Արմինֆո. Հայաստանի ներքին գործերը, խնդիրները, ինչպես և մեր նման շատ երկրների,արտաքին քաղաքականության շարունակությունն են։ ԱրմԻնֆո-ին այդպիսի կարծիք է հայտնել Հայաստանի Եվրոպական կուսակցության նախագահ Տիգրան Խզմալյանը ։
<Տվյալ կոնկրետ դեպքում խոսքը վերջին 100 տարվա ընթացքում Ռուսաստանի թուլացման երրորդ փուլի մասին է ՝ այս անգամ պուտինյան։ Տեղի է ունենում կառավարման համակարգի փլուզման գործընթաց, ընդ որում ՝ բավականին արագ ։ Հասկանալի է, որ Մոսկվան հատուկ ծառայությունների և Հայաստանում գործող ներքին ցանցի միջոցով փորձում է պաշտպանել իր դիրքերը ։ Հայկական քաղաքական կուսակցություններում, հատուկ ծառայություններում, այլ կառույցներում տարիներ շարունակ դաստիարակվել են մարդիկ, որոնք այսօր շատ օգտակար կլինեն Ռուսաստանին ։ Եվ անտեսելով այդ փաստը ՝ հասկանալ այն, ինչ այսօր տեղի է ունենում Հայաստանում, անհնար է>, - ընդգծել է նա ։
Քաղաքական գործչի գնահատմամբ ՝ Ռուսաստանն այսօր դիրքերը զիջում է ոչ միայն Հայաստանում, այլև ամբողջ աշխարհում ։ Ասել է թե ՝ ՌԴ-ի հետ այսօր տեղի է ունենում այն, ինչ 30 տարի առաջ տեղի էր ունենում ԽՍՀՄ-ի հետ։ Այս առումով նա նշել է Ռուսաստանի տնտեսական էական խնդիրները՝ պայմանավորված էներգակիրների գների հերթական կտրուկ անկմամբ ։ Ընդ որում՝ Ռուսաստանը պատերազմի մեջ է ներքաշված հեռավոր երկրներում Սիրիայում և Լիբիայում ։ Բացի այդ, Մոսկվան փորձում է սանձազերծել նաև հիբրիդային պատերազմներ Ուկրաինայում, հետխորհրդային այլ երկրներում, այդ թվում ՝ Հայաստանում ։
Այս առնչությամբ հայաստանյան որոշ կուսակցությունների հուշագիրը <Եդինայա Ռոսիայի> հետ, ինչպես նաև վերջիններիս առաջնորդների հայտարարությունները, Խզմալյանի խոսքով, միայն երևացող մասն է։ Նրա կարծիքով ՝ շատ ավելի մեծ խնդիր է պատրանքը, ըստ որի ՝ Հայաստանում շատ քաղաքական կուսակցություններ կան ։ Իրականում, ըստ քաղաքական գործչի գնահատականների, ազգային, ժողովրդավարական կուսակցությունները երկրում ընդամենը 3-4-ն են։ Մնացածներն ընդամենը ներկայացնում են ռուսական հատուկ ծառայությունների շահերը ։
Հունիսի 2-ին <Բարգավաճ Հայաստան> կուսակցության առաջնորդ Գագիկ Ծառուկյանն իր մտահոգությունն էր հայտնել <Հայաստանում հակառուսական տրամադրությունների արհեստական սրման> կապակցությամբ ՝ դրանում մեղադրելով հակահայ, հակապետական ուժերին, որոնք ձգտում են խզել երկու ժողովուրդների միջև բարեկամական կապերը ։
<Որպես Հայաստանի ամենամեծ ընդդիմադիր քաղաքական ուժի՝ «Բարգավաճ Հայաստան» կուսակցության նախագահ, որպես քաղաքական գործիչ, որպես քաղաքացի, կանեմ ամեն ինչ՝ կանխելու մեր երկրում հակառուսական տրամադրությունների ստեղծմանը նպատակաուղղված սադրանքները>,- հայտարարել է Ծառուկյանը:
<Եկեք իրերն իրենց անուններով կոչենք։ Նախկին իշխանություններն իրականում զբաղվում էին ոչ այլ ինչով, քան ինքնիշխանության առևտրով՝ փոխարենը հնարավորություն ստանալով մնալ այդ նույն իշխանության ղեկին։ Սա է կարճ բանաձևը, թե ինչ է տեղի ունեցել մինչև 2018 թվականը ։ Եվ, ցավոք, նրանց փոխարինելու եկած իշխանություններին չհաջողվեց կոտրել այդ տխուր իրողությունները։ Գործընթացը գնում է, բայց ես այն գնահատում եմ մի փոքր ուշացած։ Վերջին երեք տասնամյակում Հայաստանը դոփում է տեղում ՝ սպասարկելով Ռուսաստանի շահերը, մինչդեռ հարևան երկրները քաղաքական և տնտեսական հարաբերություններ են զարգացնում քաղաքակիրթ աշխարհի հետ>, - ամփոփել է Խզմալյանը։