Թբիլիսին վրդովված է Մոսկվայում "3+3" ձեւաչափի հանդիպման ժամանակ Վրաստանի դրոշի ներկայացումից

Արմինֆո. Պաշտոնական Թբիլիսին վրդովված է դեկտեմբերի 10-ին Մոսկվայում "3+3" ձեւաչափով հանդիպման ժամանակ Վրաստանի դրոշի ներկայացումից: "Դեկտեմբերի 10 - ին Մոսկվայում կայացած 3+3 ձեւաչափով հանդիպմանը ներկայացվել Է Վրաստանի դրոշը, ինչը, բնականաբար, մեզ համար անընդունելի է", - ասված Է Վրաստանի ԱԳՆ մեկնաբանությունում:

"Վրացական կողմը բազմիցս հայտարարել է "3+3" տարածաշրջանային ձևաչափի վերաբերյալ իր հստակ դիրքորոշման մասին, որ մենք չենք քննարկի Վրաստանի մասնակցությունն այդ ձևաչափին։ Դեկտեմբերի 10-ին Մոսկվայում կայացած հանդիպմանը ներկայացվել է Վրաստանի դրոշը, ինչը, բնականաբար, մեզ համար անընդունելի է, ինչին մենք արձագանքել ենք համապատասխան դիվանագիտական խողովակներով", - ասված է Վրաստանի ԱԳՆ հայտարարության մեջ, հաղորդել է 1TV.GE:

Նշենք, որ դեկտեմբերի 10-ին Մոսկվայում տեղի է ունեցել "3+3" խորհրդատվական տարածաշրջանային պլատֆորմի առաջին նիստը ' ՌԴ, Ադրբեջանի, Հայաստանի, Թուրքիայի արտաքին գործերի փոխնախարարների եւ Իրանի ԱԳՆ գլխավոր տնօրենի համանախագահությամբ: ՌԴ ԱԳՆ-ում նշել են, որ Վրաստանի ներկայացուցիչները, որոնք նույնպես հրավիրվել էին, ձեռնպահ են մնացել հանդիպմանը մասնակցելուց: