Պրն. Կարապետյան, փոխզիջումների և երկխոսության պատրաստակամություն ցուցաբերելով`Հայաստանի իշխանությունները և ընդդիմությունը`ի դեմս ՙԺառանգություն՚ կուսակցության ու վերջինիս առաջնորդ Րաֆֆի Հովհաննիսյանի, այնուամենայնիվ, չեն կարողանում փոխըմբռնման հանգել թվում է, թե տեխնիկական հարցերում: Որքանո՞վ է իրական բանակցությունների սեղանի շուրջ նստելու կողմերի ցանկությունը, և ինչպիսի՞ խնդիրներ է դրանցից յուրաքանչյուրը լուծում:
Կարծում եմ, որ Հայաստանն այսօր այլ խնդիրներ ունի, ավելի մասշտաբային և էական, քան Սարգսյանի և Հովհաննիսյանի միջև ծավալված նամակագրական ժանրի երկխոսությունը: Այդ նամակագրությունը սոսկ գործող իշխանության փիար է: Սերժ Սարգսյանը ցանկանում է ցույց տալ, որ ինքն օրինական նախագահ է, ընդ որում դրսևորում է կառուցողականություն և ընդդիմությանը` ի դեմս Րաֆֆի Հովհաննիսյանի, ինչ-ինչ զիջումների գնալու պատրաստակամություն, պատրաստ է ինչ-որ բան փոխել կառավարությունում, մի խոսքով` համազգային իմաստուն առաջնորդի կերպար ստեղծել: Թե ինչ խնդիր է լուծում Րաֆֆի Հովհաննիսյանը, ես չեմ կարող ասել: Իմ քաղաքական գիտելիքներն ինձ հնարավորություն չեն տալիս մինչև վերջ հասկանալ, թե ինչ է ուզում ՙԺառանգության՚ առաջնորդը, ինչու է որոշել հացադուլ հայտարարել, առավել ևս, որ նա արդեն մեկ անգամ Ազատության հրապարակում հացադուլ արել է: Այդ ամենն ինձ համար աղոտ է և անհասկանալի: Ինչևէ, մեկ բան կարող եմ վստահ ասել. Րաֆֆի Հովհաննիսյանն օրինականացրել է Սերժ Սարգսյանի իշխանությունը՝ կամա թե ակամա: Սարգսյանի լեգիտիմությունը Րաֆֆի Հովհաննիսյանի խղճի վրա է: Եթե Հովհաննիսյանի նպատակը Հայաստանում իրավիճակը փոխելն է, ապա նա վաղուց պետք է հասկացած լիներ, որ նույնիսկ եթե Սերժ Սարգսյանը լիովին փոխի կառավարության կազմը, լուծի խորհրդարանը և նշանակի նոր մարզպետներ, ապա այդ դեպքում նույնպես ոչինչ չի փոխվի, եթե համակարգը մնա նախկինը: Հարկավոր է փոխել տնտեսական քաղաքականությունը, կողմնորոշվել աշխարհաքաղաքական վեկտորի առնչությամբ, զարգացնել ժողովրդավարությունը` այդ խոսքի ոչ թե վիրտուալ, այլ իրական իմաստով: Այն, ինչ այսօր տեղի է ունենում, չես անվանի այլ կերպ, քան` ներկայացում, և խելոք մարդիկ դա հասկանում են:
Օրինակ`ԱՄՆ, Գերմանիայի և Լեհաստանի դեսպանները, ովքեր քննադատել են իշխանությունների գործողությունները ՙՍիվիլիթաս՚ հիմնադրամի և վերջինիս հիմնադիր Վարդան Օսկանյանի նկատմամբ...
Կարծում եմ, որ նույնիսկ աֆրիկական որևէ խուլ երկրում չես հանդիպի նման երևույթի, երբ օտարերկրյա դեսպանները նման բացահայտ և անկողմնակալ ձևով քննադատեն այն երկրի իշխանություններին, որտեղ գտնվում են: Երբ մարդն սկսում է անտեսել խաղի բոլոր կանոնենրը, նա սկսում է խաղալ ինքն իր հետ`գտնվելով ինչ-որ վիրտուալ իրականության մեջ: Կարծում եմ`Հայաստանի իշխանությունների գործողություններն ամբողջովին տեղավորվում են այդ տրամաբանության մեջ: Նրանք անցել են բոլոր սահմանները, իսկ ՙՍիվիլիթասի՚ գործն այդ անհեթեթության, անարխիայի և քաղաքական անգրագիտության դրսևորումներից մեկն է միայն: Նման քաղաքականությունը վերջին հաշվով հանգեցնում է ցնցումների, չեմ վախենում ասել`հեղափոխության:
Կան արդյո՞ք մարդիկ, ուժեր, որոնք կարող են իրենց վրա վերցնել այդ հեղափոխության ղեկը:
Կարծում եմ, որ նրանք այն մարդիկ են, ովքեր այդ ողջ թատերական ներկայացմանը չեն մասնակցում: Դա կլինի ընդհանուր գաղափարով միացած մարդկանց խումբ, այլ ոչ թե քաղաքական ուժ: Հեղափոխություն անում են ոչ թե քաղաքական ուժերը, այլ անձերը, անհատները, կադրերը:
Թույլ տվեք վերադառնալ Օսկանյանի և ՙՍիվիլիթաս՚ հիմնադրամի թեմային:
Կարծում եմ, որ Ազգային անվտանգության ծառայությունն Օսկանյանի և նրա հիմնադրած հիմնադրամի միջոցով փորձում է հայտնաբերել այն մոդուլային հիմնադրամները ու կազմակերպությունները, որոնք ֆինանսավորել են ՙՍիվիլիթասին՚: Իսկ դրանք թե’ ամերիկյան, թե’ նորվեգական, թե’գերմանական կազմակերպություններ են: Այստեղ նմանություններ եմ տեսնում ռուսական իրավապահ մարմինների հետ, որոնք խուզակություններ են կատարում ոչ առևտրային կազմակերպությունների շենքերում: Հայաստանյան իշխանությունների գործողությունները Արևմուտքի գործադրած վիթխարի ճնշմանը դիմադրելու փորձ է: Իսկ այդ ճնշումը գործադրվում է ընտրախավի և Սերժ Սարգսյանի վրա, ով Արևմուտքի աչքում երբեք օլիգարխիկ համակարգից առանձին չի դիտվում: Արևմուտքը ճնշում է գործադրում գումարի միջոցով, ինչը հայկական օլիգարխիայի կյանքի իմաստն է: Օլիգարխների կուտակած գումարները հիմնականում պահվում են արևմտյան բանկերում, և այսօր արևմտյան ընտրախավերը, ըստ երևույթին, որոշել են թաքցնել այդ գումարները կամ լավագույն դեպքում վերադարձնել միայն 20-30%-ը: Կիպրոսի շուրջ աժիոտաժը և Մոսկվայի նյարդային արձագանքը շատ բան են մեզ ասում: Կիպրոսյան բանկերում ավանդների վրա հարկեր կիրառելու վերաբերյալ Կիպրոսի իշխանությունների որոշումն ուղղակի հարված է ռուսաստանյան օլիգարխների և նրանց հետ փոխկապակցված հայ օլիգարխների շահերին: Հասկանալի է, որ Հայաստանի իշխանությունը դիմադրելու է: Եվ ՙՍիվիլիթաս՚ հիմնադրամի հետապնդումը դիմադրության արդյունք է:
Այս համատեքստում պետք է ուշադրություն դարձնենք նաև Րաֆֆի Հովհաննիսյանի շարժմանը: Իր բոլոր առավելություններով և թերություններով հանդերձ, նա կարողացել է Սարգսյանի իշխանության քննադատության դիրքերից հանդես եկող հզոր արևմտամետ ընդդիմադիր կառույց ստեղծել: Այս պայմաններում Սարգսյանը զարմանում է, որ Արևմուտքը գումար չի տալիս վերջինիս: Ավելին, Ասոցացման համաձայնագրի ստորագրման համար Հայաստանի առջև խիստ պայմաններ են դրվում, և Կիպրոսից հետո Բրյուսելն էլ ավելի կխստացնի իր դիրքորոշումը: Ասեմ ավելին, որքանով ինձ հայտնի է, Եվրամիությունը մտադիր է պայմաններ առաջադրել նաև Ղարաբաղյան հարցում: Իսկ դա արդեն գումարներ չեն: Դա սպառնում է Սերժ Սարգսյանի համար շատ լուրջ հետևանքներով:
Դուք հիշատակեցիք տնտեսական խնդիրները`որպես ամենաարդիականն այսօրվա դրությամբ: Ի՞նչ համարժեք միջոցներ պետք է ձեռնարկի երկրի ղեկավարությունը դրանց լուծման համար:
Առաջին հերթին խոսքը վերաբերում է Աբխազական երկաթուղու բացմանը, արդյունավետ տնտեսական մոդելների մշակմանը, ներդրումների ներգրավմանը: Պետք է ամեն կերպ հասնել երկաթուղու բացմանը: Բայց այսօր ես հայկական կողմից բավարար ջանքներ, նախաձեռնություններ չեմ տեսնում: Դրանք չկան երկու պարզ պատճառով`քաղաքական անհեռատեսություն և վրացական կողմի, Ռուսաստանի, Աբխազիայի հետ, մեր իշխանությունների տեսակետից, երկարատև և տանջալից բանակցությունների մեջ խառնվելու ցանկության բացակայություն. հանկարծ ԱՄՆ-ն էլ կմիջամտի իրավիճակին: Հայաստանի կառավարության համար իրականում ավելորդ գլխացավանք, երկաթուղու բացման շուրջ բանակցությունների տեսքով, հարկավոր չէ: Եթե մենք խելացի լինենք, կկարողանանք խաղալ աշխարհաքաղաքական կենտրոնների շահերի վրա`քաղելով սեփական օգուտը, ինչպես ժամանակին Իսրայելն արեց:
Политолог: Пока оппозиция молчит, Пашинян может воспользоваться планом "Б" и получить конституционное большинство
Тюрколог: Американо-иранский меморандум с политико-экономической точки зрения более выгоден для Ирана
Политолог: Пока Пашинян заверяет о мире с Азербайджаном, в Баку продолжают продвигать проект по заселению армянских территорий азербайджанцами
Политолог: В новых реалиях официальный Ереван может предложить Баку продолжить мирный процесс без референдума по Конституции
Армянский эксперт: Современная геополитическая конкуренция смещается от контроля над территориями к контролю над инфраструктурными потоками
Москва в ситуации с Арменией видит попытки нанести удар по интеграционным объединениям, в которых участвует РФ - помощник президента России
Захарова: Армения воспринимает отношения с Россией как инструмент для финобеспечения переориентации на ЕС
Глава Минюста Армении и посол ЕС обсудили вопросы повестки либерализации визового режима для Еревана
Азербайджановед: Захватнические планы Азербайджана против Армении стали возможны исключительно в результате решений Пашиняна по Арцаху
Захарова: Россия направила Армении ноту протеста в связи с актом вандализма на мемориале "Мать Армения" в Гюмри
Самвел Карапетян предлагает создать поствыборную оппозиционную коалицию
Омбудсмен культурного наследия Арцаха призвал Москву отреагировать на уничтожение памятников ВОВ Азербайджаном в оккупированном НКР
Генпрокуратура Армении обратилась в ЦИК за согласием на уголовное преследование Роберта Кочаряна
Премьер-министр Нидерландов выразил поддержку программе демократических реформ и диверсификации экономики Армении
"Наследие": Оппозиции Армении пора представить народу правомочную альтернативу власти с широким политическим и надпартийным руководством
В Дилижане прошли переговоры секретаря Совбеза Армении с помощником президента Азербайджана
ЦИК нейтрализовал ППА: В парламент Армении пройдут три политические силы по итогам голосования на выборах в Армении
Москва: Выборы в Армении сопровождались беспрецедентным давлением на оппозицию
Эксперт: Даже наблюдатели ОБСЕ зарегистрировали многочисленные нарушения во время выборов в Армении
Москва будет ждать официальных результатов выборов в Армении - Песков
