Երկուշաբթի, 16 Մայիսի 2022 17:46

Արմինֆո. Շատ կարևոր է, որ ՀԱՊԿ շրջանակում փոխգործակցությունը միշտ կառուցվել է իրական բարեկամության և բարիդրացիության, միմյանց շահերը հարգելու և հաշվի առնելու, միմյանց փոխօգնության և աջակցության սկզբունքների հիման վրա։ Այդպես է նաև ներկա բարդ իրավիճակում։

Այդ մասին մայիսի 16-ին Մոսկվայում հայտարարել է Ռուսաստանի նախագահ Վլադիմիր Պուտինը՝ Հավաքական անվտանգության պայմանագրի կազմակերպության անդամ պետությունների ղեկավարների հոբելյանական հանդիպման ժամանակ։

 

Ռուսաստանի նախագահը համոզմունք է հայտնել, որ անցած տասնամյակների ընթացքում ՀԱՊԿ - ն զգալիորեն ամրապնդվել է եւ արժանի հեղինակություն է ձեռք բերել որպես արդյունավետ տարածաշրջանային պաշտպանական կառույց, որն ապահովում է անվտանգությունն ու կայունությունը եվրասիական տարածքում, որը հուսալիորեն պաշտպանում է մասնակից երկրների ինքնիշխանությունն ու տարածքային ամբողջականությունը: "Մեր կազմակերպության հասունության, սուր մարտահրավերներին ու սպառնալիքներին համարժեք հակազդելու նրա իրական ունակության վկայությունն էր ՀԱՊԿ խաղաղապահ գործողության հաջող անցկացումը Ղազախստանում այս տարվա հունվարին՝ Ղազախստանի ղեկավարության խնդրանքով", - ասել է ՌԴ նախագահը, հավելելով, որ ՀԱՊԿ-ի ՀՈՒ զորակազմը կանխել է Ղազախստանում իշխանության զավթումը այն ծայրահեղականների կողմից, որոնք կառավարվում էին, այդ թվում, արտասահմանից: Պուտինը հիշեցրել է, որ Ղազախստանի ղեկավարության խնդրանքով խաղաղապահ ուժերի օգտագործումը դարձել  ՀԱՊԿ գոյության ընթացքում առաջին նման գործողությունն էր, թույլ է տվել բացահայտել ռազմական կառույցների եւ հատուկ ծառայությունների գործնական փոխգործակցության ուժեղ եւ թույլ կողմերը:

 

"Այսօր մենք կստորագրենք համատեղ հայտարարություն, որում, հաշվի առնելով ձեռք բերված փորձը, այդ թվում ՝ հիշյալ գործողության ընթացքում, կհաստատվի մեր պետությունների վճռականությունը այսուհետ էլ գործընկերաբար փոխգործակցելու ռազմական եւ պաշտպանական շինարարության տարբեր ուղղություններով, ավելացնելու համակարգված գործողությունները միջազգային ասպարեզում։ Ընդ որում, միանգամայն տրամաբանական է, որ ընթացիկ փուլում առաջնայինը ՀԱՊԿ-ի եւ նրա ղեկավար կառույցների գործունեության հետագա կատարելագործման եւ օպտիմալացման խնդիրն է: Զբաղվելու ենք նաև ՀԱՊԿ Հավաքական ուժերը ժամանակակից սպառազինությամբ և տեխնիկայով հագեցնելու, նրանց զորակազմերի օպերատիվ համատեղելիության բարձրացման, մեր ռազմական կառույցների և հատուկ ծառայությունների համատեղ գործողությունների ներդաշնակության բարելավման հարցերով", - ասել Է Ռուսաստանի նախագահը։

 

Այս համատեքստում նա ուշադրություն է հրավիրել այն փաստի վրա, որ վերը նշված հարցերը մշտապես մշակվում են ՀԱՊԿ գծով զորավարժությունների ընթացքում, որոնց անցկացման պրակտիկան ընդլայնելու մտադրություն կա։ "Այս տարվա աշնանը նախատեսվում է մեր կազմակերպության համատեղ զորավարժությունների մի ամբողջ շարք Ղազախստանում, Ղրղզստանում, Տաջիկստանում։ Վստահ եմ, որ այդ միջոցառումները կծառայեն մեր պետությունների ռազմական կառույցների եւ, ընդհանուր առմամբ, ՀԱՊԿ խաղաղապահ ներուժի համակարգման մակարդակի բարձրացմանը", - ասել Է Պուտինը:

 

Միեւնույն ժամանակ, Ռուսաստանի նախագահի համոզմամբ, ՀԱՊԿ-ի ջանքերը պետք է հետագայում եւս ուղղված լինեն ահաբեկչությանը, նարկոթրաֆիկին, կազմակերպված հանցավորությանը հակազդելուն:

"Ամենալուրջ ուշադրություն է պահանջում նաև կենսաբանական անվտանգության ապահովման խնդիրը։ Մենք վաղուց ահազանգել ենք հետխորհրդային տարածքում ԱՄՆ-ի ռազմակենսաբանական ակտիվության մասին։ Ինչպես հայտնի է, մեր ընդհանուր տարածաշրջանում Պենտագոնն ստեղծվլ է տասնյակ մասնագիտացված կենսալաբորատորիաներ և կենտրոնների, և դրանք զբաղված են բնավ ոչ բնակչության գործնական բժշկական օգնության ապահովմամբ այն երկրներում, որտեղ  գործունեություն են ծավալել: Դրանց հիմնական խնդիրը կենսաբանական նյութերի հավաքումն ու սեփական նպատակների համար վարակների եւ վտանգավոր հիվանդությունների տարածման առանձնահատկությունների ուսումնասիրությունն է", - ասել է Ռուսաստանի ղեկավարը: Ընդ որում, նա արձանագրել է, որ Ուկրաինայում հատուկ գործողության ընթացքում փաստագրական ապացույցներ են ձեռք բերվել այն մասին, որ ռուսական սահմանների անմիջական հարեւանությամբ, ըստ էության, կենսաբանական զենքի բաղադրամասեր են ստեղծվել՝ Կենսաբանական եւ թունավոր զենքի արգելման մասին կոնվենցիայի խախտմամբ, մշակվել են հետխորհրդային տարածքում համաճարակաբանական իրադրության ապակայունացման հնարավոր մեթոդներ ու մեխանիզմներ: "Այդ առնչությամբ ակնկալում ենք գործընկերների աջակցությունը ՀԱՊԿ շրջանակներում պրոֆիլային խորհրդի աշխատանքների մեկնարկի ռուսական նախաձեռնության շուտափույթ իրականացմանը: Մեկ անգամ ևս կարևորում եմ արտաքին քաղաքականության ոլորտում ՀԱՊԿ մասնակիցների միջև ամենասերտ համակարգումը, համաձայնեցված գործողությունները ՄԱԿ-ում և այլ բազմակողմ հարթակներում, միջազգային անվտանգության բազմաբնույթ խնդիրների նկատմամբ ընդհանուր մոտեցումների առաջ մղումը: Այս համատեքստում պետք է ամրապնդել փոխգործակցությունը Շանհայի համագործակցության կազմակերպության և Անկախ պետությունների համագործակցության մեր "բնական" գործընկերների հետ։ Ի դեպ, մեր կարծիքով, տեղին կլիներ եւ ճիշտ, դա մենք պետք է քննարկենք, ԱՊՀ-ին տրամադրել նաեւ ՀԱՊԿ-ին առընթեր դիտորդի կարգավիճակ", - նշել Է Պուտինը:

 

Որպես առաջնային խնդիր նա նշել է նաեւ Հայրենական մեծ պատերազմում հաղթանակի, հսկայական եւ անդառնալի զոհերի գնով աշխարհը նացիզմից փրկած ժողովուրդների սխրանքի մասին հիշողության համատեղ պաշտպանությունը, նացիստներին, նրանց հանցակիցներին եւ նրանց ժամանակակից հետեւորդներին արդարացնելու ցանկացած փորձերին հակազդումը: "Ցավոք, մեր հարևան երկրում ՝ Ուկրաինայում, վաղուց նկատվում է նեոնացիզմի սանձարձակություն, ինչի վրա աչք են փակում, ուրեմն և, փաստորեն, խրախուսում են նրանց գործունեությունը մեր որոշ գործընկերներ, այսպես կոչված, հավաքական Արևմուտքից։ Եվ այս ամենը ուղեկցվում է, այսպես կոչված, քաղաքակիրթ և պոլիտկոռեկտ երկրներում ռուսատյացության աննախադեպ պոռթկումով", - ասել է նա։

 

Անդրադառնալով Հյուսիսատլանտյան դաշինքի ընդլայնմանը՝ Պուտինը համոզմունք է հայտնել, որ դա խնդիր է, որը ստեղծվում է միանգամայն արհեստականորեն, քանի որ դա արվում է ի շահ Միացյալ Նահանգների արտաքին քաղաքականության: Նրա խոսքով, ՆԱՏՕ-ն օգտագործվում է որպես արտաքին քաղաքականության գործիք, ըստ էության, մեկ երկրի համար, դա արվում է բավականին համառորեն, արհեստականորեն եւ շատ ագրեսիվ, ինչը խորացնում է անվտանգության ոլորտում առանց այդ էլ բարդ միջազգային իրադրությունը: "Ինչ վերաբերում է ընդլայնմանը, այդ թվում ՝ դաշինքի նոր անդամների ՝ Ֆինլանդիայի, Շվեդիայի հաշվին։ Ռուսաստանը, կցանկանայի ձեզ տեղեկացնել, հարգելի գործընկերներ, այդ պետությունների հետ խնդիրներ չունի, ոչ։ Այդ պատճառով այդ առումով անմիջական սպառնալիք մեզ համար ՝ այդ երկրների հաշվին ընդլայնմամբ, Ռուսաստանի համար չի ստեղծվում։ Բայց ռազմական ենթակառուցվածքի ընդլայնումն այդ տարածքում, անշուշտ, կառաջացնի մեր պատասխան արձագանքը, և, թե ինչպիսին կլինի այն, մենք կտեսնենք, ելնելով այն սպառնալիքներից, որոնք մեզ համար կստեղծվեն ։ Այսինքն, ընդհանրապես, խնդիրներ  են ստեղծվում դատարկ տեղում։ Դե, համապատասխան կերպ կարձագանքենք դրան", - ասել Է Պուտինը, նաև մեղադրելով Հյուսիսատլանտյան դաշինքին իր աշխարհագրական դիրքից դուրս գալու և միջազգային հարցերում ավելի ակտիվ որեններգրավվելու, անվտանգության տեսանկյունից միջազգային իրավիճակը վերահսկելու և դրանց վրա ազդելու փորձերի համար՝ աշխարհի այլ տարածաշրջաններում։ "Վերջում ցանկանում եմ ևս մեկ անգամ հաստատել, որ Ռուսաստանը շարունակելու է իր ներդրումն ունենալ ՀԱՊԿ անդամ բոլոր պետությունների հետ ռազմավարական դաշնակցային հարաբերությունների խորացման գործում։ Կանենք հնարավորինը՝ ՀԱՊԿ շրջանակներում արդյունավետ գործընկերային համագործակցության կատարելագործման և զարգացման համար և, իհարկե, կաջակցենք գործող հայկական նախագահության աշխատանքին այդ ուղղությամբ ", - ասել է ՌԴ ղեկավարը: