաղաքականության գերագույն ներկայացուցչի մամուլի քարտուղարն այսօր հայտարարել է, որ ընդունված որոշման համար Բրյուսելը Երևանից պարզաբանումներ է ակնկալում:
Political analyst: only way to change situation in Armenia is extraordinary parliamentary elections
Armenian general rules out any provocations on Armenian-Turkish border as long as Russian flag hoisted there 
Armenia could hardly join EU of recent years - Boris Navasardyan
Armenian authorities` actions evidence of country`s movement to elimination of statehood - expert 
Tehran: foreign troops` presence in South Caucasus does not contribute to establishment of security, stability
Lavrov: Unilateral concessions by Armenian authorities make Armenia`s borders undefined
Armenia`s premier meets with residents of Berkaber
Rally in name of Armenian statehood starts in Voskepar 
No return to historical Armenia idea! Pashinyan calls on
Stark and unpleasant as it might be to the Washington establishment, that the best guarantors of Armenian security are Russia and Iran - The American Conservative
Armenian authorities` policy could affect country`s regional, international prospects - Russian MP
Armenia needs teams work of all active people - expert
Moscow "testing" its relations with Yerevan
Pashinyan: External forces also provoked main force organizing ethnic cleansing in Karabakh
Our political force will follow path of institutional solutions - ex-mayor of Yerevan 
Large-scale events planned in April - Pashinyan
Armenian people has to choose between war or premier`s resignation
EU increases humanitarian aid to displaced Karabakh Armenians with EUR 5.5 million
