Արմինֆո."Հայաստանն ու Ադրբեջանը մեզ համար հավասար գործընկերներ են", - հայտարարել է ՌԴ նախագահ Վլադիմիր Պուտինը՝ հոկտեմբերի 22-ին "Վալդայ" միջազգային ակումբի XVII նիստում, որն ընթանում է "Պանդեմիայի դասերը եւ նոր օրակարգը.ինչպես համաշխարհային ճգնաժամը դարձնել խաղաղության հնարավորություն" թեմայով։
Նշելով, որ Ռուսաստանը հատուկ կապեր ունի Հայաստանի հետ՝ Պուտինն ընդգծել է, որ Ռուսաստանը հատուկ կապեր ունի նաև Ադրբեջանի հետ ։ "Ռուսաստանում բնակվում է 2 մլն հայ, եւ մոտ 2 մլն ադրբեջանցի ։ Դա ոչ միայն այն մարդիկ են, ովքեր եկել են ժամանակավոր վաստակի, նրանք մարդիկ են, ովքեր ապրում են այստեղ գրեթե մշտապես: Միլիարդավոր դոլարներ նրանք ուղարկում են իրենց ընտանիքներին ՝ աշխատելով Ռուսաստանում։ Բոլոր այդ մարդիկ հումանիտար մակարդակով Ռուսաստանի հետ շատ կայուն ու սերտ կապեր ունեն ՝ միջանձնային, գործնական, հումանիտար, ընտանեկան ։ Դրա համար էլ մեզ համար և Հայաստանը, և Ադրբեջանը հավասար գործընկերներ են, և մեզ համար մեծ ողբերգություն է, երբ մարդիկ են զոհվում ։ Մենք ցանկանում ենք լիարժեք հարաբերություններ հաստատել ինչպես Հայաստանի, այնպես էլ Ադրբեջանի հետ։
Յուրաքանչյուր դեպքում կան հարաբերություններ կառուցելու տարրեր: Հայաստանի հետ՝ դա քրիստոնեությունն է, բայց մենք սերտ կապեր ունենք Ադրբեջանի հետ նաեւ այլ ուղղություններով։ Ինչ վերաբերում է կրոնական բաղադրիչին ՝ ՌԴ բնակչության գրեթե 15 տոկոսը իսլամ է դավանում, և այդ առումով Ադրբեջանը մեզ համար օտար երկիր չէ։ Ինչը մենք հաստատ չենք կարող մոռանալ, ինչ տեղի է ունեցել հայ ժողովրդի ճակատագրում Առաջին համաշխարհային պատերազմի ժամանակ, դա հայ ժողովրդի մեծ ողբերգությունն է։ Այս հակամարտությունը սկսվել է ոչ միայն որպես միջպետական հակամարտություն եւ տարածքի համար պայքար։ Այն սկսվել է էթնիկ հակամարտությունից։ Ցավոք, դա փաստ է, երբ Սումգայիթում, ապա Լեռնային Ղարաբաղում հայ ժողովրդի դեմ դաժան հանցագործություններ են իրականացվել։ Մենք պետք է բոլորը համալիրում դիտարկենք։ Միեւնույն ժամանակ, մենք հասկանում ենք, որ այնպիսի իրավիճակ, երբ Ադրբեջանի տարածքների զգալի մասը կորել է, չի կարող հավերժ շարունակվել։ Երկար տարիներ մենք առաջարկում էինք այս ճգնաժամի կարգավորման տարբեր տարբերակներ, որպեսզի կայունացնենք իրավիճակը երկար պատմական հեռանկարով։ Դա լարված աշխատանք էր դիրքորոշումների մերձեցման ուղղությամբ, ինչ-որ րոպեներ թվում էր, թե ևս մեկ քայլ ՝ եւ մենք լուծում կգտնենք ։ Եվ, ցավոք, դա տեղի չունեցավ, և մենք ունենք հակամարտություն՝ դրա ամենավատ տարբերակով, և ողբերգությունն այն է, որ մարդիկ մահանում են ։ Շատ կորուստներ՝ երկու կողմերից: Մեր տվյալներով ՝ ավելի քան 2 հազար մարդ մեկ և մյուս կողմից։ Զոհերի ընդհանուր թիվը հասնում է 5 հազարի։
Աֆղանստանում պատերազմի 10 տարիների ընթացքում ԽՍՀՄ - ում զոհվել է 13 հազար մարդ, իսկ այստեղ նման կարճ ժամանակահատվածում ՝ 5 հազար, իսկ քանի վիրավոր կա։ Այդ պատճառով մեզ համար դա հատուկ իրավիճակ է։ Այո, ստեղծվել է Մինսկի խումբ, մեզ վրա է դրված բանակցային գործընթացի կազմակերպման պատասխանատվությունը, բայց հասկանալի է, որ ես 100 տոկոսով վստահ եմ, որ այդ գործընթացի բոլոր մասնակիցները անկեղծորեն ձգտում են կարգավորման ։ Բայց ոչ ոք դրանում շահագրգռված չէ այնպես, ինչպես Ռուսաստանը։ Քանի որ դա տեղի է ունենում լայն իմաստով մեր մարդկանց, մեր ընկերների եւ հարազատների հետ: Այդ պատճառով մենք այնպիսի դիրքորոշում ենք որդեգրել, որը կարող էր վայելել ինչպես մեկ, այնպես էլ մյուս կողմի վստահությունը եւ էական դեր խաղալ որպես դիրքորոշումների մերձեցման միջնորդ ։ Ես շատ կցանկանայի, որ այդ փոխզիջումը գտնվեր։
Ես Փաշինյանի եւ Ալիեւի հետ կապի մեջ եմ, օրական մի քանի անգամ, նրանց հետ խոսում եմ հեռախոսով, հատուկ ծառայությունների, ԱԳՆ ղեկավարների հետ ։ Հուսանք, որ լավագույնը կլինի", - նշել է նա ։
Ռուսաստանի նախագահը նաեւ նշել է, որ բանակցային գործընթացի Մինսկի խմբի ձևաչափի փոփոխության առնչությամբ, ցավոք, պատասխան չունի։ «Բայց օբյեկտիվ պատճառների բերումով Ռուսաստանն այստեղ է, նա ունի շատ հզոր ազդեցություն. 2.5 միլիոն հայ է ապրում Ռուսաստանում, եւ 2 մլն ադրբեջանց: Սա միայն մեկն է բազմաթիվ գործոններից: Բայց մեզ համար կարևոր է Մինսկի խմբի աջակցությունը, որի մեջ մտնում են խոշոր տերություններ, և Թուրքիան մտնում է այնտեղ։ Հնարավոր է՝ ձեւաչափը ինչ-որ կերպ փոխել, բայց գլխավորն է գտնել ընդունելի փոխզիջումներ կողմերի համար», - նշել է Ռուսաստանի նախագահը ։