Ուրբաթ, 28 Հունիսի 2013

Ռուս քաղաքագետ. Վլադիմիր Պուտինը կանխեց 2012 թվականի դեկտեմբերին նախատեսված Դամասկոսի գրավումը

Ռուս քաղաքագետ. Վլադիմիր Պուտինը կանխեց 2012 թվականի դեկտեմբերին նախատեսված Դամասկոսի գրավումը

Նախագահ Վլադիմիր Պուտինը Թուրքիայի վարչապետԷրդողանին ետ պահեց Սիրիայի դեմ ռազմական օպերացիայից: Այս մասին ԱրմԻնֆո գործակալության թղթակցի հետ զրույցում հայտարարել է ռուսաստանյան քաղաքագետ, պրոֆեսոր Իգոր Պանարինը:

Ըստ քաղաքագետի, Ստամբուլում և թուրքական մյուս խոշոր քաղաքներում տեղի ունեցած հակակառավարական վերջին ցույցերը կազմակրպված էին արտաքին ուժերի կողմից, որոնք դժգոհ էին Բաշար Ասադի դեմ պատերազմից հրաժարվելու Էրդողանի քաղաքականությունից:

ՙԴամասկոսի գրավումը նախատեսված էր 2012 թվականի դեկտեմբերին, և այդ գործի առանցքային դարակատարը պետք է լիներ Էրդողանը: Բայց բանակցություններ տեղի ունեցան Պուտինի և թուրքական վարչապետի միջև, որից հետո, ինձ թվում է, որ Թուրքիան մի փոքր փոխեց իր դիրքորոշումը: Ես կցանկանայի, որպեսզի թուրքական վերնախավում հաղթեր ողջախոհությունը, և նրանք չմասնակցեին հակասիրիական ավանտյուրային՚,-ասել է քաղաքագետը:

Պանարինը կիսում է նաև այն միտքը, որ սիրիական ահաբեկիչների, այսպես կոչված զինված ընդդիմության, շարքերում կռվող թուրք վարձյալների նշանակետերից մեկն էլ հանդիսանում է սիրիահայությունը` Օսմանյան կայսրությունում իրականացված ցեղասպանությունից փրկված հայերի ժառանգները: ՙԻմ կարծիքով, այս ամենը շատ նուրբ և գլոբալ խաղ է: Իսլամական ծայրահեղականներն առաջին հերթին ոչնչացնում են քրիստոնյա բնակչությանը, ընդ որում, ինչպես կաթոլիկներին, որոնց թիվը Սիրիայում հազնում է 2 միլիոնի, այնպես էլ հայերին՚,-հայտարարել է նա:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն