Oգոստոսի 18-ին Իտալիայի Ռիմինի քաղաքում մեկնարկեց ՙMeeting di Rimini՚ ամենամյա ֆորումի 34-րդ հանդիպումը, որին մասնակցեցին Իտալիայի վարչապետ Էնրիկո Լետտան, Իտալիայի արտաքին գործերի, պաշտպանության, արդարադատության, ներքին գործերի եւ տնտեսական զարգացման նախարարները, Իտալիայի խորհրդարանի անդամներ, ԵՄ երկրների մի շարք նախարարներ, Եվրախորհրդարանի նախագահ Մարտին Շուլցը, Իտալիայի ու մի շարք այլ երկրների քաղաքացիական հասարակության, մշակույթի ոլորտի եւ ակադեմիական շրջանակների հեղինակավոր ներկայացուցիչներ, Նոբելյան մրցանակի դափնեկիրներ:
Ինչպես տեղեկացնում է ՀՀ ԱԳՆ մամուլի և տեղեկատվության վարչությունը, ֆորումի 34-րդ հանդիպման ծրագրում ներառված են մի շարք պատմամշակութային, գիտական, ազգագրական ու երաժշտական միջոցառումներ, որոնց թվում էր նաեւ Հայաստանի պատմությանն ու Հայ ժողովրդի ինքնությանը նվիրված ՙՀայաստանը` քրիստոնեության օրրան՚ խորագիրը կրող համաժողովը, որի շրջանակներում տեղի ունեցավ անվանի ֆոտոլրագրող Գրացիելլա Վիգոյի ՙArmenia՚ ֆոտոգրքի ներկայացումը, ինչպես նաեւ բացվեց Հայաստանին, Արցախին եւ Վենետիկի Սուրբ Ղազար կղզուն նվիրված նույն հեղինակի լուսանկարների ցուցահանդեսը:
Համաժողովին ելույթով հանդես եկավ Իտալիայում ՀՀ դեսպան Սարգիս Ղազարյանը, ով անդրադարձավ Իտալիայում հայերի ներկայության գրեթե 1500-ամյա պատմությանը եւ Իտալիայի կայացման ու բարգավաճման գործում նրանց դերակատարությանը, հայ-իտալական ներկայիս բարեկամական հարաբերություններին եւ դրանց հետագա զարգացման հեռանկարներին, Հայաստանի պատմությանը, միջազգային հարթակում նրա ներկայիս դերին ու նշանակությանը:
Դեսպանը նաեւ անդրադարձավ ԵԽ-ում ՀՀ նախագահության շրջանակներում ռասիզմի եւ այլատյացության դեմ պայքարի գործում Հայաստանի նախաձեռնություններին, ընդգծեց Հայաստանում ընթացող բարեփոխումների կարեւորությունը որպես ժողովրդավարության ամրապնդման, մարդու իրավունքների պաշտպանության, ինչպես նաեւ քրիստոնեական արժեհամակարգի վրա հիմնված արդիական պետության գաղափարի իրականացում:
Համաժողովին խոսքով հանդես եկան նաեւ իտալացի անվանի գրող-հրապարակախոս հայազգի Անտոնիա Արսլանը, բարոնուհի Քերոլայն Քոքսը, Amber Capital Investment Management հաստատության խորհրդի ղեկավար Ժոզեֆ Ուղուրլյանը եւ ՙArmenia՚ ֆոտոգրքի հեղինակ Գրացիելլա Վիգոն:Համաժողովն ունկնդրեցին ֆորումի շուրջ 5 000 մասնակիցներ: Համաժողովի շրջանակներում դեսպան Ղազարյանը կարճատեւ զրույցներ է ունեցել Իտալիայի վարչապետ Է.Լետտայի, պաշտպանության նախարար Մ.Մաուրոյի եւ Իտալիայի մի շարք այլ բարձրաստիճան պաշտոնյաների հետ, ովքեր բարձր գնահատականի արժանացրին երկու ժողովուրդների բազմադարյա պատմամշակութային կապերի եւ ընդհանուր արժեհամակարգի վրա հիմնված ներկայիս երկկողմ հարաբերությունները` ընդգծելով, որ Իտալիան ջանքեր չի խնայի` Եվրոպայի հետ Հայաստանի մերձեցման գործընթացի եւ հայ-իտալական տնտեսական հարաբերությունների հետագա զարգացման համար:
Political analyst: only way to change situation in Armenia is extraordinary parliamentary elections
Armenian general rules out any provocations on Armenian-Turkish border as long as Russian flag hoisted there 
Crossroads of Peace project divorced from reality 
Armenia could hardly join EU of recent years - Boris Navasardyan
Experts discuss problems of Armenia 
Bagrat Galstanyan Armenia public and spiritual figure
Tavush movement returns our national dignity, Vazgen Manukyan
Nikol Pashinyan does not attend Victory Parade in Moscow either
May One procession to take place in Yerevan 
Tehran: foreign troops` presence in South Caucasus does not contribute to establishment of security, stability
Lavrov: Unilateral concessions by Armenian authorities make Armenia`s borders undefined
Armenia`s premier meets with residents of Berkaber
Rally in name of Armenian statehood starts in Voskepar 
No return to historical Armenia idea! Pashinyan calls on
Stark and unpleasant as it might be to the Washington establishment, that the best guarantors of Armenian security are Russia and Iran - The American Conservative
Armenian authorities` policy could affect country`s regional, international prospects - Russian MP
Armenia needs teams work of all active people - expert
Moscow "testing" its relations with Yerevan
